Shock Wave (2017) AKA Chai dan zhuan jia (2017) | උමං පාලමේ ගලවා ගැනීමේ මෙහෙයුම …

සිනමාව හැම දවසකම වෙනස් වෙන දෙයක්. එහෙම නොවෙන්න ඒ සිනමාවට පැවැත්මක් නැති බව ලෝක ධර්මයට අනුව අපි හැමෝම දන්නා දෙයක්, ඕක සිනමාවට නෙමෙයි ලෝකේ සියල්ලටම පොදු නීතියක්. 50 සහ 60 දශකයන් තුල ප්‍රසිද්ධ සිනමාව දික්විජය කරන්නට සමත් වුන සිනමා නිර්මාණ ගොන්නක් ඇමරිකාවෙන් බිහිවුණා ඒ “බටහිර” චිත්‍රපට කාණ්ඩය නියෝජනය කරමින්, අමතක කල යුතු නැහැ මේ කාලය පුරාවට ජපානයත් සමුරායි නිර්මාණ එක්ක ඔවුන්ගේ සලකුණ තිබ්බ විත්තිය. ඔහොම කාලයත් එක්ක ඒ නිර්මාණ අභාවයට යනකොට ප්‍රසිද්ධ සිනමාව තුල සුපිරි මිනිසුන් බිහිවෙන්න පටන් ගත්ත, ඒ කිසිවකට නොදෙවෙනි ක්‍රියාදාම රජවරුන් පිරිසක් හොලිවුඩ් සිනමාව තුල බිහිකරමින්. නමුත් අද හොලිවුඩ් ක්‍රියදම චිත්‍රපටයක් ඉන් එහාට ඇවිදින්. නමුත් තවමත් චීනය තුල අපිට එවැනි වීරයන් ගැවසෙන විශිෂ්ඨ නිර්මාණ දැකගන්නට පුළුවන්. ඔවුන් මුල්‍යමය අතින් පවා සාර්ථක වෙනකොට ඉතින් වරදක් කියන්න බැහැ නෙව ඉතින් මේ ඒ වගේ චීනයෙන් ආව සුපිරි ක්‍රියාදාම චිත්‍රපටයක්.

JS චුං නම් වන අපේ කතාවේ වීරයා චීන පොලිස් බෝම්බ නිෂ්ක්‍රිය අංශයෙ ප්‍රධාන බෝම්බ නිෂ්ක්‍රීය කරන්න ලෙස තමයි රාජකාරි කටයුතු කරන්නෙ. නමුත් ඉතින් ඔහුගේ කතාව අද කතාවට සම්බන්ධ වෙන්න නම් අතීතය දැනගෙන ඉන්න සිද්ධ වෙනවා. මින් පෙර මෙහෙයුමක් වෙනුවෙන් ඔහු රහසේම බෝම්බ පිලිබඳ විශේෂඥ දැනුමක් ඇති අපරාධකරුවෙක් එක්ක එක්ව වැඩ කරගෙන යනවා, නමුත් ඒ කල්ලියට මොහුගෙ පොලිස් සම්බන්ධය ගැන කිසිම අදහසක් නැහැ… කොහොම නමුත් මොවුන්ගෙ විශිෂ්ඨ මංකොල්ලයක් අවසාන වෙන තැන චුං තමුන්ගෙ ඇත්ත හෙළි කරමින් මේ කල්ලියෙ දෙදෙනෙක් අත්අඩංගුවට ගැනීමට සමත් වෙනවා.. මේ එක් අයෙක් කල්ලියෙ ප්‍රධානියා වූ පැන්ග් හොංගෙ බාල සහෝදරයා…

