The 100 [S05 : E13] | අපි නැවත හමුවේවා!!

THE 100 පස්වැනි කතාසමය ආරම්භ වන්නේ ප්‍රයම්ෆායා එනම් ලෝක විනාශයෙන් පස්සෙ නටබුන් වෙලා ගිය ලෝකයකයි.. ජිවිත බේරාගනිම උදෙසා පිරිසක් භූගත බංකරයක් තුළටත්, කීප දෙනෙක් අභ්‍යවකාශයටත් ගියා. හැබැයි ක්ලාක්ට විතරක් යන්න ලැබුනේ නෑ නෙව.. ඉතින් පස්වැනි කතාසමය ආරම්භ වන්නේ එම විනාශයෙන් සය වසරක් නික්ම ගිය පසුවයි…

අපිට දැකගන්න ලැබුනා සමස්ත ලෝකයම කාෂ්ටක කාන්තාරයක් බදුව තිබියදී යම් සුළු පෙදෙසක් පමණක් එම විනාශයෙන් බේරී තිබුනා. ඉතින් ක්ලාක් එම සය වසර තුල ජීවත්වෙලා තිබුනේ මේ කියන බිම් පෙදෙසේ නැතිනම් නිම්නයේ.. හැබැයි ක්ලාක් විතරක්ම නෙවෙයි ඉතුරු වෙලා ඉන්නෙ.. සැබෑවටම නයිට්බ්ලඩ් තිබෙන මැඩි නම් දැරියක්ද ක්ලාක් සමග ජීවත්වෙනවා.. ඉතින් ක්ලාක් මේ සය වසර මුළුල්ලේම උත්සහ දරා තිබ්බේ අභ්‍යවකාශ ගත වූ බෙලමි ඇතුළු පිරිස සමග කතාබහ කිරීමටත් බංකරය තුළ සිරවී සිටින තම මව ඇතුළු පිරිසට කුමක් සිදුවූයේ ද යන්න සොයාගැනීමටත්ය..

ඉතින් ඔන්න ඔහොම ඉන්න කොට තමයි අභ්‍යවකාශයෙන් එක්වරම අමුත්තන් පිරිසක් කඩාපාත් වෙන්නෙ.. එලිජියස් නම් සමාගමකට අයත් හිරකරුවන් ප්‍රවාහනය කරන යානයකින් තමයි මේ පුද්ගලයන් පැමිණෙන්නේ.. වසර සියයකට වැඩි කලක් මෙම පුද්ගලයන් පෘථිවියෙන් ඈත්ව ශිශිරතරණ නින්දක තමයි ඉදලා තියෙන්නෙ. ඒ නිසා මේගොල්ලො දැනන් හිටියෙ නෑ පෘථිවියට මේ මොකක්ද වෙලා තියෙන්නෙ කියලා. කෙසේ වෙතත් ක්ලාක් සහ මේ පිරිස අතර ප්‍රථමයෙන් සිදුවෙන්නේ සුහද හමුවක්නම් නෙවෙයි.. කෙසේ හෝ අවි බලය මෙන්ම දියුණු තාක්ෂණයක් සහිත මේ අපරාධකරුවන් පිරිස නිම්නයේ අයිතිය තමා සතු කරගන්නවා. ඒ වගේම ක්ලාක්වත් ඔවුන්ගෙ ග්‍රහණයට නතුවෙනවා..ඒත් සමගම වාගේ අභ්‍යවකාශයේ ඉන්න කණ්ඩායමට හැකි වෙනවා එම අපරාධකරුවන්ගෙ මව් යානය අල්වාගෙන යළි පෘථිවිය බලා එන්නටත්.. ඒ අනුව බෙලමි ක්ලාක්වත් බේරාගෙන බංකරයේ ඉන්න අයව එළියට ගන්නත් මෙම අපරාධකරුවන්ගෙ සහය ලබාගන්නවා. ඉතින් ඔක්ටේවියා ඇතුළු පිරිස ඒ අනුව තමයි වසර ගානකට පසුව සූර්යාලෝකය දකින්නේ. කොහොමවෙතත් මේ වසර කීපය තුල බංකරයේ සිටි අයගේ විශාල පරිවර්තනයක් දක්නට ලැබෙනවා.. ඔක්ටේවියා බ්ලඩ්රෙයිනා නැතිනම් රතු රැජිණ නම් වූ නාමයක් දරනවා.

