The Client (2011) | මිනියක් නැති ඝාතණයක්

තම විවාහ සංවත්සරය දින හන් චොල් මින් (Jang Hyuk) ඔහුගේ වාහනයත් පදවාගෙන තම නිවාස සංකීර්ණය වෙතට යනවිට, ඔහුට දකින්නට ලැබෙන්නේ තම නිවාසය පිහිටි ගොඩනැගිල්ල ආවට පොලිසිය සහ සෙනග පිරුණු බවක්. ඔහු තම බිරිඳ වෙනුවෙන් ගත් මල් පොකුරත් රැගෙන නිවසා තුලට යනවිට,සාක්ෂි සොයන සහ පරීක්ෂණ පවත්වන පොලිස් නිලදාරීන් හැරුණුකොට තම බිරිඳව දකින්නට ලැබෙන්නෙ නැහැ.ඒ වගේම ඔහුගෙ නිදන කාමරේ පොලොව, ඇදෙන් බිමට වැටෙන ලේ දහරාවෙන් පිරී තිබෙනු දකින ඔහු අන්දමන්ද වී යනවා.මේ අවස්ථාවේ ඔහු වෙතට පැමිණෙන පොලිස් නිලදාරීන් හන් චොල් මින් හට මාංචු දමා අත් අඩංගුවට ගන්නෙ තම බිරිඳගෙ ඝාතකයා ඔහු බවට පවසමින්.හන් චොල් මින් ඒ ආකාරයෙන් ලෝකයාට තම බිරිඳ ඝාතණය කල ඝාතකයා වෙනවා. මෙම ඝාතන සිද්දිය වෙනුවෙන් ඔහුට විරුද්ධව චෝදනා ගොනු කොට අභිචෝදන කටයුතු කරන්නෙ අන් මින්-හෝ (Park Hee-soon) නීතීඤ්ඤවරයා විසින්.

ඔහුට මෙම හන් චොල් මින්ගේ වැරදිකාරත්වය ගැන සැකයක් තිබුණා. ඒ මීට කලකට පෙර සිද්ද වුණු ඝාතන සිද්දියකට මොහු ප්‍රධාන සැකකරු වී සිටි නිසාවෙන්.ඒ තමයි පාසල් දැරියක්ව දුෂණයට ලක්කොට හිස පොලවේ ගසා මරා දමා තිබුණු ඝාතනයක්. නමුත් මෙහිදී හන් චොල් මින්ට විරුද්ධව කිසිදු සාක්ෂියක් නැති නිසා ඔහු නිදහස් වී ගියා. ජන් හෝ-වොන් (Sung Dong-il) යන විමර්ශකයා, හන් චොල් මින් වෙනුවෙන් පෙනී සිටින්න හන් චොල් මින් වැටිල ඉන්න වලෙන් ගොඩගන්න මේ නඩුව කන්ග් සන්ග්-හී (Ha Jung-woo) නීතීඤ්ඤවරයා ලඟට රැගෙන යනවා.ඔහු මෙම නීතීඤ්ඤයාට වුණු සියල්ලම පැහැදිලි කරනවා.පොලිසිය තම බිරිඳ ඝාතනයනට හන් චොල් මින්ව අත් අඩංගුවට ගත් නමුත් එහිදී ඇගේ මල සිරුර හමුවී නැති බවත්,මොහුට විරුද්ධව කිසිම සාක්ෂියක් නැති බවත් ඔහුව අත් අඩංගුවට අරගෙන තියෙන්නෙ පොලිසියෙ මතයට බවත් කන්ග් නීතීඤ්ඤවරයාට පැහැදිලි වෙනවා. මෙම කන්ග් නීතීඤ්ඤවරයා මොහුව බේරගන්න මෙම නඩුව භාර අරගෙන විමර්ශනය කරන්න පටන් ගන්නවා. එතකොට මෙයාට දැනගන්න ලැබෙනවා මේ හන් චොල් මින්ගෙ ඇගිලි සලකුණු නැති බව.ඒ වගේම පොලිසිය විසින් මේ අපරාදය වුණු තැන තිබුණු CCTV කැමරා හංගගෙන තියාගෙන ඉන්න බවත් මොහු දැනගන්නවා. ඒ වගේම මේ නඩුව තව දුරටත් විමර්ශනය කරගෙන යනකොට ඒක තවත් සංකීර්ණ වෙන්නෙ හන් චොල් මින්ගෙ බිරිඳ ගත කරපු අභිරහස් ජීවිතය ගැන හෙළි වෙනකොට.

2011.09.09 තිරගත වුණු Thriller/Mystery ගණයට අයත් වෙන මෙම චිත්‍රපටියට IMDb 6.9 ක අගයක් ලැබිල තියෙනවා. සාරාංශයට මම කිව්වත් වගේම මේ කතාව අර අන්තිමට ”මේ මොකක්ද මේ වුණේ?” කියල හිතෙන වර්ගෙ චිත්‍රපටියක්. අනිවාර්යෙන්ම දෙපාරක් බලන්න හිතෙන චිත්‍රපටියක් කියන්න පුළුවන්. කොරියානු චිත්‍රපටි රස විඳින අයටනම් මේක රත්තරන් වටින චිත්‍රපටියක්. මමත් කාලයක් තිස්සෙ මේක හොය හොය ඉඳල අන්තිමටම බ්ලූරේ කොපියක් ආවා. ආපු ගමන්ම තමයි බලල උපසිරැසිය කලේ.එහෙනම් අදට ගිහින් එන්නම්. පරණයි කියල නොබල ඉන්න එපා.

බුදුසරණයි!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

|  Bluray  | x264 | 720p| 4.6GB |

c2f70d1d3893d7e6d7c32c760074c1f7f6107014

Direct Download 

| Bluray | x264 | 480p | 460MB |

        

| Bluray | x264 | 720p | 1GB |

        

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Content is protected !!