The Chilling Adventures of Sabrina [S01 : E10] | සබ්‍රිනා.. අඳුරු මායාකාරිය..!

ආයුබෝවන් යාළුවනේ..!

පොඩි ප්‍රමාද වීමක් එක්ක මේ අරගෙන එන්නෙ සබ්‍රිනාගෙ කතාන්දරයේ අවසාන කතාංගය. හදිසියේ සිදුවුණු කරදරයක් නිසා මට ඇත්තටම මේකෙ සබ් එක කරගන්න ටිකක් ප්‍රමාද වුණා. ගොඩක් කණගාටුයි වගේම ඒ පිළිබඳව සමාව ඉල්ලා සිටිනවා. කොහොමහරි අමාරුවෙන් වැඩේ අද තමයි ඉවරයක් කරගන්න පුළුවන් වුණේ. ඊයේ දවසේ වෝකින් ඩෙඩ් උපසිරැසි ලබා දෙන්න වුණු නිසා මේකට අතගහන්න වුණේ අද තමයි. ඉතිං ඔන්න වැඩේ ගොඩ දාගන්න පුළුවන් වුණා. ඉතිං මතක් කරන්න ඕනෙ මේ කතාවත් ඔයාල වෙත අරගෙන ආවෙත් සාමූහික ප්‍රයත්නයක් විදියට. රවිඳු රුක්ෂාන් මලය, දිල්ශාන් සචින්ත, චාමික ඉසුරුවන්. නිලුපුල් මධුකප්‍රිය සහ මම තමයි මේකට දායක වෙල වැඩ කළේ. ඉතිං ඒ හැමෝම මේ වෙලාවෙ බොහොම  ලෙංගතුකමින් සිහිපත් කරන්න අවශ්‍යයි.

පසුගිය කොටසින්..
පතලය කඩා වැටුණට පස්සෙ සබ්‍රිනා ඇගතව මරල කොහොමහරි ටොමීට ආපහු ජීවිතය දෙනව. හැබැයි ටොමීගෙ ලොකු වෙනසක් තිබුණනෙ. ඔහුගෙ ශරීරය ආපහු ආවත් මනස අඝාදයක හිරවෙලා තියෙන්නෙ කියල රොස්ගෙ දැක්මක් මගින් සබ්‍රිනා දැනගන්නව. සබ්‍රිනා මේක දැනගන්නෙ පහුවෙලා. කොහොමහරි මිස් වොඩ්වෙල්ගෙ උදව් ඇතුව අඝාදයට ඇතුළු වෙන සබ්‍රිනා ටොමීව හොයා ගන්නව. නමුත් අඝාදයේ දොරටුව ලඟටම ආවට පස්සෙ ටොමීගෙ ආත්මය ආත්ම භෝජකයෙකුට අහු වෙලා කාල දානව. එතනින් පස්සෙ සබ්‍රිනාට සිද්ධ වෙනව හාර්විට ඇත්තම කතාව කියන්න. ඇත්ත කතාව අහන හාර්වි සෑහෙන අවුල් වෙනව. ඊට පස්සෙ ඔහු ටොමීට වෙඩි තියල මරල දානව. මේ සිදුවීමෙන් පස්සෙ හාර්වි සබ්‍රිනා ආදර අන්දරය නිමා වෙනව.

අද කොටසින්..
ඉතිං අද බොහොම දරුණු දෙයක් වෙනව. මිස් වෝඩ්වෙල් ග්‍රින්ඩෙල් වල පරණ මායාකාරියන් දහතුන්දෙනෙක් කැඳවනව. මේක මහා කුමන්ත්‍රණයක එක කොටසක්. කොහොමහරි මේ කැඳවීමෙන් පස්සෙ සබ්‍රිනාට තීරණ ගන්න එක අසීරු වෙනව. මිස් වෝඩ්වෙල් ඇත්තටම සබ්‍රිනාව  මෙහෙයවල තමන්ට ඕන දේ කරගන්නව වගේ තමයි පේන්නෙ. ඉතිං මේ මායාකාරියන් දහතුන්දෙනා තවත් කෙනෙක් කැඳවනව. මරණයේ රක්ත දූතයා, ලෝහිත අසරුවා කියල තමයි ඔහුට කියන්නෙ. ඔහු එන්නෙ ග්‍රීන්ඩෙල් විනාශ කරන්න. ග්‍රින්ඩෙල්හි පවුල් වල පළමුව උපන් පිරිමි දරුවන් සියල්ල ඔහු මරා දානව කියල තමයි කියවෙන්නෙ. මේ හැමදේම නවත්තන පුළුවන් එකම කෙනයි ඉන්නෙ. ඒ සබ්‍රිනා ස්පෙල්මන්. හැබැයි ඒකට සබ්‍රිනාට ලොකු කැපකිරීමක් කරන්න වෙනව. ඒ හැම දෙයක්ම බලාගන්න එක මම ඔයාලටම බාර කරනව. ඒ වගේම මිස් වෝඩ්වෙල් කියන්නෙ කවුද කියල ඔන්න අද දැනගන්න පුළුවන්. ඒ වගේම ඇගේ අභිප්‍රාය මොකද්ද කියලත් තේරේවි.

 “ලිලිත්” මේ වචනය අහල හුරු ඇති සමහරුන්ට නම්. ලිලිත් කියන්නෙ සියළුම යක්ෂයින්ගේ මව. මම ලිලිත් ගැන Shadowhunters : The Motal Instruments (S03 : E07) කතාංගය එක්ක සම්පූර්ණ විස්තරයක් ඉදිරිපත් කළා. විස්තරේ දැනගන්න ඕන කෙනෙකුට එතනින් ලිලිත් ගැන හොඳ විස්තරයක් දැනගන්න පුළුවන්. සබ්‍රිනා එක්ක එකතුවෙලා මෙතෙක්  කාලයක් අදහස් දක්වපු, උපසිරැසිකරුවන් දිරි ගන්වපු හැමෝමට බොහොම ස්තූතියි. සබ්‍රිනාගේ දෙවැනි කතා සමයක් නිකුත් වෙනව කියල නිළ වශයෙන් දැනුම් දීල තිබුණත් නිශ්චිත දවසක් ගැන නම් මට මොකුත් විස්තරයක් හොයා ගන්න හැකි වුණේ නැහැ. එහෙනම් අපේ බයිස්කෝප් සහෝදරයෙක් හෝ පිරිසක් ඒ කතා මාලාවත් ඔබට අරගෙන ඒවි. එහෙනම් ඔන්න අපේ රාජකාරිය මෙතෙකින් අවසාන වෙනව. මමත් සබ්‍රිනාගෙන් සමුහෙන යනව. හැමෝටම ජය වේවා..!

  Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEBRip | x264 | STRIFE  | 250MB |

Direct Download

| WEBRip | x264 | 480p | 210MB |

| WEBRip  | x265 | 720p| 220MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!