ඉතින් මෙතනින් පස්සෙ තමයි කතාව හරියටම ආරම්භ වෙන්නෙ.. පෘථිවියේ ජිවය පවතින අවසාන නිම්නය තමා සතු කරගැනීම තමයි භුමිවාසින්ගේ නායකයා වන ඔක්ටේවියාගෙත් එලිජියස් පතල්කරුවන්ගෙ නායකයා වන කර්නල් ඩියෝසාගෙත් එකම අපේක්‍ෂාව වෙන්නෙ. ඉතින් අපිට දැකගන්න ලැබුනා ඒ උදෙසා ඔවුන් විවිධ උපාය උපක්‍රම භාවිතා කළා. කෙසේ වෙතත් ගිය සතියේ කොටසින් අපිට දැකගන්න ලැබුනේ නිම්නය අල්ලාගැනීම සදහා යුද්දයට ගිය ගෝත්‍රයට පතල්කරුවන් ඉදිරියේ දරුණු පරාජයකට නතුවිමක් තමයි. මෙම සටනින් ඔක්ටේවියාගෙ විශාල පිරිසක් ජිවිතක්ෂයට පත්වුනා.. ඒ වගේම ඔක්ටේවියා බෙලමි, ඉන්ද්‍රා සහ ගායා ඇතුළු ප්‍රධාන පෙළේ නායකයින් කරකියා ගන්නට දෙයක් නොමැතිව දුර්ගය තුළ සිරවුණා.. ඔය දේවල්වලට හේතු වුනෙත් ක්ලාක් සහ කේන් කියලා කට්ටියට මතක ඇතිනේ. ඉතින් ඔය අල්ලපනල්ලේ තමයි එකෝට අදහසක් පහල වෙන්නෙ භුමිවාසි ජනයා වෙත තමන්ගෙ සැබෑම කමාන්ඩර්ව ගෙනිහින් දෙන්න ඕනයි කියලා.. හැබැයි ඉතින් ඒ කාර්යයත් නිෂ්පල වෙන්නෙ ක්ලාක්ගෙ මැදිහත් වීම නිසා.. කොහොමහරි මැඩිට හැකියාව ලැබුනා ක්ලාක්ගෙ හිත වෙනස් කරන්න.ඉතින් අද කොටස තමයි පස්වැනි කතාසමයේ අවසානය වෙන්නෙ.. මේ වෙද්දී අපි හැමෝටම ප්‍රශ්න ගොඩක් තියෙනවා.. ගිය සතියේ මතකයිනේ කේන්ට වින්සන් දරුණුවටම තුවාල කරනවා.. ඉතින් කේන්ට මොනා වෙයිද? එතකොට අලුත් කමාන්ඩර්ට හැකිවෙයිද ගෝත්‍රය ජයග්‍රහණය කරා මෙහෙයවන්න? මෙවර සටන දිනන්න ක්ලාක් මොනවගේ නස්පැත්තියක් කරාවිද? ඒ වගේම කවුරුවත් මෙවර කතාවෙන් සමුගනිවිද? එහෙනම් ඉතින් ඔය හැම ප්‍රශ්නෙකටම කට්ටියට උත්තර ලැබෙයි අද කොටහා බැලුවට පස්සෙ.. අවසාන කොටහ හින්දා මම මොකවත්ම විස්තර කරන්න යන්නෙ නැහැ..

එහෙනම් ඉතින් පස්වැනි කතාසමයත් නිමයි.. හැබැයි බයවෙන්න දෙයක් නෑ.. කට්ටිය දැනටම දන්නවනේ මේක හයවැනි කතාසමයකට දීර්ඝ කරලා තියෙනවා කියලා. ඒ කියන්නෙ අපි යළි හමුවෙන්නේ වසරකට පසුවයි. ඉතින් මම හිතනවා මෙවර කතා සමයට උපසිරසි ගැන්වීමත් මම අඩුවක් නැතුව කළාය කියලා. එහෙමනම් හැකියාවක් ලැබුනොත් පමණක් ලබන වසරේ හයවැනි කතාමාලාටවත් උපසිරසි ලබාදෙන්න බලන්නම්.. මම නැතත් බයිස්කෝප් අඩවියෙන් ඔබට උපසිරසි ලැබේවි.. එහෙමනම් ඉතින් අවසාන වරට ඔබගේ අදහසත් කොටාගෙනම යන්න.. ඔබ සැමට ජයෙන් ජය!

 හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HDTV | x264 | 720p | 1.2GB |    

B9607122E53D5F4B08F99692A42B8754D0744F92

Direct Download

| HDTV | x264 | 480p | 170MB |

| HDTV | x264 | XviD | 282MB |

| HDTV | x265 | 720p | 220MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

6 thoughts on “The 100 [S05 : E13] | අපි නැවත හමුවේවා!!

  • August 22, 2018 at 5:07 pm
    Permalink

    ko sub eka? eka kawadda denne.

    Reply
    • August 22, 2018 at 8:05 pm
      Permalink

      dila tynne

      Reply
  • August 23, 2018 at 8:25 am
    Permalink

    Thank you brother. Will meet again 😉

    Reply
  • October 18, 2018 at 3:53 pm
    Permalink

    May we meet again!

    Reply
  • November 16, 2018 at 8:31 pm
    Permalink

    kohomada download karanne

    Reply

Leave a Reply

Your email address will not be published. Required fields are marked *

error: Alert: Content is protected !!