Kursk (2018) | අවාසනාවට සත්‍ය කතාවක්…..

මුලින්ම ස්තූතිවන්ත වෙන්න ඕනෙ මම කලින් කරපු ” In Order of Disappearance (2014) නිහඬ ඝාතකයා…. ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

Kantha DLA සහෝගෙ ඉල්ලීමකට අනුව මේ පාර උපසිරැසියක් කරන්න තෝර ගත්තෙ. IMDb දර්ශකයේ 6.5ක් rotten Tomatoes වර්ගීකරනයේ 71%ක් ලබාගත්තු සත්‍ය කතාවක් ඇසුරින් නිර්මාණය උන සුපිරිම සිනමා සිත්තමක්. කෙටියෙම්ම කිව්වොත් මිනිත්තු 117 ක් පුරාවට ඉහලට ගත්තු හුස්ම ආපහු පහලට දාන්න අමතක කරවන ෆිල්ම් එකක්. මේ ෆිල්ම් එක හදලා තියෙන්නේ 2000 අවුරුද්දේ අගෝස්තු මාසෙ 12 වෙනිදා බැරන්ට් මුහුදේදී සිද්ද උන රුසියානු Kursk සබ්මැරීන් ඛේදවාචකය අලලා ” Robert Moore “ විසින් රචිත ” A Time to Die “ කෘතිය පාදක කරගෙනයි. මේ ෆිල්ම් එකේ කතාව ගැන කියන්න උත්සාහ කරන එක මහම අමාරු වැඩක්.

2000 දශකයේ මුලු ලෝකෙම හොල්ලපු මේ සිදුවීම ගැන නං නොදන්න කෙනෙක් නැතුව ඇති. මේ සිද්ධිය වෙනකොට පුටින් ජනාධිපතිපති වෙලා යන්තං මාස 8යි. බංකොලොත් වෙලා හතරගාතෙන් වැටිලා හිටිය රුසියාව අවුරුදු 10කට පස්සේ ලෝකෙටම පේන්න නාවික අභ්‍යාසයක් කරන්න සූදානම් වුනා. ඒ පුහුණුවට සහභාගී උන න්‍යෂ්ටික සබ්මැරීනයක් උන Kursk එකේ ඉදලා පුහුණු ටෝර්පිඩෝවක් නිකුත් කිරීමට කරපු උත්සාහයේදී ටෝර්පිඩෝ ආවරණයේ වෙල්ඩින් තියපු තැනක තිබුන කුඩා සිදුරකින් උන කාන්දුවක් නිසා ටෝර්පිඩෝව සබ්මැරීනය තුලදීම පුපුරා යනවා. ඊට මිනිත්තු කීපයකට පසුව ගබඩා කර තිබූ ඉතිරි යුධ අවි සියල්ලමත් රිච්ටර් පරිමානයේ 4.2ක දැවැන්ත පිපිරුමක් සනිටුහන් කරමින් පුපුරා යනවා. ඒත් සමගින්ම සබ්මැරීනය එහි සිටි නාවිකයන් 118 දෙනාම සමගින් බැරන්ට් මුහුදු පතුලේ සැගව යනවා. නමුත් පිපිරුමෙන් සබ්මැරීනයේ ඉදිරිපස කොටස සම්පූර්ණයෙන්ම විනාශයට පත් උනත් පසුපස කොටසේ සිටි නාවිකයන් 23දෙනෙකු දිවි බේරා ගැනීමට සමත් උනා. නමුත් ඔවුන් සියලු දෙනාම සබ්මැරීනයේ 9වෙනි කුටීරයේ කුඩා ඉඩක සීමිත ඔක්සිජන් සහ ආහාරත් සමග මුහුදු පතුලේ සිර වෙනවා.

එයින් පස්සෙ ඇරැඹුණේ ලෝක ඉතිහාසයේ මිනිස් ජීවිත ඇපයට තියා ගනිමින් සිදුකල ලැජ්ජා සහගතම දේශපාලනික බල සංග්‍රාමයකුයි. රුසියානුවන්ට නාවිකයින්ව බේර ගන්න අවශ්‍ය උන නවීන තාක්ශණික උපකරණ තිබ්බෙ නෑ. ඒ වගේම එයාලට බටහිර රටවල් වලින් උදව් ඉල්ලන්නත් බෑ ලැජ්ජාව නිසා. ඒක නිසා රුසියානුවන් කලේ බොරු මාධ්‍ය හමු තියමින් නාවිකයින් මියයනතුරු කල් මරන්න උත්සාහ කරපු එක. ඒ වගේම ඒ මාධ්‍ය හමු වලදී ප්‍රශ්න අහන නාවිකයින්ගේ පවුල්වල සාමාජිකයන්ව රහසේම අඩපන කරලා ශාලාවෙන් එළියට දාන එක. ( කෑගහන අයට හොරෙන්ම එන්නතක් විදලා එලියට අරන් යන සත්‍ය දර්ශන ඇතුලත් වීඩියෝවක් යූටියුබ් එකේ තියෙනවා. ඒ වගේම මේ ෆිල්ම් එකෙත් ඒ සිදුවීම අන්තර්ගතයි. ) මේ අතරතුරේදී බටහිටර රටවල් වලට ඕනෙ උනේ ලැබුන චාන්ස් එකෙන් එක ගලෙන් කුරුල්ලො දෙන්නෙක්ම බිම දා ගන්න. සබ්මැරීනයේ හිර උන නාවිකයින්ව බේරගෙන මුලු ලෝකෙටම පේන්න හිත හොද වීරයගෙ චරිතෙ රගපාන ගමන්ම රුසියාවට ලෝකෙම ඉස්සරහා රිදෙන්න ටොක්කක් අනින්න. කොහොම උනත් දේශපාලනික කඹ ඇදීමේ අවසානය වගේම විනිශ්චයත් ඉතිහාසයටම බාරයි. මේ ෆිල්ම් එක ගැන මම මීට වඩා කිසිම දෙයක් කියන්න යන්නෙ නෑ. මොකද මේ ෆිල්ම් එක නරඹලා මිසක් කියවලා රසවිඳින්න බැරි විදියේ එකක් නිසා. ඒ නිසා හැම කෙනෙක්ටම ආරාධනා කරනවා මේ ෆිල්ම් එක රසවිඳින්න. අනිත් එක මේක කරන්න බාර අරන් ටික දවසක් ගත උන නිසා හසන්ත සහෝගෙ අනතුරු ඇගවීමේ නලාවත් වදින ගමන් තියෙන්නෙ. ඒ නිසා තවත් ලියන්න වෙලාව ගන්නෙ නෑ. වැඩි විස්තර දැන ගන්න ආස කෙනෙක් ඉන්නවා නං පොඩ්ඩක් ගූගල් දෙයියගෙන් අහලා බලන්න. ඒ වගේම සමාවෙන්න ඕනෙ සිද්ද උන ප්‍රමාදයට.

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව හින්දා පට්ටම ෆිල්ම් එකක් මිස් වෙයි. ඒ වගේම සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

ඔබට ජය….!

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| Bluray | x264 | 720p | 1GB | YTS

Direct Download

| Bluray | x264 | 480p | 405MB |

| Bluray | x264 | 720p | 850MB |

| Bluray | x264 | 720p | 1GB | YTS

| Bluray | x265 | 720p | 491MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!