Upgrade (2018) | සුපිරි ආරක්ෂකයා ස්ටෙම්…

ටික දවසකින් බලන්න ලැබුන සුපිරිම ක්‍රියාදාම චිත්‍රපටයක් එක්ක තමයි අද ඔබ හමුවෙන්න මේ සූදානම… ජූනි මාසේ 1 වැනිදා ප්‍රදර්ශනය ආරම්භ වුන ඇමරිකාව තුල කතාබහක් ඇති කරන්න සමත් වුන මේ චිත්‍රපටය එයි ක්‍රියාදාම සහ කතා තේමාව, රංගනය වගේ දේවල් නිසා හොඳ විචාරක පැසසුමක් ලබාගන්න සමත් වුනා. Blumhouse නිෂ්පාදනයක් වුන නිසාවෙන්ම තවත් කතා බහ වැඩි වුනා මොකද මෑත කාලයේ ඔවුන්ගේ සාර්ථක නිර්මාණ ගොන්නට මේකත් එක්කාසු වුන නිසාවෙන්…

හිතන්න ඔබ ජීවත් වෙන ලෝකයේ යන්ත්‍රෝපකරණවලින් 95% වගේ පරිගණක උපකාරයෙන් පාලනය වෙනවා කියලා. ඔබේ ගෙදර, ඔබේ වාහනය විතරක් නෙමෙයි ඔබ කන බොන දේ පවා නිර්මාණය වෙන්නේ ඔවුන් අතින්… 95% කෙසේ වෙතත් ඒ අනාගතය හිතන්න අමාරු දෙයක් නෙමෙයි නේද? මොකද අද වෙනකොට Internet of things නිසාවෙන් අපි භාගයක් දුර ඇවිදින්… ගෙදර තියන විදුලි උදුනේ ඉදලා ගමන් කරනා වාහනය තෙක් එකිනෙකට සම්බන්ධයි… ගෙදර ආරක්ෂාව පරිගණක සතුයි, ඔබේ කාලසටහන පරිගණක සතුයි… එදිනදා ජීවිතය දුරකථනය හා සම්බන්ධයි ඉන් තොර ලොවක් බොහොම දෙනෙකුට නැති තරම්… ඉතින් එහෙම ලෝකෙක මේ කතාව නම් බොහොම අගේ ඇති එකෙක් වේවි, සමීප වේවි….

නමුත් එහෙම ලෝකෙක ජීවත් වෙන තවමත් පැරණි මෝටර් රථ ප්‍රිය කරනා පැරණි තාලයේ මිනිහෙක් තමයි ග්‍රේ කියන්නේ, පැරණි වාහන අලුත් වැඩියා කර ජීවත් වෙන ග්‍රේ ආශා එක්ක විවාහ වෙලා ඉන්නේ ඇය මිනිස් ශරීරය සහ බැඳුන රොබෝ උපකාරක මෙවලම් නිර්මාණය කරනා ආයතනයක ලොකු තැනක ඉන්නා කෙනෙක්. අලුත් වැඩියා කරන ලද වාහනය තමුන්ගේ සේවා දායකයා වෙත භාර දීලා ආශාගේ පූර්ණ ස්වයංක්‍රීයව මෝටර් රථයේ නැවතත් ගෙදර එන ග්‍රේ සහා ආශා එක්වරම පුදුම වෙන්නේ රථය ගමන් ගන්නා මාර්ගය දැකීමෙන්… ඒ ග්‍රේ කුඩා කාලයේ ජීවත් වුන දිහාව, දරිද්‍රතාවයෙන් පෙලෙන මිනිසුන් ජිවත් වෙන මේ පරිසරයේ ඔවුන්ගේ වාහනය එක්වරම අනතුරකට පත් වෙන්නේ නොසිතූ අයුරින්… ඒ එක්කම ඔවුන් වෙත එන පිරිසක් උදව් කරනවා යැයි පවසා ආශා හට වෙඩි තබා මරා දමනවා… ඉන් නොනැවතී ඔවුන් ගග්‍රේගේ කොදු ඇට පෙලට හානි සිදුකරන්නේ ඔහුව සදා අබ්බගාතයෙක් කරමින්…

