Man of Steel (2013) | අලුත් කතාවක්! අලුත් ආරම්භයක්!

ක්‍රිප්ටන්! ඒ තමා ඔහුගෙ නිජබිම. ඒත් ඔහුට එහේ ඉන්ඩ ඉඩ ලැබුණේ ඉපදිලා විනාඩි කීපයක් විතරයි. මොකද ඔහු ඉපදෙනකොටත් ඔහුගෙ ලෝකය අවසන් සුසුම් හෙළමින් තිබුණා. තමන්ගෙ දරුවාව ඒ ලෝකයේ ඉරණමෙන් බේරලා යවන්ඩ ඔහුගේ දෙමාපියන් තීරණය කළේ, ඔහුව විතරක් බේරාගන්නා අරමුණින් නොවෙයි. ඔවුනගේ මුළු වර්ගයාම බේරාගන්නා අරමුණින්. ඒ වෙනුවෙන් තමන්ගේ හමුදා නායකයාටත් එරෙහිව යන්නට ඔවුන් පසුබට වුණේ නෑ. ඔහුට සුදුසුම ලෝකය ලෙස ඔවුන් ‍තෝරාගත්තේ අපේ ලෝකය. නමුත් ඔවුන් හිතූ තරම් මේ ලෝකය ඔහුට කාරුණික වුණේ නෑ. ඒත් ඔහුව හදාවඩා ගත්, ‍රැකබලාගත් මේ ලෝකයේදී ඔහුට හිමි වූ දෙමාපියන් තමයි ඔහුට මේ ලෝකෙට ඔරොත්තුදෙන්ඩ වුවමනා ශක්තියත් විශ්වාසයත් ඔහු තුළ ඇති කළේ. මේ ලෝකෙදි ඔහු හිතාගන්ඩත් බැරි තරම් පුදුමාකාර ශක්තියකින් යුතු කෙනෙක්. ඒත් ඒ හේතුව නිසාම ඔහු හරියට අසරණ වුණා. හරි බව දැන දැනත් කළ ඇතැම් දේවල් නිසා ඔහුගේ හිත වේදනාවෙන් රිදුම් දුන්නා. සියල්ල වනසන්නට තරම් වේගයන් හිත දවනකොට, ඔහු අසලින්ම ඉඳගෙන අවැසි ශක්තිය දුන්නේ මේ ලෝකෙදි ඔහුට ලැබුණු තාත්තයි, අම්මයි දෙන්න තමයි.

ඒ වුණත් අන්තිමේදී ඔහුට, තමන්ගෙ අයව හමුවුණේ කොහෙත්ම නොසිතූ විදිහකට! සැබැවින්ම තමන්ගේ අය කවුද? කාගේ පැත්ත ගන්නද? කාව විශ්වාස කරන්නද? කා වෙනුවෙන් සටන් කරන්නද? කවුරුන් ඔහුව පිළිගනීවිද? කවුරුන් ඔහුට එරෙහිවේවිද? ඒ කොහොම වුණත්; මේ සියලුම ප්‍රශ්න එලෙසම හිත දරාගෙන ඔහු ඒ ගැන තීරණයක් ගත්තා. අන්න ඒ විදිහටයි ඔහු; සිය ලෝකයෙන් ලද උරුමය වූ බලාපොරොත්තුවේ සලකුණ පෙරදැරි කරගත්, එලොවින් ආ ගැළවුම්කරු බවට පත්වුණේ…

DC Comics’ලගේ සුපුරුදු නිර්මාණ රටාවෙන් යුතුව මේ වසරේදී තිරයට ආ මේ චිත්‍රපටයේ හොඳ පිටපතක් නිකුත් වුණේ ඔන්න දැන්! ඉතිං මෙතෙක් කලක් මේක නොදුන්නේ හොඳම පිටපතකට නැතුව මෙහෙම එකක් දීලා වැඩක් නැති නිසා. ඒක තනිකරම මගේ තීරණයක්! අපේ අනිකුත් සගයන් ඒ සම්බන්ධව වගකිව යුතු නෑ! ඒ කාලපමාවෙන් ඔබේ ඉවසීම යළි යළිත් පෑරුණානම්, ඒ ගැන වගකිවයුත්තා වන්නේ මමයි.

අවසාන වශයෙන් මා ඔබට අවධාරණය කරනවා; මේ චිත්‍රපටයේ වීරයන් මිස දුෂ්ඨයන් නැති බව! එයයි මා මෙහි දු‍ටු සුවිශේෂීම ලක්ෂණය. ඔබටත් එය වැටහේදැයි මෙය නරඹන විට සැලකිල්ලෙන් බලන්න! එයයි මාගේ ඉල්ලීම…

ප.ලි. :-
හරි එහෙනම්! ඔන්න කාලෙකට පස්සෙ මං ආපහු ආවා සුපිරි-මිනිසාවත් එක්කරගෙනම. කොච්චර සුපිරි වුණත් මේ මනුස්සයට සිංහල බිංදුවක් බෑ. ලංකාවෙත් එයාගෙ රසිකයො ඉන්න හන්දා යං කියලා මම කතා කළහම මිනිහා බෑම කිව්වනේ සිංහල දන්නෙ නෑ කියලා 😀 අයියෝ; ඒ හින්දා ඉතිං ඒ ගමන ඒ වැඩේ කරල දෙන්ඩ මට සිද්ධ වුණා. 🙂 දැන්නම් මිනිහාට ගාණක් නෑ. සිංහල තියෙනවනේ… 😛

බැලින්නම් මේ මිනිහා සුපිරි සුපිරි කිව්වට එයාට වඩා මම සුපිරි! ඇයි ඉතිං එයාටත් බැරි වැඩක්නේ මම කළේ 😉 හා නැද්ද මං අහන්නේ? 😉


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| Bluray | x264 | 720p  | 970MB | YIFY |

BC866536D537CBE42512077E2819801A916494E3

Direct Download

| Bluray | x264 | 720p | 970MB | YIFY |

       

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *