Ready Player One (2018) | කෘතීම යතාර්ථයක සැඟවුන නිධානය….( WEB-DL Update )

“Ready Player One” නිමක් නැතුව වීඩියෝ ගේම් වලට ඇබ්බැහි උන අයට නම් මේ වචනේ හොඳට දැකලා අහලා පුරුදු එකක් වෙනවා නොඅනුමානයි. ඉතින් ඒ වගේ අයට කියාපු කතාවක් එක්ක තමයි අද මේ සිංහල උපසිරැසි සමඟින් ඔයාල මුණ ගැහෙන්න ආවේ. ඔව් මේක අමුතුම කතාවක් නමුත් මේ යථාර්තයක් නොවුන යතාර්ථය අනාගතයේදී යතාර්ථයක් වෙන්න තියෙන ඉඩකඩ නම් සෑහෙන්න වැඩියි. මොකද අපි කෙමෙන් කෙමෙන් ඒ යථාර්තය වෙතට යන්න පියවර තබන අවධියක තමයි මේ වගේ චිත්‍රපටයකින් ඒ ගැන ඉඟියක් ලබා දෙන්නේ. අන්න ඒ නිසාම ඔයාලට මේ කතාව හොඳටම දැනෙනවා කියන එක අනිවාර්යෙන් කියන්න ඕනේ කාරණාවක්. ඊට අමතරව කියනවා නම් මේ චිත්‍රපටය අධ්‍යක්ෂණය කරන්නේ එසේ මෙසේ චරිතයකුත් නෙමේ ස්පීල්බර්ග් කියන්නේ කවුද කියලා අමුතුවෙන් කියන්න ඕනේ නැහැනේ. එහෙනම් ඔන්න මම පූර්විකාව ගෙනාවා. එහෙනම් දැන් කියන්නම් යටගිය දවස මේ කතාවට පදනම් වුන ජාතක කතා වස්තුව මොකද්ද කියල. ඒ වගේම මේ ලිපිය කියවලම චිත්‍රපටය බලන්න කියල  ඉල්ලා සිටිනවා මොකද සමහර දේවල් 1960-80 වර්ෂ වල ඉපදුන අයට ඇරෙන්න අනික් අයට නම් තේරෙන එකක් නැහැ.

කවුද මේ අර්නස්ට් කියන්නේ?

මේ චිත්‍රපටයට පාදක වෙන්නේ 2011 වසරේදී  Ernest Christy Cline විසින් ප්‍රථම වතාවට රචිත විද්‍යා ප්‍රබන්ධ ගණයට අයත් වන නවකතාවයි. අර්නස්ට් කියන්නේ මෙවැනි කතා වලට වැඩි නැඹුරුවක් තියෙන නවකතා කරුවෙක්. ඔහුගේ පළමු නවකතාව වශයෙන් රචිත මේ Ready Player One පොත ලැබූ සාර්ථකත්වය හමුවේ තවත් භාෂා රාශියකට පරිවර්තනය කරනු ලැබුවා. අර්නස්ට් කියන්නේ බොහෝදුරට වීඩියෝ ගේම් වලට පිස්සු හැදුන කෙනෙක් වෙන්න ඕනේ. මොකද ඔයාල එයාගේ වෙබ් පිටුවට මෙතනින්ගොඩ උනොත් ඒ ගැන හොඳින්ම තේරුම් ගනීවි. මොකද එයාගේ වෙබ් අඩවිය  තිබෙන්නේත් ඉස්සර කාලේ තිබුන Arcade Game එකක් ආකාරයට. පහත තියෙන්නේ එයාගේ වෙබ් අඩවියේ මුල් පිටුව ඔබට දකින්න ලැබෙන ආකාරයයි. මේ පොත 2011වසරේදී ප්‍රකාශන ආයතනයකට භාරදෙනවාත් සමඟ එහි චිත්‍රපට අයිතිය වෝනර් බ්‍රදර්ස් සමගම මිලට ගනු ලැබුවා. ඒ නිසා තමයි අද අපි මේ ලෝකප්‍රකට නවකතාව සලරුවක් විදිහට දකින්නේ.

