Explosion (2017) AKA Yin bao zhe (2017) | ගල් අඟුරු පතලේ කුමන්ත්‍රණය….

තවත් චීන ක්‍රියාදාම චිත්‍රපටයක් ඔබ වෙත ගෙන එන්න තමයි මේ සුදානම. නමුත් මෙතෙක් මම අරගෙන ආව චීන ක්‍රියාදාම චිත්‍රපට දෙක වගේ නෙමෙයි මේක ටිකක් පුද්ගලික කතාවක්. තනි පුද්ගලයෙක් බලවතුන් හමුවේ අසරණ වෙන හැටි, ඒ පීඩනය නිසාවෙන්ම ඔහු දන්නා දෙයින් පළිගන්න එහෙමත් නැත්නම් තමුන්ගේ සහ තමුන් ආදරය කරන කෙනාගේ ජීවිතය බේරා ගන්න දරන වෑයමක් ගැන කියවෙන කතාවක් මේක…

පැය 1 යි විනාඩි 46 ක් පුරා දිවයන, Action, Thriller කාණ්ඩයන් නියෝජනය කරන මේ නිර්මාණය ලබාගෙන ඇති IMDB අගය වෙන්නේ 5.6 ක්. Zheng Chang ගේ අධ්‍යක්ෂණයක් වන මෙය ඔහුගේ සහ Meng Li ගේ පිටපතක් ඇසුරෙන් නිමවූවක්. Yihong Duan (Extraordinary Mission (2017)), Nan Yu (The Expendables 2 (2012), Wolf Warrior 2 (2017)), Jingchun Wang සහ Taishen Cheng, Chong Chen වගේ පිරිසක් තමයි මෙහි චරිත නිරුපනය සඳහා එක්කාසු වෙන්නේ.

ෂැවාඕ සුඩොන් නම් වන අපේ කතා නායකයා ගල් අඟුරු පතලක පිපිරුම් කාර්මිකයෙක්. ඔහුගේ ප්‍රධාන කාර්ය වෙන්නෙ පතල තුල පාලනය කරන ලද පිපිරීම් ඇති කිරීම. ඔහු මේ වැඩේට බොහොම දක්ෂකයෙක් කොටින්ම දෙවැනි පරපුරේ කාර්මික ශිල්පියෙක් කිව්වොත් මම නිවැරදි. කොහොම නමුත් එක අවාසනාවන්ත දවසක මෙහෙම සුදානම් කල පිපිරීමක් එක්ක ඔහුගේ ජීවිතය සහ අනාගතය කියන දෙකම පුපුරා යන්නේ නිමේෂයකින්… සිහිය ලබන ඔහුට දැනගන්නට ලැබෙන්නේ පිපිරීම හිතූ ලෙස පාලනය නොවුන බවත් ඒ නිසාවෙන් පතල තුල සිටි ඔහුගේ මිතුරන් සිව්දෙනෙක් මැරුතුරුලට ගිය බවත්… බොහොම වික්ෂිප්ත වුන සුඩොන් පියවි ලෝකයට එන මොහොත වෙනකොට පතලේ හිමිකරු ඔහු එක්ක බොහොම තරහෙන්… සුඩොන්ට විධාන ලැබෙනවා පොලිසිය වෙත නොයන ලෙස… මෙහෙම ගෙදර එන සුඩොන්ට මේ පිපිරීම බොහොම ප්‍රශ්නයක් වසර 20 ක් තුල ඔහුට කිසිදා වැරදී නැහැ ඉතින් වැරැද්ද බාර ගන්න සූදානම් නැති ඔහු මේ ගැන හොයාබලන්න ගැනීමත් එක්ක තමයි කරදර තවත් වැඩි වෙන්නේ….

පතලේ හිමිකරු මැරවරයෙක් මෙතන ඇත්තම කතාව වෙන්නේ ඔහුගෙන් පතල ලබා ගැනීමට තවත් පතල් හිමිකරුවෙක් සිදුකල කූට ක්‍රියාවක් නිසාවෙන් තමයි ඉහත සඳහන් වුන පිපිරිම සිද්ධ වෙන්නේ, නමුත් මේ හොයා ගැනීම් කිසිවක් සුඩොන්ට සහනයක් නම් වෙන්නේ නැහැ ඒ මේ සියලුම වැරදි ඔහු පිට පැටවෙන බවෙන්… ඉතින් පොලිසිය ඔහු පස්සේ එනවා විතරක් නෙමෙයි මැරවරයන් ඔහුගේ ජීවිතය අවසාන කරන්නට ඔහුව හොයනවා… ඔහුගේ පෙම්වතිය පවා අනතුරේ… ඉතින් මේ සියල්ලෙන්ම බේරෙන්න, තමුට යුක්තිය ඉටුකර ගන්න සුඩොන් නම් පිපිරුම් තාක්ෂණ ශිල්පියා වෙර දරන හැටි තමයි ඔබට මේ සිනමා පටය නැරඹුවොත් දැකගන්නට හැකි වෙන්නේ…

විශේෂයෙන්ම මතක් කරන්න ඕන මෙහි පිටපතක් මට සොයා දෙන්නට වෙහෙසුන ඉමේෂ මලයවත්, ඉතින් ඔබට ස්තුතියි මලේ. එහෙනම් ආයෙත් උපසිරසක් එක්ක හමුවෙමු. එතෙක් ඔබට ජය වේවා !!!

Torrents Download

| WEB-DL | x264 | 720p | 800MB |

DD6ECDEEE248F956E568005C83DDA25537211502

Direct Download 

| WEB-DL | x264 | 720p | 800MB |

   

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *