Sheena (1984) Aka Sheena: Queen of the Jungle | වනාන්තරයේ සුරූපිණිය…

Queen Of The Jungle කියලා කිව්වොත් නම් ගොඩක්දෙනා නොදැන ඉන්න පුලුවන්, ඒත් “ශීනා” කියලා කිව්වොත් නම් අනූ ගණන්වල ඉඳන් රූපවාහිනිය බලපු ඕනම කෙනෙක් මේ කතාව දන්නවා. ඒකට හේතුව නම් මේ චිත්‍රපටයෙන් පස්සෙ, ඒ කියන්නෙ 2001 වර්ෂයේදී වගේ මේ තේමාව රූපවාහිනී කතාමාලාවක් විදිහට ඉදිරියට ගලාගෙන ගියා. මට මතක විදිහට ITN එකේ ඒ කාලෙ මේ කතාව පෙන්නුවා.

මේක මම මගේ පස්වන උපසිරැසි නිර්මාණය විදිහට තෝරගන්න විශේෂම හේතුව වුනේ ශීනා කියන රූපවාහිනී කතාමාලාව පොඩිකාලෙ ගොඩක් ආසාවෙන් බලපු කෙනෙක් වෙච්ච එක. විශේෂයෙන් කියන්න ඕනෙ මේක ගෝත්‍රික කණ්ඩායක් සම්බන්ධව කරපු නිර්මාණයක් නිසා චිත්‍රපටයේ කිහිප තැනකම නිරුවත් දර්ශන තියෙනවා කියන එකත්. ඔබව අපහසුතාවයට පත්වීමෙන් වළකින්න ඒකත් මතක තියාගන්න.

1984 අගෝස්තු 17 දින තිරගත කරපු මේ චිත්‍රපටයේ ඇස්තමේන්තුගත නිශ්පාදන වියදම එක්සත් ජනපද ඩොලර් මිලියන 25 ක් වෙලා තියෙනවා. ඒ කාලෙ හැටියට ඒක ලොකු වියදමක්. ඒ වගේම මේක අධ්‍යක්ෂණය කරලා තියෙන්නෙ ඔයාලා හැමෝම දන්න King Kong (1976) කියන චිත්‍රපටය අධ්‍යක්ෂණය කරපු John Guillermin කියන අධ්‍යක්ෂවරයා විසින්මයි. මිනිත්තු 117 ක් පුරා දිවෙන මේ චිත්‍රපටයේ තිර රචනය සහ කතාව පිළිබඳව ගෞරවය David NewmanLorenzo Semple JrDavid NewmanLeslie Steven යන අය වෙත හිමිවෙනවා. මේ චිත්‍රපටයේ ප්‍රධාන චරිතය, ඒ කියන්නේ ශීනාගේ චරිතයට පණ පොවන්නෙ Tanya Robertsකියන සුරූපී රංගන ශිල්පිනිය. ඒ වගේම Ted WassDonovan ScottElizabeth Toroයන අය සෙසු චරිත රඟදක්වනවා.

මොකක්ද මේ ශීනාගේ කතාව…??

ඇය නමින් ශීනා.. එහෙම නැතිනම් වනාන්තරයේ රැජිණිය, තවත් විදිහකට කිව්වොත් “ෆීමේල් ටාසන්”

