Furious (2017) AKA Legenda o Kolovrate (2017) | අළුයට සැගවුන රයිසාන් නරගයේ පළිගැනීම….(18+)

චීනයෙන් රුසියාව වෙත මාර වෙන්න තමයි මේ සුදානම් නමුත් මේ පැනිල්ල රටකින් රටකට පනින පැනුමක් විතරක් නෙමෙයි කාල තරණයක්…. කොටින්ම ක්‍රි.ව. 1237 වගේ ඈත කාලයකට, සත්‍ය සිදුවීම් සහ රුසියානු ජනප්‍රවාදයේ එන මේ සටන පිලිබඳ සඳන් නොයෙකුත් කතාන්දරය ඇසුරෙන් නිර්මාණය වුන මේ සුපිරි ක්‍රියාදාම යුධමය චිත්‍රපටය, Vikings, Game of Thrones, Spartacus බලන කෙනෙකුට නම් බොහොම හිතට අල්ලන නිර්මාණයක් වේවි…. නමුත් ඒ කතා කියන්න කලින් පොඩ්ඩක් ඇත්ත අතීතය ගැන දැනගෙන ඉමු…

රයිසාන් රාජ්‍ය සලකුණ

මුලින්ම රයිසාන් රාජ්‍ය ගැන කතා කරනවා නම් ක්‍රි.ව. 1097 වන තෙක් චර්නගෝව් රාජ්‍යට අයිතිව තිබ්බ මේ ප්‍රදේශය ක්‍රි.ව. 1097 දී තමයි යරෝලාව් ස්වාසොතලාවිච් යටතේ වෙන්නම රාජ්‍යක් ලෙස තමුන්ගේ නම ඉතිහාසයට එකතු කරගන්නට කටයුතු කරන්නේ. රයිසාන් හි ආදිපාදවරයා (කුමාරයා) ලෙස නම් කෙරුණ පුද්ගලයෙකු අත බලය රැදුන මෙම දේශයේ කතාව බොහොම විට යුද්ධත් එක්ක තමයි බැදිල තියෙන්නෙ, කොටින්ම 1186 – 1208 දක්වා කාල පරාසය තුල මුල නගරයම දෙවරක් පොලොවට අළු කර දමන්නට සිදු වුන සිවිල් යුද්ධ සහ සතුරු කරදර තිබ්බ කිව්වොත් මම නිවැරදි.

අපි මේ කතා කරන කාලය වෙනකොට මොන්ගෝලියානු අධිරාජ්‍ය ලෝකය පුරාම තමුන්ගේ අණසක පතුරවමින් ලොවම ලෙයින් නහවමින් තිබ්බ කාලයක්. මොවුනේ ප්‍රබලතම පාලකයෙකු වුන බාටු ඛාන් තමයි අපේ කතාවට අදාළ මොන්ගෝලියානු අධිරාජ්‍ය වන්නෙ. ඔහු ක්‍රි.ව. 1207 සිට 1255 දක්වා කාලය තුල මොන්ගෝලියානු අධිරාජ්‍ය පාලනය කල අතර ඔහු ලොව ප්‍රසිද්ධ Golden Horde හි නිර්මාපකයා ලෙසත් ඉතිහාස පොත්වල සඳහන් වෙනවා… නමුත් ඔහුගේ කතාව ඊට වඩා තවත් බොහොම ස්වර්ණමය සලකුණු ඇතුලත් කතාවක් කොටින්ම ඔහුගේ සීයා වෙන්නේ වෙනින් කවුරුවත් නෙමෙයි ජෙන්ගිස් ඛාන් අධිරාජ්‍ය… ක්‍රි.ව. 1227 දී ඔහුගේ මරණයත් එක්ක ඔහුගේ අධිරාජ්‍ය කොටස් 6 කට කඩා ඔහුගේ පුතුන් වෙත බෙදා දෙනු ලැබුවා නමුත් ජෝචී නම් වූ ඔහුගේ වැඩිමහලු පුතණුවන් මේ රාජ්‍යන් හයේම ප්‍රධාන පාලන කේද්‍රය වෙමින් මොන්ගෝලියානු අධිරාජ්‍ය ව්‍යාප්තිය සඳහා කටයුතු සුදානම් කරන්න තමයි නියමිත වුනේ… නමුත් තම පියාගේ වියෝවෙන් මාස 6 ක් ගිය තැන ඔහුත් මරණයට පත් වෙනවා. ඔහුගේ වැඩිමහලු පුතා තමයි අපි පෙර කතා කල බාටු ඛාන්. පියාගේ මරණයත් එක්ක ඔහුට මොන්ගෝලියානු අධිරාජ්‍ය බටහිර දේශ සීමාව ආසන්න භුමිය පැවරෙනවා, අද ලෝක සිතියමෙන් කතා කලොත් ඒ රුසියාවෙන් කොටසක් සහ කසාක්ස්තානය. ඇත්තටම ඔහුගේ ඉතිහාස කතාව බොහොම දිග එකක් ඔහුගේ ජයග්‍රහණ ඔහු ලෝකයට දායාද කල දේවල් කියන්න ගියොත් වෙනම ලිපියක් ලියන්නට සිද්ධ වේවි ඒ නිසාවෙන් මම මේ ලිපිය පුරාවට තැන කිහිපයක වෙනත් පිටු වෙත යන්නට මගක් තියා යන්නම්, ඔබ උනන්දු නම් මේ ඉතිහාස කතා දැනගන්න ඔබට පුළුවන් ඒ ලින්ක් හරහා ගිහින් තවත් විස්තර දැනගන්න… දැන් අපි හැරෙමු අපේ චිත්‍රපටයේ වීරයා දිහාට…

