The Terror [S02 : E01] | යක්ෂණියගේ පිබිදීම..!

ආයුබෝවන් යාළුවනේ..!

2018 අප්‍රේල් මාසෙ The Terror ටෙලි කතා මාලාව amc නාලිකාව හරහා විකාශය වුණා. බලල නැති අය ඉන්නවනම් ඔන්න බලන්න ගන්න, මම ආයෙත් කෙටියෙන් කතාව මතක් කරන්නම්. ඉතිං පළමු කතා මාලාවට පදනම් වුණේ, ටෙරර් සහ එරබස් රාජකීය නෞකා ද්විත්වය ආක්ටික් සාගරය හරහා නාවුක මාර්ගයක් සොයාගෙන යෑම හා සම්බන්ධව. ඒකෙදි නොසිතූ විදියට නෞකා දෙක හිමේ හිර වෙලා, නාවික පිරිස මිදුණු මහ මුහුදෙ හිර වෙනව. ඒකෙන් පස්සෙ තමයි එකපාරම ටූන්බක් කියන මිනීමස් කන දැවැන්ත හිම වලහා නාවිකයන්ට දිගින් දිගටම පහර දෙන්නෙ. මේකෙන් පස්සෙ නාවික පිරිසට දරුණු ආහාර අර්බුද, වසංගත, අධික ශීතල නිසා ඇතිවුණු දරුණු ගැටළු වගේම ස්වදේශීය ජනයා ගැන වැරදි වැටහීමක් ඇතිකරගැනීම නිසා තවත් දරුණු අර්බුද ඇති වෙනව. කොහොමහරි මේ තත්වය තවත් දරුණු වෙන්නෙ පිරිස නැව් අතෑරල යන්න තීරණය කළාට පස්සෙ. මේ පිරිසෙන් ටෙරර් නෞකාවේ කැප්ටන් ක්‍රොසියර් ඇත්තටම බුද්ධිමත්. ඒත් එරබස් නෞකාවෙ කැප්ටන් ජෝන් පණ්ඩිත නිසා කලින්ම මැරුම් කනව.

අවසානෙදි පිරිස නැව් අතෑරල යන අතරෙ, මේ පිරිසෙ හිටපු සුළු නිළධාරියෙක් වුණු හිකී නාවික පිරිස බේදභින්න කරනව. හිකී කියන්නෙ ඇත්තටම සුළු නාවික නිළධාරියෙක් නෙවෙයි. හිකී කියන ඇත්තම සුළු නාවික නිළධාරියා මරල දාල, ඒ නමින් පෙනී ඉන්න හොරෙක්. හිකීගෙ මේ ක්‍රියාකලාපය කොයි තරම් දරුණු වෙනවද කිව්වොත් මිනිස්සු මරල කන මට්ටමට හිකී පත් වෙනව. ඒ අනුව තමයි ඩොක්ටර් ගුඩ්සර් මැරුම් කන්නෙ. ඩොක්ටර් ගුඩ්සර් මැරෙන්න කලින් වස බොනව. ඒ කරල කැප්ටන් ක්‍රොසියර්ට කියනව, ඔහුගෙ මස් කන්න වුණොත් යටිපතුලේ මස් විතරක් කෑමට ගන්න කියල. ඒ විදියට කැප්ටන් ක්‍රොසියර් වස මිශ්‍ර මස් නොකා පණ බේරගන්නව. හිම වලහා එක්ක ඇතිවෙන අවසාන සටනෙදි, හිකී ඇතුළු අවසන් නාවික පිරිස මැරුම් කනව හිකීගෙ උද්දච්ච මෝඩ වැඩක් නිසා. ටෙරර් සහ එරබස් නෞකා දෙකෙන්ම මුළු නාවික පිරිසෙන් ජීවිතය බේරගන්න ලැබෙන්නෙ කැප්ටන් ක්‍රොසියර්ට විතරයි. කැප්ටන් ක්‍රොසියර් හොයාගෙන තව පිරිසක් ආව වුණත් ඔහු ඔවුන් එක්ක නොයා එස්කිමෝ මිනිස්සු එක්ක ජීවිතේ ඉතුරු කාලෙ ජීවත් වෙන්න තීරණය කරනව. ඒ විදියට ටෙරර් පළවෙනි භීෂණකාරී කතා මාලාව ඉවර වුණා. මේ සනිටුහන් වෙන්නෙ ටෙරර් කතා මාලාවේ දෙවැනි භීෂණයේ ආරම්භය.

