Overboard (2018) | මෙහෙමත් බොරුවක්…

කොහොමද කට්ටියට? ආයෙත් කාලෙකට පස්සේ කොමඩියක් අරගෙන ආවා ඔන්න. කලින් ඉදලා ඇහැ ගැටිලා තිබුන එකක් වුනත් කලින් බාරගත්තේ නෑ. පස්සෙ කවුරුහරි කරයිද කියල බලල බලලා කෙරෙන පාටක් නැති නිසා අරගෙන ආවා එහෙනම්. මං කලින් දුන්න උපසිරැසියට අදහසක් එකතුකරලා දෙතුන් දෙනෙක් මේකත් දෙන්න කියලා ඉල්ලලත් තිබුනානෙ. ඉතින් මෙන්න තව හොද කොමඩි භාණ්ඩයක්.

පහුගිය මැයි මාසෙ 04වෙනිදා නිකුත්වුන චිත්‍රපටිය ලබාගෙන තියෙන imdb අගය 5.9ක්. අගයන් ටිකක්විතර අඩුවුනත් මේක ආදායම් අතින් ඉතාමත් සාර්ථක වුනා. තිරගත කල පලවෙනි සතියේදීම මුළු පිරිවැය ආවරණය කරගන්න සමත්වුනා වගේම සමස්තයක් විදියට වියදම වගේ හත් අට ගුණයක ආදායමක් උපයාගන්න සමත්වෙලා තියෙනවා. ප්‍රදාන චරිත වශයෙන්, ලියනාඩෝ විදියට Eugenio Derbez සහ කේට් විදියට Anna Faris රංගනයෙන් දායක වෙනවා. Comedy,Romance කියන කාණ්ඩ දෙකට තමයි මේක අයිතිවෙන්නේ. මෙන්න මෙහෙමයි කතාව.

ලියනාඩෝ කියන්නෙ සරලවම කිව්වොත් සල්ලිකාර තාත්තෙක්ගෙ නාස්තිකාර පුතෙක්. එසේ මෙසේ සල්ලිකාරයෙක් නෙමේ ලෝකෙ ලොකුම සල්ලිකාරයින්ගෙන් කෙනෙක් තමා එයාගෙ තාත්තා. ඉතින් මිනිහගෙ ජොබ් එක තමා තාත්තගෙන් උපන්දිනේට තෑග්ගක් විදියට ලැබුන නැවක් වගේ විශාල සවාරි බෝට්ටුවේ කෙල්ලොද, කෑමද බීමද, හැම මගුලම දාගෙන ලෝකෙ වටේම සවාරි ගහන එක. වෙන මිනිහෙක්ගෙ ප්‍රශ්න ගැන, අනිත් දේවල් ගැන වගේ වගක් නෑ. තමන්ම තමා පොර කියලා තාත්තගේ සල්ලි වලින් රජ සැප විදින චරිතයක් කිව්වම කට්ටියට පැහැදිලි ඇතිනෙ මිනිහ ගැන.

එතකොට, කේට් කියන්නෙ සරලවම කිව්වොත් සැමියත් නැතුව දුවලා තුන්දෙනෙක් තනියම රැකබලාගන්න මහන්සි වෙන තරුණ මවක්. මොකක්හරි හේතුවක් නිසා සැමියා අකාලේම සමුඅරන් නිසා දුවලා තුන්දෙනාත් එක්ක ජීවිතේ ගැටගහගන්න කට්ට කන කෙනෙක්. පොඩි පොඩි ජොබ් දෙක තුන කරන ගමන් නර්ස් කෙනෙක් වෙන්නත් ඉගෙනගන්න ගමන් ඉන්නෙ.