ඉව්පටී කොලොව්රට් වෙනුවෙන් රයිසාන් නගරයේ නිර්මාණය කර ඇති පිළිරුව

ඉව්පටී කොලොව්රට් නම් වන ඔහු නැගෙනහිර ස්ලාවික් ජනප්‍රවාදයේ එන වීර චරිතයක් ඔහුගෙ වරිතය ඇත්තටම අයත් වෙන්නේ බගතීන් නම් (Bogatyr) මාධ්‍ය කාලින යුගයේ රණ ශුරයන් ගොන්නට. ක්‍රි.ව, 1200 දී රයිසාන් හිදී උපත ලැබු බවට සඳහන් මොහු ඉතිහාස ගත වෙන්නේ මොන්ගෝලියානු අධිරාජ්‍ය බාටු ඛාන් සමඟ තමුන්ගේ නගරය වන රයිසාන් විනාශ කිරීම වෙනුවෙන් කල සටන නිසාවෙන්… එම සටනේ දී ඔහු පෙන්වූ නිර්භිකතම ගැන සැබවින්ම රුසියානු ජනප්‍රවාදය තුල කවී ගී ලියවිලා තියනවා විතරක් නෙමෙයි, චිත්‍ර සහ අද කාලයේ සිනමාවත් ඔහු වෙනුවෙන් තමුන්ගේ කාලය කැප කරල තියන එකේ ලේසී පහසු කෙනෙක් වෙන්න බැහැ නෙව ඔහු…

Ivan Shurkhovetskiy අධ්‍යක්ෂණයක් වන මේ නිර්මාණය Dmitriy Paltsev, Sergey Yudakov, Evgeniy Raevskiy වගේ පිරිසක් අතින් තමයි පිටපත් රචනය වෙලා තියෙන්නේ. තිරයේ දකින මුහුණු වෙන්නේ Ilya Malakov, Polina Chernyshova, Aleksei Serebryakov, Aleksandr Ilyin Jr. සහ Yulia Khlynina වගේ පිරිසක්… 2017 වසරේ නොවැම්බර් මස 30 වැනිදා රුසියාවේ දී ප්‍රදර්ශනය ආරම්භ වුන මේ නිර්මාණය අයත් වෙන්නේ Action, History කියන කාණ්ඩ වලට… පැය 1 කුත් මිනිත්තු 43 ක් පුරා දියවන සටන් සපිරුණ, මේ ඓතිහාසික යුධ කාව්‍ය IMDB අවඩියේ 6.3 ක ප්‍රේක්ෂක ප්‍රතිචාරයක් ලබාගැනීමට සමත් වෙලා තියනවා.