මෙතනට අදාළ නොවුනත් අර්නස්ට් කියන්නේ පරණ කාර් පිස්සෙක්. හැබැයි ඒක පරණ කාර් නිසාම උන දෙයක් නෙමේ එත් ඔහුගේ කාලයේ රසිකයෝ පිස්සු වට්ටපු  චිත්‍රපට වන Ghost Busters (1984),Back to the Future (1985) සහ The Adventures of Buckaroo Banzai Across the 8th Dimension (1984) වල සහ අපි කවුරුත් ඉස්සර බලපු Night Rider කියන රූපවාහිනී කතා මාලාවේ දකින්න ලැබුන කාර් වර්ගයට අර්නස්ට් තදින්ම වහ වැටිලා කිව්වොත් නිවැරදියි. DeLorean DMC-12, 2850CC එන්ජින් ධාරිතාවකින් යුත් වර්ගයේ කාර් එකක් ඔහුට සතුව තිබුන අතර ඔහු එය Ghost Busters චිත්‍රපටයේ ආකාරයටම ප්‍රති නිර්මාණය කරගෙන තිබෙනවා. ඒ වගේම නයිට්‍රයිඩර් කාර් එකේ විදිහට ඉදිරිපස ලයිට් පවා වෙනස් කර තිබෙනවා. මේ චිත්‍රපටයේ තිබෙන කාර් එකේ ඉදිරියේත් එවැනි ලයිට් පේලියක් දැකගන්න පුළුවන්. එකක් ජයග්‍රාහකයාට ලබා දීල තිබෙනවා. පසුකාලීනව එම ජයග්‍රහණය කල කෙනා ඒ කාර් එක විකුණන බව දැනගෙන නැවත ඔහුගෙන් මිලදීගෙන තිබෙනවා. ඇත්තටම අර්නස්ට් කියන්නේ චිත්‍රපට වල තිබෙන යතාර්ථයක් සැබෑ ජීවිතය තුල නිර්මාණය කරගනිමින් ජිවත් වෙන අපූරු පුද්ගලයෙක් කිව්වොත් නිවැරදියි. පහත දැක්වෙන්නේ ඔහු ළඟ තිබෙන ඒ කාර් දෙකේ වර්ථමාන තත්වයයි. එකක් ස්ටාර් වොර්ස් චිත්‍රපට වල දකින්න තිබෙන යානයට සමානව වෙනස් කර ඇති අතර අනික ගෝස්ට් බස්ටර්ස් චිත්‍රපටයේ ඇති ආකාරයට ප්‍රති නිර්මාණය කරලා.

 

 

 

 

 

 

 

 

හැබැයි මේ කාර් වර්ගයට පිස්සු වැටිලා ඉන්නේ කෙනෙක් දෙන්නෙක් නෙමේ නිසා මේ කාර් එක ඒ කාලයේ තිබුන තත්වයෙන්ම තවමත් මිලදී ගැනීමට DeLorean Motor Company තුලින් අවස්ථාව ලබා දීල තියෙනවා. කැමති කෙනෙක්ට අලුතෙන්ම මේ විදිහෙම කාර් එකක් මිලට ගන්න පුළුවන් කම අදටත් තියෙනවා.ඒ වගේම අර්නස්ට්ගේ වෙබ් අඩවියේ ඔහුගේ පොත් වලට අමතරව කාර් සම්න්ධයෙන් වෙනම කොටසක් වෙන් කරලා තියෙනවා ඔයාලට දැකගන්න පුළුවන් වෙයි.

ඒ වගේම අර්නස්ට් විසින් රචනා කල තවත් පොතක් මෙසේ ජනප්‍රියත්වයට පත්ව තිබෙනවා. ඒ තමයි 2015 වසරේ ප්‍රකාශණය වූ Armada නම් වූ විද්‍යා ප්‍රබන්ධ නවකතාව. 2012 වසරේදීම මේ නවකතාව චිත්‍රපටයක් ලෙසින් එලි දක්වන්න Universal Pictures සමාගම ලොකු මුදලකට මිලට ගෙන තිබෙනවා. එහි කතාවත් වීඩියෝ ගේම් වලට සම්බන්ධ පිටසක්වල ජිවින්ගේ ප්‍රශ්නයක් කියලා විතරක් දැනට කියන්නම්.  තවත් විද්‍යා ප්‍රබන්ධයක් චිත්‍රපට කාචය තුල යථාර්තයක් වෙන්න සියල්ල සූදානම් වෙමින් පවතින අවදියක තමයි ඔබ අප මෙම චිත්‍රපටය තුලින් මෙසේ මුණ ගැහෙන්නේ.

