Forces spéciales (2011) | නොනැවතී අවසානය කරා…

ඉතින් මිතුරනි… ඔන්න ඉතින් මමත් හා හා පුරා කියල බයිස්කෝප් අඩවියට උපසිරැසියකින් දායක වෙන්නයි හදන්නේ. මම ගැන කියනවනම් මම කටාර් රාජ්‍යයේ සේවය කරන්නේ. EID එකට නිවාඩු ලැබුන ගමන් තමයි වැඩේ පටන් ගත්තේ. පහුගිය වසරක් තිස්සෙම අපේ බයිස්කෝප් සයිට් එකට ඇවිත් ෆිල්ම් තියෙන ඒවා බලලා උපසිරැසි අරගෙන ගියා විතරයි. මටත් හිතුනා ආසාවටත් එක්ක උපසිරැසියක් කරන්න ඕන කියලා *:. එත් එක හිතපු තරම් ලෙහෙසි වුනේ නෑ *:(. හැබැයි උපසිරැසි හදලා ඉවරවෙලා ඒක වැඩ කරනකොට හිතට දැනෙන අධ්‍යාත්මික සතුට කියලා නිම කරන්න බැහැ. ඉතින් සමහර හමුදාවේ වචන වලට සිංහල තේරුම් හොයන්න අමාරු නිසා තැනට හරියන වචන මම දාලා තියෙනවා. පොඩි දුකකුත් හිතට ඇතිඋනා. අපේ රටේ මේවගේ චිත්‍රපටියක් හදන්න තව වසර 50 වත් බැරිවේවි කියල හිතුන නිසා. ඉතින් මුලින්ම ගොඩක් ස්තුති වන්ත වෙන්න ඕනේ මුල ඉඳන්ම බයිස්කෝප් අඩවියත් එක්ක එකතුවෙලා උපසිරැසි දිගින් දිගටම කරගෙන අපු යාලුවෝ ඔක්කොමටම මේ වගේ ලොකු කර්තව්‍යක් කරන එකට.

ඉතින් කතාව ගැන පොඩ්ඩක් බලමු.

මේක ප්‍රංශ සිනමා පටයක් 2011 තිරගත උන. (අලුතෙන් නිකුත් වෙන හැම එකකටම මේ සයිට් එකේ උපසිරැසි තියෙනවා. එකයි පරණ ප්‍රංශ චිත්‍රපටියක් තෝරා ගත්තේ *:D ) IMDBදර්ශකයේ 6.1 ලබාගෙන තියෙනවා. යුධ, ත්‍රාසජනක, ගණයට තමයි අයිති වෙන්නේ. ලස්සනම ලස්සන සුපිරිම සුපිරි කතාවක්.

ඇෆ්ගනිස්ථානයේ කාන්තාවන්ට සිද්දවෙන අසාධාරනකම් වලට එරෙහිව කතා කරන ප්‍රංශ මාදයවෙදිනියක් ඉන්නවා Elsa Casanova (Diane Kruger) කියලා. එයාව කාබුල් වලදී තලයිබන්ලා විසින් පැහැරගැන්නවා. ඉතින් එයාව බේරාගෙන එන්න සිද්දවෙන්නේ ප්‍රංශ විශේෂ බලකායේ සෙබළු 6 දෙනෙක්ට. හැබැයි රහසිගත මෙහෙයුමක්. සම්මාන නැහැ, පදක්කම් නැහැ, නම්බුනාම නැහැ. හැබැයි තමන්ගේ වගකීම හරියටම කරන්න මේ අය බාරගන්නවා. Kovax (DjimonHounsou), Lucas (DenisMenochet), Tic-Tac (BenoitMagimel), Elias (RaphaelPersonnaz), Victor (AlainFiglarz), Marius (Alain Alivon) තමයි මේ 6 දෙනා. ඒ අතරේ පොඩි ආදර කතාවකුත් ඇතිවෙනවා. මිතුරාට මෙන්ම සතුරාටත් ආදරය කරන්න ඕනේ කියල අපි පිළිගන්නවනේ. මේ කතාවෙත් තලෙයිබාන් නායකයාගේ චරිතය (ZAIEF) රඟපාන Raz Degan කියන නළුවත් තමාගේ චරිතයට සුපිරිම සාදරනයක් ඉෂ්ට කරනවා. මේ 6 දෙනාට කලින් කියපු මාද්‍යවෙදිනිය බේරාගන්න පුළුවන් වෙයිද ? තමාගේ රටේ මෙහෙම මෙහෙයුමක් කරන්න තලෙයිබාන් නායකයා ඉඩ දෙයිද? තීරණය කරන්න ඔයාලට බාරයි.

මොකද ඔක්කොම මමම කිව්වොත් වැඩක් නැහැ. ඔයාල බලලම තීරණය කරන්න. තවත් ඉදිරියට ඔයාලව මෙහෙම හමුවෙන්න බලාපොරොත්තුවෙන් ඉන්නේ. එතකන් හැමෝටම සුබ පතනවා. ජය වේවා…

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| Bluray | x264 | 720p | 1.4GB |

Direct Download

| Bluray | x264 | 720p | 1.2GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!