“ෆිල් සහ බෙට්සි නම් සුදු ජාතික යුවලක් ඔවුන්ගේ දියණිය වන ජැනට් සමඟ අප්‍රිකාවේ ටිගෝරා ජනපදයේ ප්‍රාන්තයක් වූ පූජනීය සැම්බූලි භූමිය වෙතට පැමිණෙන අතර පුරාවිද්‍යා ගවේශක යුවලක් වූ මොවුන් දෙදෙනා තම දියණියද සමඟ සැම්බූලි භූමියට ප්‍රවිශ්ඨ වන විට ඔවුන් අත්දකිනුයේ ඇස් අදහාගත නොහැකි විශ්මත දෙයකි. එනම්, පූජනීය සැම්බූලි භූමියේ පසෙහි ඇති ලෙඩරෝග සුවකිරීමේ අත්භූත හැකියාවයි. මේ පිළිබඳව ඇතිවූ කුතුහලය මත මොවුන් දෙදෙනා සැම්බූලි භූමියේ පිහිටි පූජනීය ගුජරා කන්ද වෙත රහසේම ගමන් කරනුයේ රෝග සුවකිරීමේ පස පිළිබඳව පරීක්ෂා කිරීමටයි. එහෙත් ඉතා අවාසනාවන්ත ලෙස මොවුන් දෙදෙනා ගුජරා කන්ද විසින් බිලිගනු ලබන්නේ තම කුඩා දියණිය ආගන්තුක සැම්බූලි ජනපදයේ තනිකරමිනි. ඉන් අනතුරුව මෙම දැරිය හදාවඩාගන්නා සැම්බූලි ගෝත්‍රයේ වෛද්‍යවරිය (ශේමන්) එක්තරා මායාකාර බලයක් හිමි තැනැත්තියක් වූ අතර මෙම දැරිය අතීත පුරාවෘත්තයකට අනුව පැමිණි බව දැඩිව විශ්වාස කල ඇය විසින් ඇයගේ සියලු දැනුම, වෙදකම, සතුන් සමග සන්නිවේදනය කිරීමේ රහස් ඉහත කී දැරිය වෙත ලබා දී ඇය “ශීනා” නමින් සැම්බූලි ජනපදයේ ආරක්ෂිකාව වශයෙන් පුහුණු කරනු ලබයි. එ⁣සේම යෞවන වියට පැමිණෙන ශීනා ඉතා එඩිතර, බලසම්පන්න සහ ශක්තිමත් මෙන්ම සරාගී පෙනුමක් හිමි තරුණියක් විය. කෙසේ නමුත් ටිගෝරා ජනපදයේ පාලකයා වූ ජබලානි රජුගේ සොහොයුරු ඔට්වානි කුමරු විසින් ටිගෝරා ජනපදයට යටත් ප්‍රාන්තයක් වූ සැම්බූලි භූමිය ටයිටේනියම් බහුල ප්‍රදේශයක් බව දැනගත් පසුව එම ධනය ලබාගැනීමේ ⁣අවශ්‍යතාවය මත තම වැඩිමල් සොහොයුරු ඝාතනය කිරීමට සැන්ඩා කුමරිය සමඟ කුමන්ත්‍රණයක නියැලෙයි. මේ පිළිබඳව තම චිත්ත ශක්තිය අනුව දැනගත් සැම්බූලි ප්‍රාන්තයේ ශේමන් විසින් රජු දැනුවත් කිරීමට ටිගෝරා වෙත ගිය නමුත් ඝාතකයන් විසින් රජු ඝාතනය කර ශේමන් වැරදිකරු ලෙස සිරගත කරනු ලබයි. අවසානයේදී එම ඝාතනය ⁣ශේමන් විසින් සිදුනොකළ බවත්, එය වෙනත් අයෙකුගේ කුමන්ත්‍රණයක් බවත් ඝාතනය අවස්ථාවේ එම ස්ථානයේ සිටි චිත්‍රපට අධ්‍යක්ෂක වික් කේසිගේ කැමරාවේ සටහන් විය. මෙතැන් පටන් ශීනා, වික් කේසි, ෆ්ලෙච් සොයා එන ඔට්වානි කුමරුන්ගේ කුලී හමුදාව සහ සැම්බූලි සටන්කාමීන් අතර ඇතිවන සටන් මෙන්ම ශීනා විසින් සැම්බූලි ජනපදය බේරාගන්නා ආකාරය පෙන්වමින් චිත්‍රපටය ඉදිරියට ගලා යනු ලබයි….”

මේ චිත්‍රපටය ඉතා ආසාවෙන් බලන්න පුලුවන් විදිහට කතා⁣ව පෙළගස්වලා තියෙනවා. මම කලින් අරගෙන ආපු චිත්‍රපට වගේම මේකත් අද වෙනකොට රූපවාහිනියෙන් පවා ගොඩක් ඈත් වුනත්, ඒ කාලෙ අපි ගොඩක් ආසාවෙන් බලපු කතාවක ආරම්භයක්. ඉතින් මම දන්නවා ඒ කාලෙ මේක බලපු කෙනෙක්ට නම් ආයෙත් නොබලා ඉන්න බැරි වේවි. ඒ වගේම ශීනා කියන තරුණියට හිතෙන් ආදරය කරපු හැටි……
අැත්තටම අතීතය මතක් වේවි.

එහෙනම් ආයෙත් මේ වගේම කතාවකින් හම්බෙමු.

තෙරුවන් සරණයි…!


Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| DVDRip | x264 | 1CD | 800MB |

Direct Download

| DVDRip | 1CD | x264 | 800MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

3 thoughts on “Sheena (1984) Aka Sheena: Queen of the Jungle | වනාන්තරයේ සුරූපිණිය…

  • January 11, 2019 at 13:02
    Permalink

    meke sheenata kotiyek wenna puluwanda

    Reply
  • January 11, 2019 at 13:03
    Permalink

    junoon film ekata sub karannako

    Reply

Leave a Reply

Your email address will not be published. Required fields are marked *

error: Alert: Content is protected !!