එහෙනම් මම අද මේ ගෙනෙන කතාව ගැන පොඩ්ඩක් කියන්නම්. මේ කතාවට අදාළ වන වර්ෂය වෙන්නේ 2045. මේ කාලය වෙනකොට ලෝකය තුල ෆොසිල ඉන්ධන වලින් දහනය වන සියලුම එන්ජින් නතර වීමකට ලක්වෙලා. ඊට හේතුව අපේ වාහන දුවන ඛණිජ තෙල් ලෝකයෙන් තුරන් වී යාමයි. ඒ හේතුව නිසා ඉන්ධන මගින් වැඩකරන රථ වාහන සියල්ලක්ම දැන් කුණු ගොඩක් වෙලා අවසන්. ඒ සමඟම ලෝකය තුල උෂ්ණත්වය ඉහල යාම සහ ජනගහණ වර්ධන වේගය ඉහල යාම තුලින් ලෝකය තුල සමතුලිතාවය බිඳ වැටිලා ගිහින්. ඉතින් මේ වගේ ගැටළු වලින් මිදෙන්න සීමිත සම්පත් සඳහා අසීමිත ඉල්ලුමක් පවතින යුගයක ඒ සීමිත සම්පත වෙනුවෙන් ඉහල මිලක් ගෙවන්න මිනිස්සුන්ට සිද්ධ වෙනවා. එවන් යුගයක ජේම්ස් හැලිඩේ නමැති පුද්ගලයා කෘතීම යථාර්තයක දිවෙන වීඩියෝ ගේම් එකක් නිර්මාණය කරනවා.  නමින් OASIS වූ එහි මූලික අරමුණ වෙන්නේ මිනිසුන්ගේ මේ ඔඩුදුවා ඇති ගැටළු වලට යම් තරමක මානසික සහනයක් කෘතිමව නිර්මාණය කල ලෝකයක් මගින් ලබා දීමටයි. OASISනමින් හැඳින්වෙන්නේ විවිධාකාර ගේම් ක්‍රීඩා කල හැකි ලෝකයක් වගේ තැනක්. ඔබ එය තුලට සිමියුලේටරයක් හරහා ඇතුළු වූ පසු ඔබ ජිවත් වෙන්නේ ඔබ ක්‍රීඩා කරන ගේම් එක තුලයි. ඔබට කැමති චරිතයක් නිර්මාණය කරගෙන ඔබට කැමති කැමති විදිහේ තරඟ වලට සහබාගි වෙලා විවිධ දිනුම් ලබා ගන්න පුළුවන් කම ලැබෙනවා. මේ චිත්‍රපටයේ ඔබ මම ඇතුළු වන  කාලය තුල ජේම්ස් හැලිඩේ කියන පුද්ගලයා මිය ගිහින්. හැබැයි ඔහු මිය යන්නේ මේ මුළු ලෝකයටම ලොකු ඔට්ටුවක් ඉතිරි කරලා. ඒ ඔට්ටුව ඔහු සඟවලා තියෙන්නේ තමන් නිර්මාණය කරපු ඒ ඔඑසිස් නමැති කෘතීම යතාර්ථය තුල. ඔහු ලොව පුරා වෙසෙන සෑම වීඩියෝ ගේම් ක්‍රීඩා කරන පුද්ගලයෙකුටම යවන පණිවිඩයක් මගින් ඔහු විසින් මේ ලබා දෙන ඔට්ටුව ගැන විස්තරයක් කරනවා.

