Warcraft (2016) | නිවහන රැකගැනීම උදෙසා එක්සත්ව…

ලෝකය…. ඔබ සතුව සුන්දර ලෝකයක් තියනවා නමුත් මට… මගේ වරිගයා එදා පටන් අපේ යැයි කියා නිදහසේ දුව පැන ඇවිද්ද ලෝකය අද නැතිවී ගොසින්. නැති වී ගොසින් කිව්වත් අපි තවමත් මේ මියැදෙන ලෝකයේ ජිවත් වෙනවා… අපේ ජිවිත ගැන කියනවා නම් අපි ඔර්ක්වරුන්…. සමාවෙන්න මට තවමත් මේ ලෝකයේ චාරිත හුරු නැහැ… මම නමින් ගොරටෑන්. මම තමයි අපේ ඔර්ක් රැලේ නායකයා වෙන්නේ. මගේ පෙනුම ගැන කියනවා නම් මම හොඳ හයිය හත්තිය තියන නියම පුරුෂයෙන්, රැලේ උන්ගේ කතාවට අනුව නම් මම රණශුරයෙක් පොඩි ප්‍රසිද්ධියක් එහෙම තියනවා, මම මේ උදම් අනනවා එහෙම නෙමෙයි ඔන්න. හොඳයි ආයෙත් අපේ ලෝකය දිහාවට…

කලින් කිව්වා වගේ අපේ ලෝකය මියැදෙනවා, ඉතින් ගුල්ඩෑන් අපිව වෙනත් ලෝකයක් වෙත ගෙනියන්න තමුන්ට ඇති හැකියාව කියූ පමණින් අපේ රැහේ බොහොම පිරිසක් එක පයින් ඔහු හා එක්කාසු වුනා… ඒක පුදුමයක් නෙමෙයි නෙව, හැමෝම කැමති ජිවත් වෙන්න… දෙවියනේ ආයෙත්, ගුල්ඩෑන් කියන්නේ අපේ කෙනෙක්, නමුත් ඔහු අපෙන් වෙනස් වෙන්නේ ඔහු මන්ත්‍රකරුවෙක්… නමුත් මගේ මායියා පල්ලා දිවුනරවා ඔහු හොඳ කෙනෙක් නම් නෙමෙයි, නමුත් අපේ ලෝකයේ අපේ ජිවිත බේරා ගන්න හදන කෙනා ගැන ඕවා හැමතැනම කිය කියා යන්න බැහැ නෙව. ඔට්ටුයි ඔහු නිසා තමයි මේ ලෝකයත් අපායක් වුනේ…. කොහොම හරි මේ වැඩේට ඔහු යොදා ගන්නවා ද්වාරයක්…. ඒක වෙනුවෙන් යොදාගන්න ඉන්ධන… අම්මේ….!!!

මට වගකීමක් තියනවා මගේ මිනිසුන් සුරකින්නට… ලොතර් මගේ මස්සිනා… මස්සිනා කිව්වට ඔහු මගේ එකකුස උපන් සහෝදරයා වගේ… දක්ෂ රණශුරයෙක්… මටත් ඉතින් යමක් කරමක් කරගන්න හැකි, මම ඔහුව යවනවා මේ විනාශ කාරී ගෝත්‍රය ගැන සොයා බලන්නට… ඇසරොත් එහෙම ලේසියෙන් නැමෙන රාජ්‍යක් නෙමෙයි… ඔබ ඇසරොත් අත්පත් කරන්න නම් හිතන්නේ ඊට කලින් සුදානම් වෙන්න මගේ කෝපයේ ගිනි ජාලාවෙන් නැහැවී යන්නට… මගේ රාජ්‍ය ලාංජනය වන සිංහයා පල්ලා මට පෙර මගේ රාජ්‍ය….!!!

ඉතින් මේ සොදුරු වියරු ලෝකය ඔබ දන්නවා ඇති Warcraft නම් වූ පෙරළිකාර ලෝකයේ ඔබත් උරෙනුර ගැටුනා නම් අන්තර්ජාලයේ… එහෙම නැති කෙනෙක් ඉන්නවා නම් පොඩි දැනුමක් ලබාගන්නට යන්න මෙතනින් අපේ බයිස්කෝප් මංසල වෙත. මෙම පරිගණක ක්‍රීඩාව වෙනුවෙන් පනදීමේ වැඩ සටහනට උර දෙන්නේ ක්‍රීඩාවේ බොහොම හොඳ රසිකයෙක් වෙන Duncan Jones ඔහු තමයි ඔබ අප හැමෝම කැමති වුන Source Code, Moon වැනි සුපිරි විද්‍යා ප්‍රබන්ධ අපි වෙත අරගෙන ආවේ. මේ වතාවේ ලබාගෙන ඇති IMDB අගය 7.5 ඉතින් බයිස්කෝප් වර්ග කිරීමට අනුව නම් 7.5 කියන්නේ MaxxA. නිෂ්පාදන වියදම ඩොලර් මිලියන 160, නමුත් මෙතෙක් කලක් පැමිණි පරිගණක ක්‍රීඩා පදනම් කරගෙන නිර්මාණය වුන හැම සිනමා නිර්මානයක වගේ බොහොම අඩු ආදායම් උපයන්න සමත් වුනේ මේකට හේතුව වුනේ ක්‍රීඩාවට ඇලුම් කරන ප්‍රේක්ෂකයන්ගේ තිබ්බ අදික අප්‍රසාධය, ඒ විතරක් නෙමෙයි ඉතින් එකකවත් හරි කතාවක් තිබ්බේ නැහැ නෙව. නමුත් මේ වතාවේ Warcraft සමත් වෙනවා ලොව පුරා මිලියන 413 උපයා ගන්න…

තිරයේ දකින මුහුණු ගැන කතා කරනවා නම් Travis Fimmel, Paula Patton, Ben Foster, Dominic Cooper, Toby Kebbell හා තවත් අතිවිශාල පිරිසක්, නමුත් වැඩිය හිතන්න එපා ඒ ගැන ඔවුන් බොහොම දෙනෙක් අඳුනාගන්න බැරිවෙයි ඔබට. ඒක ගැටලුවක් නොවේවි ඇත්ත නැත්ත ගලපා ගැනීමට නොහැකි මේ සුපිරි තාක්ෂණික මායාව ඔබගේ ඇස සොරා ගනීවි ඊට කලින්…

ඉතින් ඔර්ක් වරුන් හා මිනිසුන් ලෝකව ජයගන්න මොනවා කරයි ද? මොනවා නොකරයි ද? මේ සියල්ල දැකගන්න ඔබට හැකි මේ සුපිරි සිනමා නිර්මාණය බැලුවොතින්. මගේ නිර්දේශය නම් මගහරින්න එපා, මේ තමයි චිත්‍රකතා පොත් Batman එකක් ආරම්භ කල සිනමා විප්ලවය වගේ පරිගණක ක්‍රීඩා සිනමාව එකක් ආරම්භ කරන විප්ලවයේ ආරම්භය.

 

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

|  Bluray | x264 | 720p | 900MB |

Direct Download

|  Bluray | x264 | 720p | 900MB |

|  Bluray | x264 | 1080p | 1.8GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

2 thoughts on “Warcraft (2016) | නිවහන රැකගැනීම උදෙසා එක්සත්ව…

Leave a Reply

Your email address will not be published. Required fields are marked *

error: Alert: Content is protected !!