Lost in Translation (2003)| අපිට නොතේරුනේ භාෂාව විතරද…?

යාළුවනේ සුබ දවසක් වේවා. කාලෙකට පස්සෙ ආයෙමත් සබ් එකක් අරං ආව. වැඩ කටයුතු සහ විභාග වැඩ නිසා පහුගිය මාස කීපයක්ම ටිකක් කාර්‍යබහුල උනා. ඒත් හැබැයි බයිස්කෝප් එකේ ෆිල්ම් , ටීවී සීරිස් බලන එකනම් අඩු කලේ නෑ . ඒවා ඉවර උන ගමන්මයි මේක කලේ.

ඔයාලට මේකෙ කතාව ටිකක් කියන්නම්, බොබ් හැරිස් කියන්නෙ 70දශකයෙ ඇමරිකාවෙ හිටපු ජනප්‍රිය සිනමා තරුවක්. මේ වෙනකොට මෙයා මැදිවියේ තමයි පසුවෙන්නෙ. හැබැයි වර්තමාන කාලෙ වෙනකොට එයාගෙ ඒ තිබ්බ ජනප්‍රිය බව එදා තරම්ම තිබ්බෙ නෑ . ඒ නිසා මෙයාට වෙළෙඳ දැන්වීම් වගේ දේවල් වලට පෙනී සිටින්න වෙලා තියෙනවා. ඒවගේ කටයුත්තකට මෙයාට ජපානෙට යන්න වෙනවා. එයා ගියාට යන්නෙ කැමැත්තකින් නෙවෙයි . මොකද එහෙ භාෂාව මිනිසමිනිස්ස්සු මෙයාට තේරුම් ගන්න අමාරු නිසා. ඉතිං ඔය විදියට ඉන්නකොට මෙයාට හම්බවෙනවා මෙයා වගේම ජපානෙ සංචාරය එපාවෙලා ඉන්න චාලට් කියන තරුණිය. දෙදෙනාගේම පොදු රුචිකත්වය නිසා ඉක්මනින්ම දෙන්නා ගජ යාළුවො වෙනවා. ඉතිං කතාවෙ පදනම තමයි ඔය කිව්වෙ. ඔක්කොම කියලත් බෑනෙ.

චිත්‍රපටියෙ නිර්මාණය දායකත්වය ගැන කියනවනම් අධ්‍යක්ෂණය කරලා තියෙන්නෙ Sofia Coppola විසින් . එතකොට නිෂ්පාදනය Francis Ford Coppola ඇතුළු අටදෙනෙකු සමන්විතව කණ්ඩායමක් තමයි කරලා තියෙන්නෙ . තිර රචනයත් Sofia Coppola විසින් තමයි කරලා තියෙන්නෙ . එතකොට Scarlett Johansson, Bill Murray දෙපළ විසින් ප්‍රධාන චරිත නිරූපණය කරනවා. 2003 ඔක්තෝබර් 03 වනදා ප්‍රදර්ශනය ආරම්භ කරලා තියෙන මෙය විනාඩි 101 ක ධාවන කාලයකින් යුක්තයි. ඇමරිකානු ඩොලර් මිලියන 4ක පිරිවැයක් දරා ඇති අතර ඩොලර් මිලියන 119.7ක ආදායමක් ලබා ඇති බවට බොක්ස් ඔෆිස් වාර්තා අතරට එක්වෙලා තිබෙනවා. ඒවගේම IMDb දර්ශකයෙ 7.8ක අගයක් ලබාගන්න සමත්වෙලා තියෙනවා. තවද මෙය Drama යන ඛාණ්ඩයට තමයි වර්ගීකරණය කරල තියෙන්නෙ.

මෙම සළරුව 2004 Academy Awards, USA (2004) (ඔස්කාර්) හිදී Best Writing, Original Screenplay සඳහා සම්මානය දිනාගැනීමට සමත්වෙලා තියෙනවා. ඒවගේම තවත් සම්මාන 4කට නාමයෝජනා වෙලා තිබෙනවා. මේවගේ තව විස්තර ගොඩක් තියෙනවා. දැනට මේ ඇති වගේ. කතාව බලන්නකො, මේකෙ තියෙන ලස්සනම දේ තමයි කතාවෙ අවසානය අපිට ඕනෙ විදියට ලස්සනට මවාගන්න පුළුවන් විදියට තමයි හදලා තියෙන්නෙ.

එහෙනම් යාළුවනේ ඉක්මනින්ම තවත් නිර්මාණයකින් මුණගැහෙමු. ගිහින් එන්නම් , ඔබට ජය!


Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| Bluray | x264 | 1080p | 1.6GB |

Direct Download

| Bluray | x264 | 720p | 690MB |

| Bluray | x264 | 1080p | 1.6GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!