ඒ තමයි මේ යථාර්තය තුල ඔහු ඊස්ටර් එග්එකක් (කොමික් චිත්‍රපට බලන අයට නම්  මේ වචනය අමුතු දෙයක් වෙන එක්ක නැහැ.) සඟවා තිබෙනවා. හැබැයි එය ලබා ගැනීමට ප්‍රථමව සෑම කෙනෙක්ටම කඩඉම් තුනක් පසුකරයන්න සිදු වෙනවා. ඒ එක එක කඩ ඉමකට අදාලව යතුරක් හිමිවෙනවා. ඒ යතුරු තුනම හිමිවන කෙනාට තමයි අදාළ ඊස්ටර් එග් එක තිබෙන Anorak  මාලිගාවේ දොර විවෘත කරගන්න හැකියාව ලැබෙන්නේ. කොපර්, ජේඩ් සහ ක්‍රිස්ටල් වලින් නිර්මාණය වූ යතුරු තුනකින් ඕනෙම ක්‍රීඩකයෙක්ට මුලින්ම ජයග්‍රහණය කර දිනාගන්න ලැබෙන්නේ කොපර් යතුරයි. ඒ සඳහා ඔහු විසින් දිනන්න බැරි විදිහේ ධාවන තරඟයක් ලබා දී තිබෙනවා සෑම තරඟකරුවෙකුටම. කොටින්ම කියනවා නම් හැලිඩේ මියගිහින් වසර පහක් ගත වෙලත් කිසිඳු තරඟකරුවෙකුට මේ පළමු කඩඉම ජයග්‍රහණය කරලා පළමු යතුර ගන්න හැකියාව ලැබිලා නැහැ. එය දිනුවොත් තමයි ඊලඟ යතුර සඳහා අදාළ වන ඉඟිය ලැබෙන්නේ. ඔව් මම කිව්වේ නැහැනේ මොකද්ද මේ තරම් ලොකු දෙයක් කරාම ලැබෙන ලොකු තෑග්ග කියල. ඒ තමයි ඩොලර් ට්‍රිලියන බාහයක් සහ ඔඑසිස්හි මුළු පාලන බලය. ඉතින් මේ වගේ දෙයක් ලැබුනම ඒ වෙනුවෙන් ලුහු බඳින්නේ නැත්තේ කවුද? කොටින්ම කියනවා නම් හැලිඩේ මියගිහින් වසර පහක් ගතවන තැන මිනිසුන්ගේ එදිනෙදා රාජකාරිය ඔඑසිස් එක තුල මේ යතුරු සෙවීම බවට පත් වෙලා. ඒ වෙනුවෙන් මිනිසුන්ට පඩි ගෙවාගෙන යතුරු සොයන්න වෙහෙසෙන ආයතන පවා බිහිවෙලා.

මේ කතාව තුල අපට මුණ ගැහෙන චරිත සහ විවිධ ආයතන වල නම් කීපයක් හඳුන්වල දෙන්නම්.

Wade Owen Watts a.k.a. Parzival:

ඔහු තමයි අපේ  කතා නායකයා. සැබෑ ලෝකේ නම තමයි වේඩ් ඔවන් වොට්ස්. වීඩියෝ ගේම් වල ඔහුගේ අනුවර්ත නාමය වෙන්නේ “පර්සිවල්”.  ඔහු ජිවත් වෙන්නේ පෙට්ටි වගේ නිර්මාණය උන නිවාසයක් තුල. ඒ ඔහුගේ නැන්දා කෙනෙක් ළඟ. කුඩා කාලයේදීම දෙමාපියන් මිය ගිහිල්ලා. මෙයා තමන්ගේ මුළු ජිවිතයම ජේම්ස් හැලිඩේගේ ඊස්ටර් එග් එක හොයන්න කැප කරලා තියෙන්නේ. මේ ආකාරයට ඊස්ටර් එග් සොයන පුද්ගලයන් හඳුන්වන්නේ “ගන්ටර්”කෙනෙක් විදිහටයි.

James Donovan Halliday a.k.a. Anorak:

මේ තමයි ඔඑසිස් නිර්මාතෘ වරයා. ඔහුගේ ඔඑසිස් තුල භාවිත වන නාමය තමයි ඇනෝරක්. 1980 පසුව ඇති වූ ඇමෙරිකානු සංකෘතිය තදින් වැළඳ ගත් තනිකඩ පුද්ගලයෙක්. ඔහු මිය යන විට මුළු ලෝකයටම තමන් නිර්මාණය කල දේ සහ ඉපයූ මුදල ලබා දෙන්න තීරණය කරනවා.

