Taxiwala (2018) | ටැක්සිකාරයා!

තවත් තෙලුගු චිත්‍රපටයකට උපසිරැසියක් අරගෙනයි අද ඇවිල්ලා ඉන්නේ. මේ චිත්‍රපටය අයිති වෙන්නේComedy, Horror, Thriller කියන කාණ්ඩ වලට. 2018 නොවැම්බර් 17 නිකුත් වුන මේ චිත්‍රපටයේ ප්‍රධාන චරිතයට රංගණයෙන් දායක වෙන්නේ කවුරුත් දන්නා හඳුනන, ලැබෙන හැම නිර්මාණයක්ම බාරගන්නෙත් නැති, තමන්ටම කියා වෙනම අනන්‍යතාවයක් ගොඩ නගාගෙන සිටින කඩවසම් නළු විජේ දේවරකොන්ඩා. තම ප්‍රථම සිනමා නිර්මාණයට දායක වෙමින් Priyanka Jawalkar ප්‍රධාන චරිතයකට දායක වන අතරේ Malavika Nair ද තවත් ප්‍රධාන චරිතයකට දායක වී තිබෙනවා.Madhunandan, Ravi Varma, සහ Shiju යන අය සහය රංගණයෙන් දායක වෙනවා. Rahul Sankrityan නම් නවක අධ්‍යක්ෂක වරයාගේ අධ්‍යක්ෂණය යටතේ නිමැවුනු මේ චිත්‍රපටයට සංගීතය මුසු කරන්නේ Queen, Swathanthryam Ardharathriyil, Ranam වැනි සොඳුරු සිනමා පට වලට සංගීතය සැපයූ Jakes Bejoy විසින්.

චිත්‍රපටයේ වටපිටාව ගැනත් ටිකක් සඳහන් කළොත්, හින්දු මහා වීර කාව්‍යයක් වන මහාභාරතයේ එක් කොටසක් වන භගවද් ගීතාවේ දෙවෙනි පරිච්ඡේදයේ 23 වන ශ්ලෝකය පදනම් කරගෙන නිමවූවක් කියලයි සඳහන් වෙන්නේ. චිත්‍රපටයේ නම දැක්කම පේනවානේ ටැක්සියක් සම්බන්ධයි කියලා. ඉතින් මේකට යොදාගෙන තිබෙන්නේ 2002 වර්ෂයේදි නිෂ්පාදනය නවතා දමන ලද, Hindustan Motorsවෙතින් නිෂ්පාදනය කළ Contessa කියන වර්ගයේ වාහනයක්. ඒ වගේම මේ චිත්‍රපටය නිකුත් වෙන්නත් කලින්ම මේ ගැන කතා වුනේ නිකුත් වෙන්න මාස කිහිපයකට කලින් සංස්කරණය නොකරන ලද පිටපතක් අන්තර්ජාලයට නිකුත් වීමත් සමගයි. කෙසේ නමුත් ඒ හා සම්බන්ධ පිරිස් අත් අඩංගුවට ගන්නටත් පොලිසිය කටයුතු කළා. ඉතින් මේ විදිහට අලකලංචි ගොඩක් මැද්දේ තිරගත කළ චිත්‍රපටය ආදායම් අතිනුත් සාර්ථක වෙමින් හිට් ලේබල් එක අලව ගන්නත් සමත්කම් දැක්වුවා. ඇත්තටම මේ චිත්‍රපටය මැයි මාසයේ නිකුත් කිරීමට නියමිතව තිබුණත් නොවැම්බර් දක්වා කල් දමන්නට ඔවුන් කටයුතු කළා. සාමාන්‍යයෙන් කල් දමන චිත්‍රපටයක් සාර්ථක වීමේ ප්‍රවණතාවය බොහොම අඩුයි. ඉතින් ඒ සීමිත චිත්‍රපට අතරට එක් වන්නට ලැබීමත් මේ චිත්‍රපටයේ තවත් විශේෂත්වයක්. ප්‍රේක්ශකයන්ගෙනුත් හොඳ ප්‍රතිචාර හිමි වුනු මේ චිත්‍රපටය IMDb දර්ශකයේ මේ වන විට 7.5 ක අගයක් ලබා ගන්නටත් සමත්කම් දක්වා තිබෙනවා. ඒ වගේම කෝටි 7 ක වියදමකින් නිෂ්පාදනය කළ චිත්‍රපටය කෝටි 60 ක ආදායමක් ලබා ගන්නට සමත්කම් දක්වා තිබෙනවා.