කතාව වෙන්නේ මෙහෙමයි… රයිසාන් නගරය වට කරගත් මොන්ගෝලියානු අධිරාජ්‍ය එක්ක එකවර සටන් කරන්නට තමුන්ට බලයක් නැති නිසාවෙන් පාලනයේ සිටින රයිසාන් කුමරුවා තමුන්ගේ කුමරුවෙක් සහ ඔහුගේ ආරක්ෂක අංශයේ ඉහල තනතුරක් දරන කොලොව්රට් නයිට් වරයා ඇතුළු පිරිසක් යවනවා සාම සාකච්චා වෙනුවෙන්. මුලින් හොඳින් වැඩ සිද්ධ වෙන බව පෙනුනත් එක්වරම සියල්ල කණපිට හැරෙන්න ඔහුට අහිරාජ්‍ය ඉදිරියේම ප්‍රහාරයක් එල්ල වීමත් එක්කයි… කෙසේ හෝ එතනින් පැනගන්නා මේ දූත පිරිස හැකි උපරිම වේගයෙන් මහා හිම කුණාටුවක් අස්සේ තමුන්ගේ නගරය වෙත එන්නේ අනතුරු ඇගවීම හිත දාරගෙන… නමුත් ඒ එන ඔවුන්ට දකින්න ලැබෙන දර්ශනය ඔවුන් කිසිසේත් බලාපොරොත්තු නොවුවක්…

රයිසාන් නගරය මුළුමනින්ම විනාශ වී ගොසින්, එහි වැසියන් තැන තැන හිමේ ගල්වෙන මල සිරුරු බවට පත් වෙලා… ඔවුන් සතුව තවත් හමුදාවක් ඇත්තේ නැහැ ඔවුන්ට සිටින්නේ අධිරාජයා සමඟ හමුවට ගිය සෙබළුන් 20 දෙනෙක් වැනි සුළු පිරිසක් පමණයි… තමුන්ගේ නගරය, දේශය විනාශ කරන්නට වෙර දරන අධිරාජ්‍ය වෙනුවෙන් හිස නොනමන නයිට් වරයෙක් සහ ඔහුගේ පිරිවර සුදානම් වෙනවා දහස් ගණනක බට සේනාවක් එක්ක සටන් කරන්න ඒ අතිශය උපාය ශිලිව, විශිෂ්ඨ සටන් හැකියාවක් පෙන්වමින්… ඉතින් මේ වීරයන් සැබවින්ම නොනවා කරයි ද? ඔවුන්ගේ ඉරණම කොහොම වේවි ද? මේ සියල්ල ඔබට දැකගත හැකි වේවි… මේ කතාව බැලුවොත්…

කියන්නම ඕන මේ කතාව තුල තවත් කතාවක් දිව යනවා කොලොව්රට්ගේ අතීතය සම්බන්ධයෙන් මම ඒ ගැන මෙතන කිසිම දෙයක් සඳහන් කලේ නැහැ ඒ දෙයත් ඔබට දැකගැනීමට භාරයි… හොඳ කඩු සටන් ටිකක් දැකගත හැකි වේවි ඔබට මෙයින්… මේ රුසියාව නිසා කතවා දිවයන පසුබිම තනිකරම ස්ටර්ක් බල ප්‍රදේශය වන උතුරු පළාත වගේ, බොහොම හිමෙන් වැහිලා තියන බොහොම අමාරු ප්‍රදේශයක්, මේ සටන වෙනුවෙන් කොලොව්රට් ඒ භුමියේ වාසියත් ලබාගන්න හැටි ඔබට දැකගත හැකි වේවි… ඒ වගේම එක කුඩා දර්ශනයක් නිසා මෙය 18+ කියන්න සිද්ධ වෙනවා නමුත් ඒ තත්පර ගණනක් නමුත් අපි ඔළුව බේරගන්න ඕන නිසා ඔන්න ඒක 18+ ලෙස නම් කිරීමත් සිද්ධ කළා…