Aech (මෙය ශබ්ද කරන්නේ “එච්” ලෙසින්):

වේඩ්ගේ හොඳම මිතුරා ඇයයි. ඊස්ටර් එග් සෙවීමේදී නම් තවත් සතුරෙක් පමණයි. එච්ගේ විශේෂත්වය තමයි  ඇයට වෙඩි තියන ගේම් වල දක්ෂයෙක් වීම. ඔඑසිස් එක තුල තරඟ වදින සියලුම තරඟ කරුවන් අතර ඇය දක්ෂයෙක්. එච්ගේ වීඩියෝ ගේම් චරිතය තරමක් හැඩි දැඩි සිරුරකින් යුතු චරිතයක්. එච්ගේ සත්‍ය නාමය වන්නේ හෙලන් හැරිස්.

Art3mis:

මේ තමයි මෙහි දකින්න ලැබෙන තවත් කාන්තා චරිතයක්. “ආර්ටිමිස්”  යන අනුවර්ත නාමයකින් තරඟ වදින ඇය පර්සිවල්ගේ සිත සොරාගන්න සමත් වෙනවා. ඒ වගේම ඊස්ටර් එග් දඩයමේ ඉන්න තවත් දක්‍ෂ විරුද්ධ වාදියෙක්. වඒ වගේම සත්‍ය නාමය තමයි සමන්තා එව්ලින් කුක්.

Ogden “Og” Morrow:

ඔඑසිස් සැම නිර්මාතෘ හෙවත් ජේම්ස් හැලිඩේගේ හොඳම මිත්‍රයා.  Gregarious Games නමැති වීඩියෝ ගේම් සමාගම නිර්මාතෘවරයා ඔහුයි. එමගින් තමයි ඔහුGregarious Simulation Systems (GSS)එක නිර්මාණය කර OASIS එක නිර්මාණය කරන්න සහය උනේ.

Daito:

මේ තමයි මෙහි ඉන්න ජපන් ගන්ටර්ස්ලාගෙන් එක කෙනෙක්. ඔහු සමඟ “brother” නමින් කණ්ඩායමක් ලෙසින් එකතු වී වැඩකරන තවත් ජපන් තරඟ කරුවෙක් තමයි ශෝටෝ කියන්නේ. ඔවුන් දෙදෙනාම එච් සහ ආකෙමිටිස් දෙදෙනාගේ මිත්‍රයෝ. පසු කාලීනව ඔවුන් සියළු දෙනාම එක කණ්ඩායමක්. ඔහුගේ සැබෑ නාමය වෙන්නේ   Toshiro Yoshiaki ලෙසින්.

Shoto:

මේ තමයි ඩයිටෝගේ සහයකයා හෙවත් කණ්ඩායමේ ඉන්න ලාබාලතමයා. ඔහුත් ඊස්ටර් එග් දඩයමේ තවත් එදිරිවාදියෙක්. ඔහුගේ සැබෑ නම වෙන්නේ  Akihide Karatsu. ඒ වගේම ආකෙමිටිස්ගේ මිත්‍රයෙක්ද වෙනවා.

Nolan Sorrento:

Innovative Online Industries (IOI)හෙවත් මම අර කලින් කියපු සේවකයෝ දාල ඊස්ටර් එග් එක හොයන සමාගමේ හිමි කරුවා තමයි නෝලන් සොරෙන්ටෝ කියන්නේ. ඔහුගේ අරමුණ ඔඑසිස් එක තම පාලනයට නතු කරගෙන ඉන් උපරිම ලාබ ඉපයීමයි. ඔහුගේ සමගම යටතේ තරඟ කරන තරඟකරුවන් හට කේත නාමයක් පමණයි ලැබෙන්නේ. ඔහුට අදාළ කේත නාමය වන්නේ IOI-655321. ඒ වගේම මෙයාගේ සමාගමේ සේවය අරගෙන ණය ගෙවාගන්න බැරි වෙන අයව මෙයා අරගෙන ගිහින් ඔඑසිස් එකතුල තමුන්ගේ දේවල් කරන්න සිරකරුවන් කරගන්නවා. සිරකරුවන් රඳවා තබා ඇති ස්ථාන හඳුන්වන්නේ Loyalty Centers (පක්‍ෂපාති මධ්‍යස්තාන) විදිහටයි.

