Typewriter S01E01 | බිහිසුණු අභිරහසක ආරම්භය…

– දාදු.
– දුවේ, දැන් වෙලාව දොලහයිනෙ. ඇයි මෙච්චර වෙලා ඇහැරගෙන?
– කවුද කෙනෙක් මගේ කාමරේ ඉඳගෙන අඬනවා.
– ආයෙත්? හරි එහෙනම්. යං ගිහිං බලමුකො මොකක්ද කියලා!
– මයෙ කාමරේ කවුද කෙනෙක් ඉන්නවා.
– නැහැ මයෙ පුතේ, කී පාරක් නම් මං ඔයාට කිව්වද! භූතයෝ කියලා ජාතියක් නෑ. භූතයෝ කියන්නෙ බොරුවක්.
– ඉන්නවා! රෑට තමයි එයාලා එන්නෙ. ඔයාගෙ කතා වලම එහෙම තියෙනවනෙ.
– අයියෝ පුතේ, ඒවා ඇවිල්ලා කතන්දර. කතන්දර වල තියෙන්නෙ ඇත්ත නෙමෙයිනෙ.
– එතකොට භූතයො කියලා ජාතියක් නැද්ද?
– මං නම් කවදාවත් දැකලා නෑ. ගිහිල්ලම බලමුකො. ඔයාටම බලාගන්න පුලුවනි මුකුත් නෑ කියලා.

(ඔහු සිය මිණිපිරිය සමගින් ඇයගේ කාමරයට ගොස්, කාමරය පරීක්ශා කරයි.)

– මුකුත් නෑ. දැක්කයි? යන්න, දැන් නිදාගන්න. හොඳටෝම රෑ වෙලා! උදේට ඉස්කෝලෙ යන්නත් තියෙන්වනෙ. ගුඩ් නයිට්.

– දාදු.
– ඔව්, පුතේ?
– ඇඳ යට ඉඳන් කවුද අඬනවනෙ!
– නෑ පුතේ, කවුරුවත් නෑනෙ.
– ඉන්නවා! මට ඇහෙනවනෙ!
– අපි දැන් කාමරේ හැමතැනම බැලුවනෙ. කෝ, කවුරුවත් නෑනෙ.
– මට හරිම බයයි!
– මට නම් කවුරුවත් පේන්නත් නෑ, ඇහෙන්නෙත් නෑ!

(මිණිපිරියගේ ඇවටිල්ල මත ඔහු ඇයගේ ඇඳ යටට එබී බලන අතර, සිය මිණිපිරිය ඇඳ යට ගුලිවී සිටිනු දකියි)

– මගේ ඇඳේ කවුද කෙනෙක් ඉන්නවා!

(ඒ තමයි මාධව් මැතිව්ස්ගේ අවසානය.)

ඔන්න එහෙනම් සුපුරුදු විදියට තවත් නෙට්ෆ්ලික්ස් වෙබ් සීරීස් එකකට අත ගැහුවා. මේක මිනි සීරීස් එකක්. කතාංග පහයි අන්තර්ගත වෙන්නෙ. සීරිස් එක රිලීස් වෙලා මාස කීපයක් වුණත්, කතාව බලලා පැත්තකට වෙලා පාඩුවේ හිටියා මිසක් උපසිරැසි කරන්න අදහසක් තිබ්බෙ නෑ. ඔය අතරෙ තමයි මයුරගෙ ඉල්ලීම පිට මේකට අත ගහන්නෙ.

හරි, ඔක්කොටම කලින් පොඩි ප්‍රශ්න කීපයක් අහලා ඉන්නම්. පුළුවන් නම් මේ කවුද කියලා අඳුරගන්න බලන්න.

