Vimaanam (2017) | අහස් යාත්‍රාවේ සිහිනය

“මේක මම නින්දෙදි දැකපු හීනයක් නම් මට ඒක අමතක කරලා දාන්න තිබුනා අම්මේ!
ඒත් මේක මට නිදාගන්න දෙන්නේ නැති හීනයක්!”

වෙන්කිඩි කියන්නේ උපතින්ම ශ්‍රවණාබාධිත දරුවෙක්.මෙයාගේ මේ කන් ඇසීමේ මඳබව නිසාම මෙයා පොඩිකාලේ ඉඳලම තමන්ගේ ඉස්කෝලේ යාළුවන්ගේ සමච්චලයට ලක්වෙනවා. මේ සමච්චලයන් අතරෙත් වෙන්කිඩි පන්තියේ දක්ෂම සිසුවෙක් විදියට තමන්ගේ ඉගෙනීම් වැඩ කරගෙන යනවා. ඔය අතරේ මෙයාගේ ඉස්කෝලෙට එනවා ගුවන්යානා ගැන එක එක විනෝදකාමී වැඩමුළු පවත්වන කෙනෙක්.මේ වැඩසටහනෙන් පස්සේ වෙන්කිඩිගේ හිතේ ගුවන්යානා ගැන තිබුණු ලොකු ආසාවක් ඉස්මතුවෙලා එනවා. මේ ආසාව කොයි තරම් දුර දිග ගියාද කියනවනම් මෙයාට ඕනේ වෙනවා තමන්ම හදන ගුවන්යානයක නැගලා කවදාහරි දවසක අහසේ පියාඹන්න. කොහොම වුනත් වෙන්කිඩි ට දිගටම ඉස්කෝලේ යන්න වෙන්නේ නම් නෑ .ඒකට හේතුව තමයි තමන් බීරෙක් කියලා වෙන්කිඩිගේ යාළුවෝ එයාට සමච්චල් කරන එක එයාට උහුලගන්න බැරි තැනකටම එන එක.ඉතින් වෙන්කිඩි තීරණය කරනවා තමන් ආයේ ඉස්කෝලේ යන්නේ නෑ කියලා. කොහොමවුනත් මෙයා මෙයාගේ හීනය නම් අත අරින්නේ නෑ. මේ දේවල් එක්කම වෙන්කිඩි ට හොඳ යාළුවෙකුත් ඉන්නවා. ඒ තමයි ජානකී. ඉස්කෝලේ යාළුවෝ වෙන්කිඩිගේ ආබාධයට,එයාගේ හීනයට සමච්චල් කරන වෙලාවට ජානකී තමයි පැත්තකින් ඉඳන් වෙන්කිඩි වෙනුවෙන් පෙනී ඉන්නේ. ඔය වගේ දේවලුත් එක්ක තමයි කතාව යන්නේ. ඉතින් වෙන්කිඩි එයාගේ හීනේ සැබෑ කරගනියි ද? ඒක ඔයාලම හොයාගන්නකෝ!

Vimaanam (2017)

