Meyaadha Maan (2017) | නොකියූ ආදරය හිමිවේද?

සිංහල උපසිරසක් කරන්න ගොඩ කාලෙක ඉදන් හිතේ තිබුණා. ඒත් ඉතිං වෙලාව එනකම් ඉන්න එපැයි.ඔන්න 2017 ඔක්තෝම්බර් මාසයේ තිරගත වුණු සුපිරි දමිල චිත්‍රපටයකට සිංහල උපසිරසක් අරන් ආවා.Meyaadha Maan තමයි ෆිල්ම් එකේ නම.සිංහලෙන් “නොකියූ ආදරය හිමිවේද?” කියලයි මම යෙදුවෙ. Comedy/Romance කාණ්ඩයට අයත් Imdb හි 7.2 වැනි ඉහළ අගයක් ලබාගන්නට සමත්වුණු ෆිල්ම් එකක් මේක. මුලින් පොඩි දුකක් තිබුණ පලවෙනි උපසිරට කවුරුත් දන්න Hero කාණ්ඩයේ නළුවෙක් ඉන්න ෆිල්ම් එකක් හොයාගන්න බැරිවුණු එකට. ඒත් මේ ෆිල්ම් එකට සබ් එක කරගෙන යනකොට හිතුන මේක හම්බවුණේ වාසනාවට කියල.ඇත්තටම මේක හාස්‍යය,විනෝදය,ආදරය,කුතුහලය සපිරි චිත්‍රපටයක්.

“මුරලි” කියන ප්‍රධාන චරිතයට රංගනයෙන් දායකවෙලා තියෙන්නෙ 2007 වර්ෂයේ සිට දමිල හා තෙලිඟු චිත්‍රපටවලට රංගනයෙන් දායක වුණු Vaibhav Reddy කියන නළුවා.”මධූ” කියන පෙම්වතියගෙ චරිතයට දායකවුණු නිළියවනම් මේ වසරේ තිරගතවුණු Kadaikutty Singam (2018) චිත්‍රපටයේ ඔයාල දැකල ඇති.(සියදිවි නසාගන්න හැදුව කෙනා.)ඇය නමින් priya Bhavani Shankar.මේ ඇයගේ ප්‍රථම රංගනය.තිර රචනය හා අධ්‍යක්ෂණය Rathna Kumar.නිෂ්පාදනය Karthi Subbraj.

පැය 2යි මිනිත්තු 30 පමණ කාලයක් කතාව දිගහැරෙනවා.දෙබස් 3000ක් පමණ තිබුණ නිසත්, ගීත සියල්ලම වගේ උපසිරස ගන්වපු නිසත් සිංහල පරිවර්තනයට හා උපසිරස ගැන්වීමට ලොකු කාලයක් වැය කරන්න වුණා.අපේ අය Tamil Song අහනවනම් ටිකක් අඩුයි තමා.මේ සින්දු ටිකට සබ් එක කෙරුවෙ යම්කිසි රසවින්දනයක් තිබුණ නිසා.

කතාව ගැන පොඩ්ඩක් කියනවනම්, “මුරලි” කියන කොල්ල අවුරුදු 3ක් තිස්සෙ “මධූ” කියන කෙල්ලට කැමත්තෙන් ඉදල තියෙනවා….ඒත් එයා කවදාවත් මධූට ආදරෙයි කියල නෑ.අන්තිමට එයා වෙන කෙනෙක් එක්ක විවාහ වෙන්න යනවා.මේක දැනගත්ත මුරලි කොයිවෙලෙත් මැරෙන්නමයි හදන්නෙ.ඒත් එයාගෙ මිතුරන් දෙන්න මුරලි මැරෙන්න හදන එක නවත්තන්න මරු වැඩක් කරනවා….එතන ඉදන් කතාව වෙනස්ම අතකට හැරෙනවා. ඊට පස්සෙ මොකද වෙන්නෙ කියල සබ් එක බාගෙනම බලන්නකො.

උපසිරස කරන්න උදව් උපකාර කළ සියලු දෙනාට ස්තුතිවන්ත වෙනවා.තවත් උපසිරසකින් නැවත හමුවෙමු.ඒ වගේම උපසිරස ගැන අදහස් දක්වන්න අමතක කරන්න එපා ඉතිං. බුදු සරණයි! ගිහින් එන්නම්.


 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. 

Torrent Download

| WEB-HD | x264 | 1CD | 700MB |

Direct Download

| WEB-HD | x264 | 1CD | 700MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

3 thoughts on “Meyaadha Maan (2017) | නොකියූ ආදරය හිමිවේද?

Leave a Reply

Your email address will not be published. Required fields are marked *

error: Alert: Content is protected !!