අවසාන වශයෙන් කියන්න තියෙන්නේ අදහසක් දක්වා යන්න, දැන් ඇත්තටම බොහොම උපසිරසකරුවන් අතිශය කලකිරීමෙන් ඉන්න කාලයක් ඉස්සර වගේ නෙමෙයි ආයෙත් අපිට ලැබෙන අදහස් එන්න එන්නම අඩුවෙලා ගිහින්… ඔබ වෙනුවෙන් පැය ගණනක් වෙහෙසිලා මේ කරන කාර්යය වෙනුවෙන් ඔබට අපි වෙනුවෙන් විනාඩියක් වෙන් කරන්නට බැරි නම් එයින් ඇත්තටම කිසිම ප්‍රයෝජනයක් නැහැ හොඳ මේ දේ අපි ඉංග්‍රීසි උපසිරසක් අරගෙන මේ බලන දෙයක් බලල ඔබට කැමති හැටියකට බලාගන්න ඉඩ දෙන එක… ඉතින් එහෙම වෙන්න දෙන්න එපා කියල ඉල්ලීමක් කරනවා, මොකද අන්තර්ජාලය තුල දැන් ඇති අනිකුත් උපසිරස ලබාදෙන වෙබ් අඩවි වෙතත් ඔබ යනවා නම් දකින්න ඇති නෙව දවසකට ඒ තුල යන උපසිරස ප්‍රමාණය, ඉතින් අපේ පිරිසත් ඒ වගේ මේ ක්‍රියාව නවතා දැම්මොත් ඉතින්… ඒ ගැන හිතන්නට ඔබට භාරයි…

කලින් වගේම මෙහිත් පිටපතක් හොයාගන්න උදව් කල ඉමේෂ් මලේ ඔබට ස්තුතියි, පූර්ව ප්‍රචාරක පාටට බලල ඉන්න කෝකටත්. එහෙනම් ආයෙත් උපසිරසක් එක්ක හමුවෙමු, එතෙක් ඔබට ජය වේවා !!!

අපේ  ෆේස්බුක් ෆැන් පෙජ් එක  දිගට රිපොට් කිරිම නිසා අපිට අහිමි වෙලා තියනවා ඉතින් මෙන්න මේ ලින්ක් එකෙන් ගිහින් අපේ ෆෑන් පෙජ් එකට ලයික් කරන්න..www.facebook.com/baiscopedownload 


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

|  WEB-DL  | x264 | 720p | 739MB |

ce250139fc127c0570bc9546fb32603f1558dfed

Direct Download 

|  WEB-DL  | x264 | 240p | 89MB |

        

|  WEB-DL  | x264 | 360p | 170MB |

        

|  WEB-DL  | x264 | 480p | 310MB |

        

|  WEB-DL  | x264 | 720p | 739MB |

        

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

11 thoughts on “Furious (2017) AKA Legenda o Kolovrate (2017) | අළුයට සැගවුන රයිසාන් නරගයේ පළිගැනීම….(18+)

  • June 15, 2018 at 2:05 pm
    Permalink

    දරන කැපවීම අගය කරමි.
    ගොඩක් ස්තූතියි

    Reply
  • June 16, 2018 at 10:47 am
    Permalink

    මහන්සි වෙලා මේ කරන සේවයට මාගේ හද පිරි ස්තුතිය !

    Reply
    • September 4, 2018 at 1:28 pm
      Permalink

      Please pluwnnm… sub file eka. [email protected] 1t mail krnwd loku udawwk… subtitles hoyagnna bari una mt me site eke oya laga thiyenwnm mt me film eke subtitles oya email ekt ewnwda….

      Reply
  • June 18, 2018 at 6:49 am
    Permalink

    නියමයි බන්. ෆට්ට..තෑන්ක්ස් බන්.

    Reply

Leave a Reply

Your email address will not be published. Required fields are marked *

error: Alert: Content is protected !!