Attack on Titan: Part 1 (2015) | මනුෂ්‍යත්වය වැනසීමට යෝධයින්ගෙන් එල්ල වූ ප්‍රහාරයට එරෙහිව…

හොඳයි එහෙනම් Sniper: Ghost Shooter (2016) චිත්‍රපටියේදී පොරොන්දු වුණ විදියටම ඉක්මණටම තවත් සුපිරිම චිත්‍රපටියක් අරගෙන තමයි මේ ඇවිල්ලා තියෙන්නෙ.මේක ජපන් චිත්‍රපටියක්.ජපන් චිත්‍රපටියකට උපසිරසියක් කරපු පලවෙනි වතාව තමයි මේ.ඉතාමත් හොඳ මට්ටමේ චිත්‍රපටියක් නිසා තමයි භාෂාව ගැන නොබලා මේක කරන්න ගත්තේ.

චිත්‍රපටිය ගැන කියනවනම් මේක කොටස් දෙකකින් යුක්ත චිත්‍රපටි මාලාවක්.කොහොම වුණත්, පලවෙනි චිත්‍රපටිය තුලින් පලවෙනි කතාව සම්පුර්ණයෙන්ම ඉවර වෙනවා.දෙවැනි කොටසේදී වෙන්නෙ කතාව වෙනත් පැත්තකට ගලා යෑමක්.ඒ නිසා කතා දෙක වෙන වෙනම තමයි ගලාගෙන යන්නේ.ඉතිං, කට්ටියට පුළුවන් පලවෙනි කොටස බලලා හොඳ නම් විතරක් දෙවැනි කොටසත් නරඹන්න.ඒ නිසා පලවෙනි කොටස නරඹන්න ටික දවසක් දීලා දෙවැනි කොටසත් ඉක්මනටම අරගෙන එන්න පොරොන්දු වෙනවා.

මේ චිත්‍රපට මාලාවේ පළමු කොටස නිකුත් වන්නේ 2015 වසරේ අගෝස්තු 1 වෙනිදා.අති දැවැන්ත මුදලක් වියදම් කරමින් පරිඝණක තාක්ෂනය ඉතාමත් ඉහල මට්ටමින් සංකලනය කර තිබෙන මෙම චිත්‍රපටය තිරගතවූ ආරම්භක දිනයේ පටන්ම බොක්ස් ඔෆිස් ලැයිස්තුවේ පෙරලියක් කිරීමට සමත් වෙනවා.ආරම්භක සතිය තුලදීම ඇමරිකානු ඩොලර් මිලියන 5.1 ක මුදලකින් සවිබල ගැන්වෙන මෙම සලරුව, සිය සමස්ථ අදායම් මුදල සනිටුහන් කරනුයේ ඇමරිකානු ඩොලර් මිලියන 30.8 ක් ලෙසයි.එමෙන්ම ප්‍රේක්ෂක මනාපයන් 8000 කට වඩා වැඩි ප්‍රමාණයකින් imdb දර්ශකයේ 5.2 ක් වැනි අගයක් කරා ගමන් කිරීමටත් හැකියාව ලැබිලා තියෙනවා.විශේෂයන්ම කියන්න ඕනේ, ‘ජපනා හපනා’ කියන කියමන සනාථ කරමින් මෙම චිත්‍රපටය තුල ත්‍රිමාණ සජීවීකරණය ඉතාමත් ඉහල මට්ටමක පවතිනවා.චිත්‍රපටයේ පූර්ව ප්‍රචාරක පටය නැරඹුවොත්, මා කියන දේ සැබවින්ම ඔබට වැටහේවි.

කතාව ගැනත් පොඩි විස්තරයක් කියන්නම්.වසර සියයකට පෙර දැවැන්ත යෝධයින් සමුහයක් විසින් මනුෂ්‍යය වර්ගයා මෙලොවින් තුරන් කිරීමේ අදිටනින් ප්‍රහාරයක් එල්ල කරනවා.මේ හේතුවෙන් අහිමි වූ මිනිස් ජීවිත ප්‍රමාණය සහ සිදුවූ අලාභය ගිනිය නොහැකි තරම්.මේ හේතුවෙන් මනුෂ්‍ය වර්ගයා එකතු වී අහස සිඹින දැවැන්ත ප්‍රාකාර තුනක් ඉදිකරවා තම ආරක්ෂාව සලසා ගන්නවා.මෙම දැවැන්ත ප්‍රාකාර තුන ඉදිකරවා වසර සියයක් ගතවනවා.යෝධයින්ගෙන් කිසිඳු ප්‍රහාරයක් එල්ල වන්නේ නැහැ.වර්තමානය වන විට යෝධයින්ගේ පළමු ආක්‍රමණය පිළිබඳව දන්නා කිසිවෙකුදු හෝ ජීවතුන් අතර පවා නොමැත.එම නිසා ජනතාව මෙම යෝධයින්ව හුදෙක් ජනප්‍රවාදයක් ලෙස පමණක් සිතනවා.නමුත් කිසිවෙකු සිහිනෙන් හෝ නොසිතූ පරිද්දෙන් වසර සියයක අවෑමෙන් පසු නැවතත් යෝධයින්ගෙන් ප්‍රහාරයක් එල්ල වනවා.මේ ප්‍රහාරය කෙතරම් දරුණුද යත්, පළමු ප්‍රාකාරය සම්පුර්ණයෙන්ම විනාශ වී යනවා.දිවි බේරාගත් අතලොස්සක් දෙනා දෙවැනි ප්‍රාකාරය වෙතට පසු බසිනවා.දෙවැනි ප්‍රාකාරය තුලදී මනා ලෙස සංවිධානය වී යෝධයින් හට දැවැන්ත ප්‍රහාරයක් එල්ල කිරීමයි මොවුන්ගේ අරමුණ වන්නේ.අති දැවැන්ත යෝධයින් හට සාමන්‍ය මනුෂ්‍යයන් කෙසේ නම් මුහුණ දේවිද….ඔවුන් හට කුමන අන්දමේ අනපේක්ෂිත කරදර උපද්‍රවයන්ට මුහුණ දීමට සිදුවේද….තමනට එරෙහිව සටන් වදින මනුෂ්‍යයින්ට එරෙහිව, යෝධයින් කුමන අන්දමේ ප්‍රතිචාරයක් දක්වයිද….ප්‍රේක්ෂක ඔබ සැමට ඉතිරි සියල්ලා බාරයි.

දෙවැනි කොටසත් ඉක්මනටම අරගෙන එන්නම්. හැමදෙනාටම ජයවේවා….!

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| BluRay | x264 | 720p | 1.5GB |

Direct Download

| BluRay | x264 | 720p | 850MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

2 thoughts on “Attack on Titan: Part 1 (2015) | මනුෂ්‍යත්වය වැනසීමට යෝධයින්ගෙන් එල්ල වූ ප්‍රහාරයට එරෙහිව…

Leave a Reply

Your email address will not be published. Required fields are marked *

error: Alert: Content is protected !!