Muse (2017) Aka Musa | කවි පද අතර සැඟවුණු අභිරහස (18+)

මහාචාර්ය සැමුවෙල් සොලමන්, ට්‍රිනිටි විශ්වවිද්‍යාලයෙ ඉන්න කාගෙත් සිත් ගත් ක්‍රියාශීලි ආචාර්ය වරයෙක්. ඔහුගෙ විශය පථය තමයි කාව්‍ය සාහිත්‍යය. ඒවගේම එයා ගොඩක් සතුටින් ඉන්න කෙනෙක්. එයාගෙ දේශන වලට සහභාගි වෙන බියට්‍රිස් නම් සිසුවියත් ඒ සතුටට හේතුවක්. මොකද ඔවුන් දෙදෙනා කාලයක් පුරාම රහසිගත ප්‍රේම සම්බන්ධයක් පවත්වාගෙන යන හින්දා. ඇයත් ගොඩක් ලස්සන කෙලිලොල් තරුණියක්. ඉතිං මෙහෙම ඉද්දි ඉතාම අභිරහස් විදියට බියට්‍රිස් සැමුවෙල් ඉදිරිපිටම සියදිවි හානි කරගන්නවා. ඉතිං එයින් ඇතිවන කම්පනය නිසා සැමුවෙල්ගෙ ජීවිතයම උඩු යටිකුරු වෙනවා. ඔය අතරෙදි තමයි එයාට අමුතු හීනයක් දිගින් දිගටම පේන්න පටන්ගන්නෙ. ඒ විදියට ආරම්භ වෙන මේ කතාව එතන ඉඳන්ම මහා අද්භූත විදියට තමයි ගලාගෙන යන්නෙ.

ඉතිං යාළුවනේ ඒ ඔය කතාවෙ ආරම්භය ගැන කෙටි සඳහනක්. කතාවනම් ආයෙ අංක එකයි. වගකීමෙන් කියන්නෙ. අනිවා බලන්න. මේක නිකං හරියට The da vinci code වගේ කතාවක්. අභිරහස් කතා බලන්න කැමති අයට කියන්නෙ මේක මිස් කරගන්න එපා කියල. කවි පද ඇතුලෙ සැඟවුණු මහා බලයන් ඇතිබව වගේම අතීතයේ සිට වර්තමානය දක්වාම බිහිවූ මහා සාහිත්‍යධරයන් ඔවුන්ගේ හැකියාවන් ලබාගත්තේ කෙසේද යන්න ගැන කියවෙනවා අමුතුම කතාවක් මේක. ඇත්තටම ඒ ඔවුන්ගේ හැකියාවද, නැත්නම් ඔවුන් වෙතට පැමිණි යම් අදෘශ්‍යමාන බලවේගයක් විසින් ඔවුන්ට ලබා දුන් තෑග්ගක්ද, එසේනම් ඒ තෑග්ග ඔවුන්ට ලබා දුන්නේ නොමිලේද, නැත්නම් ඒවාට ගෙවන්න වෙන මිල කුමක්ද? මේ ප්‍රශ්න වලට කතාවෙ පිළිතුරු තියෙනවා.

කතාවෙ නිර්මාණය ගැන ටිකක් කියන්නම්, Jaume Balagueró විසින් අධ්‍යක්ෂණය කරලා තිබෙන මෙය නිෂ්පාදනය කරලා තියෙන්නෙ Julio Fernández, Carlos Fernández, Laura Fernández, Brendan McCarthy, Jean-Yves, RoubinManuel Chiche යන අය විසින්. මේකම Musa නමින් ස්පාඤ්ඤ බසින් ප්‍රදර්ශනය කරලා තියෙනවා. කතාව ලියලා තියෙන්නෙ Jaume Balagueró සහ Fernando Navarr දෙන්නා. කතාවට පාදක වෙලා තියෙන්නෙ José Carlos Somoza ගෙ The Lady Number Thirteen කියන කෘතිය. මෙහි රංඟනයෙන් Elliot Cowan, Franka Potente, Ana Ularu, Joanne Whalley වගේ අය දායක කරගෙන තියෙනවා. මෙය ස්පාඤ්ඤයේ නිර්මාණය කරන ලද්දක් වන අතර ඉංග්‍රීසි භාෂාවෙන් තමයි නිපදවලා තියෙන්නෙ. 2017 ඔක්තෝබර් 07 වෙනිදා Sitges Film Festival හිදී තමයි මේක මුලින්ම ප්‍රදර්ශනය කරලා තියෙන්නෙ. ජනතා ප්‍රදර්ශනය 2017 දෙසැම්බර් 01 තමයි අරඹලා තියෙන්නෙ. Imdb දර්ශකයෙ 5.3ක අගයක් ලබාගෙන තියෙනවා. ඒකනම් අන්තිම අසාධාරණ ගානක්. ඔයාලා බලද්දි ඒක තේරෙයි. විනාඩි 107ක් පූරා දිවෙන මෙය horror, sci-fi, The da vinci code යන ඛාණ්ඩ වලට වෙන් කරන්න පුළුවන්. මෙය Gaudí Awards (2018) හිදී Best Visual Effects සඳහා සම්මානයට නාමයෝජනා අතරට ඇවිත් තියෙනවා. මෙම නිර්මාණය සඳහා යුරෝ මිලියන පහක පමණ වියදමක් දරා තිබෙනවා. ඉතිං මූලිකවම ඒ ගැන කියන්න තියෙන්නෙ ඔය ටික තමයි.

මේ කතාවට උපසිරසි කරන්න මට එක හේතුවක් තියෙනවා. මේ චිත්‍රපටය මට යාළුවෙක්ගෙන් හම්බවුණ එකක්. ඉතිං ගෙදර ඇවිත් google වල සිංහල සබ් එකක් හොයද්දි මොකක්ද සයිට් එකක තිබ්බ එකක් හම්බවුණා. අනේ ඉතිං හරිම ආසාවෙන් ඒක දාලා බලද්දි වෙන මොනවද විකාරයක් ඒකෙ යන්නෙ. ඉතිං මම හිතාගත්තා මේකට සබක් කරන්න ඕනෙ කියල. ඒවගේ දේවල් වලින් baiscopelk සයිට් එක ගැන තියන විශ්වාසය තවත් වැඩි වෙනවා. මොකද බය නැතුව සබක් බාගෙන බලන්න පුළුවන් ප්‍රධානම තැන ඒකට තියන හින්දා.

ඒ නිසා බයිස්කෝප් ආයතනයට විශේෂයෙන්ම ස්තූති කරනවා, ඒ වගේම හසන්ත අයියා ඇතුළු සියළුම ඇඩ්මින් සොහොයුරන්ටත් අපිට සබ් දෙන සියළුම සොයුරු සොයුරියන්ටත් ස්තූති කරනවා. ඒවගේම අපත් එක්ක හැමදාම එකතුවෙලා ඉන්න රසික ඔබ හැමෝටමත්, කමෙන්ට් වලින් අපව දිරිමත් කරන හැමෝටමත් හදපිරි ස්තූතිය පුද කරනවා. එහෙනම් අනිවාර්යයෙන්ම මේකත් බලන්න කියන ගමන් ගිහින් එන්නම් තවත් සබකින් හමුවෙමු.

ඔබට ජය…


Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| BRRip | 720p | x264 | 930MB |

Direct Download

| BRRip | 480p | x264 | 362MB |

| BRRip | 720p | x264 | 930MB |

| BRRip | 1080p | x264 | 1.7GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!