දැන් කතාව ගැන බලමු. ශිවා කියන තරුණයා උපාධිය සම්පූර්ණ කර ගත්තත් රස්සාවක් හරි යන්නේ නැති නිසා රස්සාවක් හොයාගෙන හයිද්‍රාබාද් වලට එනවා. ඒකේක රස්සාවල් කරන්න ගිහිල්ලා හරි හරි ප්‍රශ්න වලට මුහුණ දෙන්න සිද්ද වෙනවා. අන්තිමේදි මෙයාට දැනගන්න ලැබෙනවා ටැක්සියක් දුවලා හොඳ ගානක් හොයන්න පුලුවන් කියලා. හයිද්‍රාබාද් වල ඉන්න තමන්ගේ අයියාගෙන් සල්ලි ටිකක් ඉල්ලගෙන හැම තැනම කාර් හොයන්න පටන්ගන්නවා. ඒත් එයාගේ අතේ තියෙන ගානට හරි යන ටැක්සියක් හොයාගන්න ලැබෙන්නේ නෑ. අන්තිමේදි මෙයාට කෝල් එකක් එනවා ඔයාගේ අතේ තියෙන ගානට වාහනයක් දෙන්නම් කියලා. ඉතින් වටිනා කියන වාහනයක් මෙයාලගේ අතේ තියන ගානට ලබා ගන්න හැකියාව ලැබෙනවා. ඒ වාහනයත් එක්ක සම්බන්ධ දෙයක් මූලික කරගෙන තමයි මේ කතාව ගලාගෙන යන්නේ. එහෙනම් මේ චිත්‍රපටයත් රස විඳින්නට හැමෝටම ආරාධනා කරනවා.

ප.ලි: චිත්‍රපටය ආපු සැනින් අසා ලිවීමක් කරන්න ගත්තත් මේ වන තුරු පමා වීම ගැන සමා වෙන්න ඕනා. සබ් එකක් කරන්න ගත්තමනේ හැම වැඩක්ම සෙට් වෙන්නේ. 😛 කොහොමින් කොහොම හරි ඉංග්‍රීසි උපසිරැසියකුත් ආපු නිසා කිසිම අඩුපාඩුවක් නැතුව දෙන්න ඕන වුන නිසා තමයි දවස් කිහිපයක් ගත වුනේ. ඒ වගේම විශේෂ ස්තූතියක් කරන්න ඕන තාරක නුවන් දිල්හාර සහෝදරයාට, බයිස්කෝප් මංසල වෙනුවෙන් පරිවර්ථනය කරපු මේ චිත්‍රපටයේ Maate Vinadhuga කියන අපූරු ගීතයේ සිංහල පරිවර්ථනය ලබා දීමත් විද්‍යාත්මක වචන වලට අරුත් සොයා ගැනීමට උදව් කිරීම සම්බන්ධයෙන්. එහෙනම් තවත් තෙලුගු සලරුවක උපසිරැසි සමගින් හමුවෙමු.

ඔබට ජය!

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

|  HDRip | x264 | ESub | 700MB |

Direct Download

| HDRip | Esub | x264 | 200MB |

| HDRip | ESub | x264 | 400MB |

| HDRip | ESub | x264 | 700MB |

| HDRip | 720p | x264 | 1.2GB |

| HDRip | 1080p | x264 | 2.1GB |

| HDRip | 720p | x265 | 800MB |

| HDRip | 1080p | x265 | 1.3GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

One thought on “Taxiwala (2018) | ටැක්සිකාරයා!

  • March 22, 2019 at 8:24 am
    Permalink

    Sound nehene film eke

    Reply

Leave a Reply

Your email address will not be published. Required fields are marked *

error: Alert: Content is protected !!