ඉතින් එතනින් අවසාන වෙන අතීත කතාව පළිගැනීමේ කතාවක් ලෙස නැවත කරලියට එන්නෙ චුං හට ඔහුගෙ සේවය අලලා පදක්කමක් පිරිනැමූ උත්සවය අවසාන වී තමුන්ගෙ රථයට නැග්ග ඔහුගෙ කලින් ප්‍රධානියෙක් වුන සගයෙක් කාර් රථය පිපිරී යාමත් එක්ක මිය යාම නිසාවෙන්… මේ සටන නගරයේ බෝම්බ කිහිපයක් ලෙස තවත් වර්ධනය වෙනවා… නමුත් මේකෙ උච්චාතම අවස්ථාව වෙන්නෙ, පැන්ග් හොං සහ ඔහුගෙ කල්ලිය හොංකොං වෙත ඇතුල් වීමට ඇති උමං පාලම තුනෙන් එකක් අවහිර කිරීමෙන්… මේක නිකම්ම අවහිර කිරීමක් නෙමෙයි ප්‍රාණ ඇපකරුවන් රදවා ගැනීමක්… පැන්ග් හොං කතා කිරීමට සුදානම් චුං සමඟ විතරයි… ඔහුගෙ ඉල්ලීම් ඉටු නොවුවහොත් ප්‍රාණ ඇපකරුවන් සමඟම කිලෝග්‍රෑම් 1 000 ක C4 වර්ගයේ පුපුරන ද්‍රව්‍ය පාලමත් විනාශ කරමින් පුපුරා යාවි…

ඉතින් අපේ වීරයාට මේ ප්‍රාණ ඇපකරුවන් මුදවා ගන්න හැකි වේවි ද? ඔවුන්ගේ ඉල්ලීම් මොනවා ද? පැන්ග් හොංගෙ යටි අරමුණ මොකද්ද ? ආ ඔව් මේකෙ ලොකු මුදල් හා සම්බන්ධ යටි අරමුණක් නිසාවෙන් කෙරෙන වැඩක්, හුදෙක්ම චුංගෙන පලිගැනීමක් නෙමෙයි… ඉතින් මේ සියල්ල අතරේ කවුරුන් අවසානයේ මරුතුරුලට යයි ද? කියන ප්‍රශ්න සඳහා උත්තර ලබාගන්න නම් ඔබට මේ සලරුව බලන්නම සිද්ධ වෙනවා…

ඉතින් පැය 1 කුත් මිනිත්තු 59 ක් පුරා දිවයන මේ විශිෂ්ඨ Action, Thriller කාණ්ඩයන් නියෝජනය කරන සිනමා නිර්මාණය Herman Yau ගේ අධ්‍යක්ෂණයක්. තිරයේ දකින මුහුණ වෙන්නෙ Andy Lau, Wu Jiang, Jia Song සහ Ron Ng වගේ පිරිසක්… IMDB මීටරයේ 6.3 ක අගයක් දිනාගත්ත මෙය රෝටන් ටෝමාටෝ මීටරයේ 83 % වගේ අගයක් ලබාගන්නත් සමත්ව තියනවා. ඉතින් මේ චිත්‍රපටය ගැන අවසාන වශයෙන් මෙහෙම කියන්නම්, ඔබ හොයන්නෙ වාහන පසුපස හඹායන, සතුරන් සමඟ හරි හරියට ගැටෙන, බෝම්බවලින් නිර්මාණ ශිලිව වැඩක් ගණන මංකොල්ලකරුවන් සිටින, අවසාන මොහොත දක්වාම ත්‍රාසය සපිරි ක්‍රියාදාම චිත්‍රපටයක් නම් මෙය ඔබට බොහොම ගැලපේවි…

ඉතින් එහෙනම් තවත් උපසිරසක් එක්ක හමුවෙමු එතෙක් ඔබට ජය වේවා !!!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| Bluray | x264 | 720p | 870MB | YIFY |

5D7F8E92E2AB5D16E0AC21E6C211B9C0FCF83861

Direct Download

| Bluray | x264 | 480p | 414MB |

        

| Bluray | x264 | 720p | 899MB |

        

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

One thought on “Shock Wave (2017) AKA Chai dan zhuan jia (2017) | උමං පාලමේ ගලවා ගැනීමේ මෙහෙයුම …

Leave a Reply

Your email address will not be published. Required fields are marked *

error: Alert: Content is protected !!