Suicide Squad: Hell to Pay (2018) | සුපිරිම දුෂ්ටයින්ගේ කල්ලිය අභිරහස් වස්තුවක් සොයා…

 

Batman: Gotham by Gaslight (2018) චිත්‍රපටයට පස්සේ ඔන්න එහෙනම් මේ අවුරුද්දේ නිකුත්වුන DC කොමික් පදනම් කරගෙන නිර්මාණය වුණු දෙවැනි චිත්‍රපටය එක්කයි අද මේ හමුවෙන්නෙ.ඊයේ දිනයේ (27 වැනිදා) තමයි පිටපත් නිකුත් වෙලා තිබුණේ. මේ ගැන දැනුවත් කරලා චිත්‍රපටය බාර දුන්නට සමීර අයියටයි, හසන්ත අයියටයි හුගක් ස්තුතිවන්ත වෙනවා.

Suicide Squad කියන්නේ මොකක්ද කියලා මේ වෙද්දීත් කට්ටිය දන්නවා ඇතිනෙ. Batman: Assault on Arkham (2014) ඇනිමේෂන් චිත්‍රපටයෙන් වගේම DCEU හි තුන්වැන්න හැටියට Suicide Squad (2016) චිත්‍රපටයෙන් දකින්න ඇති Suicide Squad කියන්නේ මොන වගේ කණ්ඩායමකින් යුත් අයද කියලා. ඔය කතා දෙකෙන් එකකට සම්බන්ධ නැතුවයි මෙදාපාර මේ නිකුත් වුන චිත්‍රපටය නිර්මාණය වෙලා තියෙන්නේ. ඇමැන්ඩා වෝලර් ටාස්ක් ෆෝස් එක්ස් නිර්මාණය කරන්නේ ඩෙෙඩ්ෂොට්, කිලර් ෆ්‍රෝස්ට්, කැප්ටන් බූමර් රෑන්ග්, ගන් මෑන්, ස්නේක් අයි වගේම හාර්ලි කුවින්ව පාවිච්චි කරලා. වෝලර්ට ඕන වෙනවා නැතිවුණු කළු පාට කාඩ් එකක් අරගන්න. මේක හුගක් බලගතු කාඩ් එකක්. ඉතින් මේක තියෙන තැනින් හොයාගෙන අරන් එන්නයි තියෙන්නේ. හැබැයි මෙදා පොටේ වැඩේ ලේසි වෙන්නේ නැහැ. මොකද ඔය කියන කාඩ් එක අරගන්න වැන්ඩල් සැවේජ් වගේම ප්‍රොෆෙසර් සූම් එනවා. සූම්? ඒත් කොහොමද? මම කිව්වනේ වෙනින් කිසිම Suicide Squad චිත්‍රපටයකට මේක සම්බන්ධ නැහැ කියලා. හැබැයි එකක් සම්බන්ධ වෙනවා Justice League: The Flashpoint Paradox (2013) කියන චිත්‍රපටය. ඒකෙ අපිට පෙන්නනවානෙ අනික් ටයිම්ලයින් එකක බැට්මෑන් වෙලා උන්නු තෝමස් වේන් සූම්ට වෙඩිතියනවා. හැබැයි එතැනදී අපිට පෙන්නුවේ නැහැ සූම්ට මොකො උනේ කියලා. මිනිහා සැහෙන්න දුර්වල වෙලා ඉන්නෙ. එයාට කොහොම හරි දැන් ඕන අර කාඩ් එක අරගන්න. එතනින් එහාට කතාවේ මොකක්ද වෙන්නේ කියලා කියන්න යන්නේ නැහැ. හැබැයි Justice League: The Flashpoint Paradox (2013) චිත්‍රපටය නොබලපු අය ඉන්නවනම් ඒකත් බලලා හිටියා නම් හොදයි.

මෙදාපාර මේ අරගෙන ආව චිත්‍රපටයත් වෝනර් බ්‍රදර්ස්ලගේ චිත්‍රපටයක්. සුපුරුදු පරිදි මේ චිත්‍රපටයෙ අධ්‍යක්ෂණය වෙන්නේ සුපිරිම කෙනෙක්ගේ අතින්. The Batman vs. Dracula (2005), Superman/Batman: Public Enemies (2009), Justice League: Crisis on Two Earths (2010), Batman: Year One (2011), All-Star Superman (2011), Justice League: Gods and Monsters (2015), Justice League vs. Teen Titans (2016), Batman: The Killing Joke (2016), Teen Titans: The Judas Contract (2017) වගේම Batman and Harley Quinn (2017) වගේ DC ඇනිමේෂන් විශ්වයේ සුපිරිම චිත්‍රපට 10 ක්ම අධ්‍යක්ෂණය කරපු වගේම මාවල් විශ්වයේ Hulk Vs (2009), Planet Hulk (2010) වගේම Thor: Tales of Asgard (2011) වගේ තවත් මාවලස් ඇනිමේෂන් චිත්‍රපටි තුනක් නිර්මාණය කරපු චීන-ඇමරිකානු ඇනිමේෂන් චිත්‍රපට අධ්‍යක්ෂණය කල, දෘෂ්‍යකරණ කලාකරුවෙක් වගේම චරිත නිර්මාතෘ කෙනෙක් හැටියට Marvel Entertainment හා Warner Bros. Animation.තුලත් දැනට සේවය කරන “Sam Liu” තමයි මේ ඇනිමේෂන් චිත්‍රපටයත් නිර්මාණය කරලා තියෙන්නේ. ඒවගේම තිරපිටපත්වල වැඩේ ප්‍රධාන විදිහටම සිදු කරලා තියෙන්නේ මේ වෙද්දී ඇනිමේෂන් චිත්‍රපට සෑහෙන ගණනකට නිර්මාණය සදහා දායක වුණු Alan Burnett තමයි සිදු කරලා තියෙන්නේ. මිට අමතරව තවත් දොළොස් දෙනෙකු චරිත නිර්මාණයේ ඉදලම දායක වෙලා තියෙනවා. නිකුත්වෙන දිනය හැටියට නම් කරලා තියෙන්නේ 2018 මාර්තු 27’වැනිදා හැටියට. ඉතින් එදාම හවස් වෙද්දී පිටපත් නිකුත් වෙලා තිබුණා. සුපුරුදු පරිදි මේ කතාවත් Animation, Action කියන කැටගරි වලට තමයි අයත් වෙන්නේ. චිත්‍රපටයේ ධාවන කාලය හැටියට පැයකුත් විනාඩි විසි හයකුත් පුරාවටම දිවෙන චිත්‍රපටය මේ වෙද්දී IMDb දර්ශකය තුල 7.5/10 ක අගයක් ලබාගෙන තියෙනවා.

එහෙනම් ඉතින් මං ගිහින් එන්නම්. හැමෝටම ජයෙන් ජය!

 


හෑෂ් (hash) එක google හි සෙවුමක් කරන්න. එවිට ලැබෙන ඕනෑම  ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEB-DL | x264 | 720p | 650MB | 

F929C8E0607FE5321386AE81704E50B9FE826077

Direct Download

| WEB-DL | x264 | 480p | 279MB |

  

| WEB-DL | x264 | 720p | 650MB |

  

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

One thought on “Suicide Squad: Hell to Pay (2018) | සුපිරිම දුෂ්ටයින්ගේ කල්ලිය අභිරහස් වස්තුවක් සොයා…

Leave a Reply

Your email address will not be published. Required fields are marked *

error: Alert: Content is protected !!