කලින් කතා මාලාව අවසාන වෙද්දි මම මතක් කළා දෙවැනි කතා සමය අලුත්ම මාතෘකාවක් අරගෙන එන වෙනස් චරිත හමුවෙන කතා මාලාවක් කියල. ඒ වගේම ඒක ජපන්-ඇමරිකානු ජාතිකයින් සම්බන්ධ දෙවැනි ලෝක යුධ සමය ආශ්‍රිතව ගොඩනැඟුණු කතාවක් කියලත් කිව්ව. ඔන්න ඒ ඔක්කොම ඇත්ත කරමින් තමයි මේ උද්වේගකර දෙවැනි කතා සමය ආරම්භ වෙන්නෙ.

මේ කතා සමය ජපානයේ ඉඳල බොහෝ කාලෙකට කලින් කැලිෆෝනියාවට ආපු ජපන් පවුල් කීපයක් වටා ගෙතෙන්නෙ. ඔවුන් විශ්වාස කරනව පුරාණ ජපන් යක්ෂ ආත්මයන් ඔවුන් පස්සෙන් එනව කියල. ඒ නිසා ඔවුන් ජපානය අතෑරල කැලිෆෝනියාවේ පදිංචි වෙන්න තීරණය කරල තියෙනව. මේ කාලෙ වෙනකොට දෙවැනි ලෝක යුධ සමය ආරම්භ වෙලා. නමුත් අර ආත්මය ඔවුන්ව බොහෝ අවුරුදු ගාණකට පස්සෙ දඩයම් කරන්න පටන් ගන්නව. මේක කියනව වගේ සරළ නෑ. බලනකොට තේරුම් යාවි. ඒ වගේම ඇඟ හිරි වට්ටන තේමාවක් තමයි කතාවට තියෙන්නෙ. එහෙනම් Terror මේ කතා සමයෙන් ආයෙත් යක්ෂ ආත්මයන් එක්ක දඩයමේ යන්න පටන් ගමු.

මේ කතාසමයත් ආරම්භ වෙන්නෙ හිතාගන්න අමාරු විදියකට. මුලින් කතාව එකපාරම තේරුම් යන එකක් නෑ. ඒත් අවසාන වෙනකල් බැලුවම මුල මැද අග ගලපගන්න පුළුවන්. කතාව ආරම්භ වෙන්නෙ ෆුරුයා මහත්මියගේ සියදිවි හානි කර ගැනීමෙන්. මේක නිකම්ම වුණු එකක් නෙවෙයි. ඒක යම් කෙනෙක් කරපු දෙයක්. හැබැයි මනුස්සයෙක් නෙවෙයි. චෙස්ටර් කියන්නෙ ජපානයේ ඉඳල කැලිෆෝනියාවේ පදිංචියට ආපු එක පවුලක තරුණ දරුවෙක්. ඒ වගේම ඡායාරූප ශිල්පියෙක්. චෙස්ටර් කොහොමද මේ ආත්මය එක්ක සම්බන්ධ වෙන්නෙ. ඒ වගේම ෆුරුයා මහත්මිය විතරයිද අද මැරෙන්නෙ. නෑ නෑ.. ඒ ආරම්භය විතරයි. තව දේවල් ගොඩක් අද කතාංගයේ වෙනව. එහෙනම් පටන් ගමු දඩයමේ යන්න.

‘ලස්සන මූණක් පිටිපස්සෙ යක්ෂණියක් වෙස් වලාගෙන ඉන්න බැරි නෑ”

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| WEB | x264 | TBS  | 500MB |

Direct Download

| WEB | x264 | 480p | 140MB |

| WEB  | x264 | 720p | 380MB |

| WEB  | x265| 720p | 170MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!