ඊට අමතරව 1960-1970 දශකයේ සමාජයේ භාවිත උන ඇඳුම් වාහන, ගේම්, කෑම බීම, සංගීතය සහ චිත්‍රපට ගැන ඔයාලට දැනගන්න වෙනවා. මොකද මේ චිත්‍රපටය පුරාවටම කියවෙන්නේ ඒ වගේ අපි අහල නැති දේවල් ගොඩක්.  විටක 1960 වර්ෂ වලTab කියල කොකා කොලා සමාගමේ නිෂ්පාදිත බීම වර්ගයක් ගැන කියවෙනවා, තව විටක ඒ කාල සීමාව තුල නිර්මාණය උන එංගලන්ත සංගීත කණ්ඩායමක් වන Duran Duran කියල සංගීත කණ්ඩයක් ගැන කියවෙනවා තව අවස්ථාවක Robotron කියල ගේම් එකක් ගැන කියවෙනවා. ඉතින් මේ දේවල් චිත්‍රපටයේ යනකොට පොඩ්ඩක් රොකට් සයන්ස් පන්තියකට ගොඩ වැදුනා වගේ දැනේවි. ඉතින් මේ ලිපිය කියවල ෆිල්ම් එක බලනවා නම් ඒවා අඳුරගන්න ලේසි පහසු වේවි.

එහෙනම් කතාව ගැන දැනගන්න මේ ටික කියෙව්වම නම් සෑහෙන්න දැනුමක් ලැබෙනවා. ඊට අමතරව මේ චිත්‍රපටය නිර්මාණ දායකත්වය ගැනත් කියන්න ඕනේ. කලින් කිව්වා වගේ මේ චිත්‍රපටය අධ්‍යක්ෂණය කරන්නේ ප්‍රවීණ සහ දක්‍ෂ අධ්‍යක්ෂ ස්ටීවන් ස්පීල්බර්ග් විසින්. ඒ වගේම රංගන දායකත්වය ලබා දෙන්නේ Tye Sheridan, Olivia Cooke, Ben Mendelsohn නළු නිලි පිරිස විසින්. දැනටIMDb අගය වාර්තා වෙන්නේ 7.8ක් ලෙසිනුයි. ඒ වගේම මෙහෙ මුළු නිෂ්පාදන පිරිවැය $175,000,000 වන විට අදදින වන විට සමස්ත ආදායම ලෙසට $573,763,601.00ක් හිමකරගෙන අවසන්. ඒ වගේම තවත් ආරංචියක් තියෙනවා බොහෝ දුරට මෙහි දෙවැන්නක් අපට දකින්න ලැබේවි නමුත් ඉතාමත් ඉක්මනින් නම් නොවේ. මොකද මේ කතාව හා සම්බන්ධ දෙවන නව කතාව දැනටත්Ernest Christy Cline විසින් ලියමින් පවතිනවා. එහෙනම් ඒ ආරංචියත් සමඟ මම සමු ගන්නම්. ඔබ සැමට ජය!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HC-HDRIP | x264 | 720p | 810MB |

9416C8F1965444C6E7573F009476DE8A5DD54F68

Direct Download

| WEB-DL | x264 | 480p | 470MB |

        

| WEB-DL | x264 | 480p | 500MB |

        

| WEB-DL | x265 | 720p | 619MB |

        

| WEB-DL | x264 | 720p | 1GB |

        

| WEB-DL | x264 | 720p | 880MB |

        

| WEB-DL | x265 | 720p | 1.1GB |

        

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

One thought on “Ready Player One (2018) | කෘතීම යතාර්ථයක සැඟවුන නිධානය….( WEB-DL Update )

  • June 29, 2018 at 8:24 pm
    Permalink

    තෑන්ක්ස් ❤️
    Cam copy නෙමේ නේද මේ

    Reply

Leave a Reply

Your email address will not be published. Required fields are marked *