ඔන්න මාස ගානකින් පස්සේ ආපහු බයිස්කෝප් අඩවිය පැත්තට ඇවිත් යන්න අවස්ථාව උදාවුනා. ඒකත් මලයාලම් චිත්‍රපටියකින්. මේ ෆිලුම නිකුත්වෙන්නේ පසුගිය වසරේ දෙසැම්බර් 22 වෙනිදා. මේක Drama ගණයට අයත්වෙන ෆිලුමක්.ප්‍රධාන රංගනයෙන්(තරුණ සහ මහළු වෙන්කිඩි විදියට) Prithviraj දායක වෙනවා.ඒ වගේම අපිට නිතර දකින්න ලැබෙන බාල,තරුණ, වැඩිහිටි මලයාලම් නළු නිලියෝ කිහිපදෙනෙක්ම ෆිලුමට රංගනයෙන් දායකවෙලා තියෙනවා. කිව්ව විදියටම මේක Drama ගණයට අයිති ෆිලුමක් නිසා බොහොම හෙමින් තමයි ගලාගෙන යන්නේ. ඉතින් ඒක නිසා ඒ විදියේ ෆිලුමක් බලන්න කැමති අය මේක බලන්න තෝරගන්නවනම් තමයි වඩාත් හොඳ.කොහොම වුනත් හැම මලයාලම් ෆිලුමක්ම නොවැරදීම බලන එහෙමත් නැත්නම් නිවින්,දුල්කර්, ප්‍රිත්වි ඉන්න ඕනෙම ෆිලුමක් බලන කෙනෙකුට නම් අමුතුවෙන් මේක බලන්න කියන්න ඕනේ නෑනේ. මමත් මේ කියපු දෙවෙනි ගොඩේ ඉන්න නිසාම තමයි මේ ෆිලුමේ උපසිරැසිය කරන්න ඕනේ කියලත් තෝරගත්තේ. ඒ වගේම කියන්න ඕනේ මේකේ මුල් උපසිරැසියේ ගොඩක් තැන්වල මලයාලම් දෙබස්වල තේරුම සටහන් වෙලා තිබුනේ නෑ. ඒ අඩුපාඩුව මඟ අරවන්න පුළුවන් තරම් උත්සාහ කලා. කොහොමවුනත් කතාවේ රසවින්දනයට නම් ඒක බලපෑමක් වෙන්නේ නෑ කියලා බය නැතුව කියන්න පුළුවන්.

ගිය අවුරුද්ද පුරාම මෑත අවුරුදුවල නිකුත්වුනු හොඳ මලයාලම් ෆිලුම් හොය හොය ඒවට උපසිරැසි අරගෙන එන්න අපිට පුළුවන් වුනා.කොහොම නමුත් ඉගෙනීම් වැඩ නිසා පහුගිය දවස්වල උපසිරැසිකරන වැඩ වලින් තාවකාලිකව ඉවත්වෙන්න සිද්දවුනා. ඒ දවස්වල ගොඩක් අය අහලා තිබුනා දැන් මලයාලම් උපසිරැසි දෙන්නේ නැද්ද වැඩේ අත ඇරලද කියලා. මේ වැඩේ නම් එහෙම ලේසියෙන් අත ඇරෙන්නේ නෑ. අත අරින්න ඕනේ වුනත් දැන්නම් අත අරින්න අමාරුයි!! විවිධ හේතු නිසා වැඩේ තාවකාලිකව නැවැත්තුවත් ඉඩක් ලැබුණු ගමන් මේ පැත්තට අනිවාර්යෙන් එනවා. ඒ වගේම ඉස්සරහටත් මලයාලම් රසිකයින් වෙනුවෙන් සයිට් එකේ උපසිරැසි පලවේවි. හොඳ ෆිලුමක් ආව ගමන්ම අපේ කවුරුමහරි උපසිරැසිකරුවෙක් ඒ උපසිරැසිය අරගෙන ඒවි.ඒක නිසා හැමෝටම බයිස්කෝප් අපිත් එක්ක දිගටම රැඳිලා ඉන්න කියලා මතක් කරනවා!

ඒ වගේම පහුගිය දවස්වල භාරගත්ත උපසිරැසිත් කරන්න බැරුව හිටියාම ඒ සමහර ඒවා භාර අරන් කරපු සිසිල සහෝ(අයියාට), තරිඳු රුක්ෂාන් අයියටත් මේ වෙලාවේ විශේෂයෙන්ම ස්තුතිවන්ත වෙනවා.

තවත් ෆිලුමකින් ආයෙත් හමුවෙමු,
එතෙක් ඔබට ජය!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| DVDRIP | x264 | ESub | 700MB |

A3D64E6F731D6D81DFCC2688877F847ADFF8BDAF

Direct Download

| DVDRIP | x264 | SD | 400MB | 

         

| DVDRIP | x264 | ESub | 700MB | 

         

| DVDRIP | x264 | 720p | 1.4GB | 

         

 

  අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!