ඉතින් මෙහෙම පොඩි පොඩි සුළු රැකියාවලට යන අතරේ කේට්ට ලියනාඩෝගේ බෝට්ටුවෙත් සුළු රැකියාවකටඅවස්ථාවක් ලැබෙනවා. ඒ තමයි කාපට් සුද්ද කරන එක. මෙතනදී මේ දෙන්නා මුනගැහෙනවා විතරක් නෙමෙයි,කිව්ව වැඩක් කලේ නෑ කියලා ලියනාඩෝ කේට්ව එලවලා දානවා. ඒ නිකනුත් නෙමෙයි, පඩිත් නොගෙවා කේට්වයි කේට්ගෙ බඩු මුට්ටු සේරමයි බෝට්ටුවෙන් වතුරට තල්ලු කරලා දාල. ඉතින් මේ වැඩේ නිසා බඩු මුට්ටු වලට අතින් ගෙවන්න වෙලා කේට් තවත් අසරණ වෙනවා වගේම ලියනාඩෝ ගැන පුදුම තරහකින් ඉන්නෙ. ඉතින් මීට පස්සෙ දාක රෑ තමයි හරි වැඩක් වෙන්නෙ. හොදට බීලා බීලා ලියෝ බෝට්ටුවෙ උඩ තට්ටුවට එනවා කොන්ඩම් පැකට් ටිකක් හොයාගෙන :-). ඉතින් මිනිහා ඔතන ඩාන්ස් දදා ඉන්න වෙලාවෙ හදිසියෙ බෝට්ටුව ගැස්සුන පාර මූ කෙලින්ම මුහුදට වැටෙනවා. හැබැයි තුවාලයක් මුකුත් නැතුව මිනිහව වැල්ලට ගොඩගහගෙන ඇවිත් තිබුනත් එකම ප්‍රශ්නෙ තමයි මිනිහට උන්හිටි තැන් මතක නෑ. මිනිහා කවුද කියලවත් මතක නෑ. ලියනාඩෝව ගෙදර එක්කරගෙන යන්න ඇවිල්ල හිටිය අක්කත් මේක දැනගත්තම, ව්‍යාපාරවල අයිතිය එයාට ලබාගන්න තාත්තට කියනවා ලියනාඩෝ මෝරා කාලා මලා කියලා :-() අනේ ඉතින් ආතක් පාතක් නැතුව ඉස්පිරිතාලෙක මෙහෙම ඉන්න මනුස්සයෙක් ගැන ආරංචිය පැතිරෙද්දි ඕක දැනගන්න ලැබෙනවා කේට්ට. ඉතින් කේට්ගෙ ලොක්කගෙ උපදෙස් පරිදි ලැබුන අවස්තාවෙන් මහ පුදුම හිතෙන ප්‍රයෝජනයක් ගන්න ලෝක බොරුවක් මූලික කරගත්ත මෙහෙයුමක් එයාල දියත්කරනවා. ලියනාඩෝ තමන්ගෙ කසාද මිනිහා කියලා ඔප්පුකරන්න හොර ලියකියවිලි හදාගෙන කේට් මිනිහව ගෙදර එක්කරගෙන ගිහින් එකී මෙකී නොකී හැම වැඩක්ම ඌට කියලා කරගන්නවා ? පළිගන්න එකෙත් හොදම එකෙන් කරන මේ පලිගැනීමේ රංගනය කොහෙන් කොහොම ඉවරවෙයිද කියන එක ඔයාලටම බාරයි. ලිපිය දිග වැඩිද මන්දා. දිග ලිපි ලියන්න ඒතරම් මනාපයක් නෑ මගේ. පුළුවන් විදියට කිව්වා එහෙනම් කතාව. බලන නොබලන එක ඔබලාට භාරයි. කොමඩියක් වුනත් මං පෞද්ගලිකව සංවේදී වුන තැනකුත් මේකෙ තිබුනා. බැලුවට පාඩුවක් වෙන එකක් නෑ. ගිහින් එන්නම් එහෙනම්! හැමෝටම ජයවේවා!!

 


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

|  Bluray | x264 | 720p| 950MB |

Direct Download

| Bluray | x264 | 480p | 400MB | 

    

| Bluray | x264 | 720p | 950MB | 

         

| Bluray | x264 | 1080p | 1.8GB  |

    

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

3 thoughts on “Overboard (2018) | මෙහෙමත් බොරුවක්…

  • September 14, 2018 at 5:27 pm
    Permalink

    patta movie eka ela saho

    Reply
  • September 16, 2018 at 2:22 am
    Permalink

    Thanks !!!!!!!!!!!!!!!!

    Reply
  • September 16, 2018 at 9:20 am
    Permalink

    elaaaaaaaaaa thanks

    Reply

Leave a Reply

Your email address will not be published. Required fields are marked *

error: Alert: Content is protected !!

Notice: ob_end_flush(): failed to send buffer of zlib output compression (0) in /home/baiscoped/public_html/wp-includes/functions.php on line 3743

Notice: ob_end_flush(): failed to send buffer of zlib output compression (0) in /home/baiscoped/public_html/wp-content/plugins/really-simple-ssl/class-mixed-content-fixer.php on line 111