  • ශ්‍රී ලාංකික රූ රැජින, ජැක්ලින් ෆර්නැන්ඩස් බොලිවුඩ් පුරවරයට කැන්ඳාගෙන ආ Aladin (2009) චිත්‍රපටයේ අධ්‍යක්ශකවරයා ඔහුයි.
  • බොලිවුඩ් සිනමාවෙ දැවැන්තම Mystery, Thriller කතාංගයක් වන Kahaani (2012) සහ Kahaani 2: Durga Rani Singh (2016) සලරූ හි අධ්‍යක්ශකවරයා ඔහුයි.
  • ත්‍රාසයෙන් සහ කුතුහලයෙන් ඔබව මුසපත් කලා වූ Badla (2019) සිනමා කෘතියෙහි අධ්‍යක්ශකවරයා ඔහුයි.
  • රිතීක් රෝෂන්ගේ Bang Bang! වගේම අමිතාබ් බච්චන්ගේ Te3n පිටුපස සිටියාවූ අදෘශ්‍යමාන හස්තයක් වන්නෙත් ඔහුයි.

ඔහු විශිෂ්ඨයෙක්. සැබවින්ම ඔහු විශ්වකර්මයෙක්. බොලිවුඩය ඒකාලෝක කිරීමට පැමිණි මිණි පහනක්! ඔහු තමයි Sujoy Ghosh. ඇයි මං ඔහු ගැන මෙතන සඳහන් කලේ? මේ කාරණාවම ඇති ඔබට මේ කතා මාළාව නරඹන්න. Sujoy Ghosh තමයි මේ කතා මාළාවෙ අධ්‍යක්ශකවරයා. ඉතිං, ඔබම තීරණය කරන්න බලනවද, නැද්ද කියලා.

තව දෙයක් කියන්නම්. Horror කිව්වම ඔබගෙ මතකයට නැගෙන්නෙ සාම්ප්‍රදායක වට්ටෝරුවක්. කොහෙන් හරි හොල්මනක් පාත්වෙනවා. දෙයියො තමයි දන්නෙ කොහෙන් පාත් වුණාද කියලා. කවුරුහරි යකදුරෙක් එනවා. ඇවිල්ලා හොල්මනගෙන් හැමෝවම බේරගන්නවා. ඊට පස්සෙ හැමෝම සතුටින් ජීවත් වෙනවා. අහනකොටත් අප්පිරියයි. එක දෙයක් කියන්නම්. පලවෙනි කොටස නරඹන්න. උපරිම මෙගාබයිට් 200ක් 300ක් යාවි. ඊට පස්සෙ ඔබම තීරණය කරන්න ඉතුරු කොටස් 4ත් බලන්න තරම් මේ කතා මාලාව වටිනවද කියලා. නෙට්ෆ්ලික්ස් කියන්නෙ ආවට ගියට දෙයක් කරන අය නෙමෙයි කියලා ඔබ හොඳටම දන්නවා ඇති. Sacred Games, Ghoul බැලුවා නම් නෙට්ෆ්ලික්ස්ලගෙ බොලිවුඩ් ආගමනය කොහොමද කියලා අමුතුවෙන් කියන්න දෙයක් නෑනෙ. ඒ වගේම තමයි, මේ කතා මාලාවත් ආරම්භයේ පටන්ම උපරිම කුතුහලයෙන්, ත්‍රාසයෙන්, භීතියෙන්, හොලිවුඩ් ආභාශය සහිතව ගලාගෙන යන්න සලස්වලා තියෙනවා.

අවසානයට, ආයෙත් කියන්නම්, සැකයක් තියෙනවා නම් පලවෙනි කොටස විතරක් අරගෙන බලන්න. ඊට පස්සෙ තීරණය කරන්න ඉදිරියට බලනවද නැද්ද කියලා. මොනම ආකාරයකින් වත් පසුතැවීමක් වෙන්න සිද්ධවෙන එකක් නෑ. එහෙනම්, මේ ගැම්මටම දෙවනි කොටසට ඇඟිලි ගනින්න ගන්න. ජය!

 

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEB | x264 | 720p | 2.4GB | Complete S01 |

Direct Download

| WEB  | x264 | 480p | 200MB |

| WEB  | x264 | 720p  | 510MB |

x265

| WEB  | x265 | 720p | 280MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

3 thoughts on “Typewriter S01E01 | බිහිසුණු අභිරහසක ආරම්භය…

  • September 11, 2019 at 07:20
    Permalink

    Meke complete season eke sub nane E 4 , E5

    Reply
  • September 15, 2019 at 14:32
    Permalink

    Userdrive එකෙන් downoad solw ne….

    Reply

Leave a Reply

Your email address will not be published. Required fields are marked *

error: Alert: Content is protected !!