මාස 3 කට පසු රෝහල් ඇඳේ සිටිනා ග්‍රේ දැනගන්නේ තවමත් තමුන්ගේ බිරිදගේ මිනීමරුවන් නිදැල්ලේ බව, පැය 24 පුරාම මිනිසුන් ගැන ඔත්තු බලනා ද්‍රෝන් යානා තිබියදී පවා ඔවුන් නිදැල්ලේ ඉතින් අබ්බගාත ග්‍රේ කුමක් කරන්න ද? නමුත් ඉතින් ඔහුගේ වාසනාව වෙනස් වෙන්නේ ඔහු කලින් වාහනය ලබා දුන් කෝටිපති ව්‍යාපාරිකයෙක් ඔහු සතු තවමත් පරීක්ෂණ මට්ටමේ තියෙනා මයික්‍රෝ චිප් එකක් ග්‍රේගේ කොදුඇට පෙළ සහ මොලය අතර සංඥා ගමනා ගමනය නැවතත් ඇති ක්,කිරීමට ලබා දෙන්නට කැමති වීමෙන්…

ඉතින් මේ අලුත් ජීවිතය ලොවට රහසක් හැටියට තියාගන්නට සිද්ධ වෙන ග්‍රේ තමුන්ගේ බිරිදගේ ඝාතකයන් ගැන සොයා බලනකොට තමයි ඔහුට එක්වරම කටහඬක් ඇහෙන්නේ… ඒ තමයි “ස්ටෙම්” ස්ටෙම් සාමාන්‍ය මිනිසු නොදකින දේ දකිනවා, එය ග්‍රේගේ ශරීරය සුපිරි මිනිස් ශරීරයක් බවට පත් කරනවා… වඩා ක්‍රියා ශිලී සටනට දක්ෂ, සුපිරි පෙනීමක් ඇති අතිශය වේගවත් නව ග්‍රේ එහෙමත් නැත්නම් “ග්‍රේ + ස්ටෙම්” හෝඩුවාවන් පසුපස හඹා යමින් ඔහුගේ බිරිදගේ ඝාතකයන් දඩයම් කරනා හැටි තමයි ඔබට මේ සලරුව තුල දැකගත හැකි වෙන්නේ…

7.7 ක් වගේ සුපිරි IMDB අගයක් ලබාගත් මේ නිර්මාණය රෝටන් ටෝමාටෝ 85% වගේ ඉහල විචාරක ප්‍රතිචාරයක් ලබාගන්නටත් සමත්ව තියනවා. Action, Horror, Sci-Fi, Thriller කාණ්ඩයන් නියෝජනය කරනා පැය 1 කුත් මිනිත්තු 40 ක කාලයක් දිවයන මේ නිර්මාණය Leigh Whannell ගේ පිටපතක් වගේම අධ්‍යක්ෂණයක්… Logan Marshall-Green, Richard Anastasios, Rosco Campbell සහ Richard Cawthorne, Steve Danielsen වගේ පිරිසකගේ රංගන දායකත්වයෙන් හැඩවෙන මේ නිර්මාණය සැකයක් නැහැ ඔබ බලාපොරොත්තු වුන තැනින් අවසාන නොවේවි... හේතුව නම් මේ තුල පෙරලි කිහිපයක් තියෙන නිසාවෙන්… අවසාන මොහොතේ කතාව උඩු යටිකුරු වෙන මේ පෙරලි ඔබව පුදුම කරනවාට සැකයක් නැහැ…

අදහසක් දක්වා යන්න කියලත් ඉල්ලමින්, මේ සුපිරි ක්‍රියාදාම චිත්‍රපටය ඔබට භාර දී මම සමුගන්නවා…. එහෙනම් ආයෙත් තවත් උපසිරසක් එක්ක හමුවෙනතුරු ඔබ සැමට ජය වේවා !!!


Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| Bluray | x264 | 720p | 850MB |

Direct Download

|  Bluray | x264 | 480p | 350MB | 

| Bluray | x264 | 720p | 650MB |

| Bluray | x264 | 720p | 850MB | YTS |

| Bluray | x264 | 1080p | 1.6GB | YTS |

| Bluray | x265 | 720p | 220MB |

| Bluray | x265 | 1080p | 390MB |

| Bluray | x265 | 720p | 650MB | PSA |

| Bluray | x265 | 1080p | 1.3GB | PSA |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

2 thoughts on “Upgrade (2018) | සුපිරි ආරක්ෂකයා ස්ටෙම්…

Leave a Reply

Your email address will not be published. Required fields are marked *

error: Alert: Content is protected !!