Ask Laftan Anlamaz [S01 : E07] | දිදෙම්ගෙ දරුව කාගෙද..

කොහොමද යාළුවනේ.. සතියක විරාමයකින් පස්සෙ ආයෙත් ආව ඔයාලව හමුවෙන්න හයාත් මුරාත් ආදර කතාවෙ හත්වන කොටසත් අරගෙන. අපි කෙලින්ම යමු පහුගිය කොටසෙ මොකද වුනේ කියල බලන්න..

මුරාත්ගෙයි සෙන්ක්ගෙයි වලියෙන් පස්සෙ ඒකට බෙහෙත් ගන්න එන මුරාත්ව හයාත්ට මුන ගැහෙනව. එතනදි අපිට ආයෙත් හයාත්ගෙයි මුරාත්ගෙයි ආදර කතාව දළු දානව බලන්න පුළුවන්. හැබැයි ඒකටත් වැඩි ආයුෂ නෑ කියල සනාථ කරමින් පොලිසිය රෝහලට කඩා වැදිල අපේ වීරයො ටිකත් අරගෙන පොලිසියට යනව.. ඉපෙක් මේ දිහා සතුටෙන් බලාගෙන ඉද්දි හයාත් දුක් මුසු විදිහට බලාගෙන ඉන්නව කට්ටියට මතක ඇතිනෙ.. අසාධාරණය ඉදිරියේ හයාත් තීරණය කරනව ඉපෙක්වත් පොලීසියට කැටුව ගිහින් මුරාත්ව පොලීසියෙන් බේරගෙන වීරවරියක් වගේ පොලීසියෙන් එළියට එන්න.. මෙහෙම හිතාගෙනෙ පොලීසියට යන හයාත්ට පොලීසියේදි සෙන්ක්ව මුනගැහෙනව. මල පනින හයාත් පොලිසිය මැදිහත් වුනේ නැත්නම් තව ටිකෙන් සෙන්ක්ගෙ දත් දෙකකුත් බඩට බස්සලයි පස්ස බලන්නෙ. හයාත් සහ සෙන්ක් අතර වන මේ කලබගෑනියෙන් අන්තිමේ දුක් විදින්නෙ අපේ අසරන මුරාත් කොල්ල.. මේක නිසා මුරාත් කෙරෙම් දොරුක් රැයක් හිර කූඩුවේ කූරු ගනන් කරනව.. කොහොමින් කොහොම හරි සෙන්ක්ගෙන් ප්‍රශ්න කරන මුරාත් දිදෙම් ඡායාරූප සිද්ධියට සම්බන්ධ බව දැනගන්නව.. මේකෙන් කිපෙන ඔහු වහාම දිදෙම්ව තම සමාගමෙන් ඉවත් කිරීමට තීරණය කරනව.

මේ අතර ඉපෙක්ව හමුවෙන්න ඇයගෙ පියා ඉපෙක් රාජකාරි කරන ස්ථානයට පැමිනෙනව. හැබැයි ඒ හිස් අතින් නම් නෙවෙයි, ඉපෙක්ගෙන් ණයකුත් ඉල්ලගෙන.. ඒකට හේතුව ලෙස ඔහු දක්වන්නෙ ඉපෙක්ගෙ සහෝදරයට නව ව්‍යාපාරයක් ආරම්භ කිරීමේ අවශ්‍යතාවයයි. මෙහිදී ඉපෙක්ගෙ තාත්ත කියනව ඉපෙක්ගෙ කාර් එක විකුණන්න කියල. මේ ඔක්කොම අලකලංචි අස්සෙ මුරාත් සහ දොරුක් තමන්ගෙ පියාගෙන් සෑහෙන ලොකු දෝස් මුරයකට ලක්වෙනව. එහිදී දෙන්නම නෙජාත්ට පොරොන්දු වෙනව තමන් අතින් නැවතත් එවන් වරදක් සිදු නොවෙන බවට.. මුදල් සොයා යන ඉපෙක් තීරනය කරනව තමන්ගෙ වටිනාම වස්තුව වන මෝටර් රථය විකීනීමට.. එහෙත් ඊට කෙරෙම් හා ඉපෙක්ගෙ අති ජාත මිත්‍රයින් විරුද්ධ වෙනව. හයාත් හා අස්ලිගෙ පිහිටෙන් මුදල් සොයා ගන්න ඉපෙක් තාත්තට මුදල් බාර දෙන්නෙ ආයෙනම් මල්ලිට උදව් ඉල්ලගෙන තමන් ලගට නොපැමිනෙන ලෙස පොඩි අවවාදයකුත් ලබා දෙමින්මයි. තමන්ගෙ ලේලිය ගැන කනින් කොනින් ආරංචි වෙන අසීමේ අත්තම්ම ඇයව සොයාගෙන සාර්ටේ වෙත පැමිනෙනව. හයාත්ව දකින ඇයට මේ තමා සොයන ලේලිය බව වැටහෙන්න වැඩි වේලාවක් ගත වෙන්නෙ නෑ. මේ අතර මුරාත් සමග වෙළද ප්‍රදර්ශනයට හයාත්ට පැමිනෙන ලෙස ආරාධනා ලැබෙනව. මෙය ඉතා සතුටින් බාරගන්න හයාත් වෙනදාටත් වඩා සතුටින් තමන්ගේ රාජකාරී සිදු කරන්නෙ වෙන්නට යන වින්නැහිය ගැන හාන්කවිසියක්වත් නොදැනගෙනයි. දිදෙම්ගේ පළිගැනීමේ ප්‍රයත්නයකට නැවත අහු වෙන හයාත් සෝපානයක් තුල සිරවෙනව. මෙයින් කම්පනයට පත්වෙන හයාත් හුස්ම ගැනීමේ අපහසුවෙන් සෝපානය තුල ඇදවැටෙනව
ඔයාලට මතක ඇතිනෙ. මුරාත් නොහිටින්න හයාත්ගෙ අවාසනය හයවන කොටසෙන් තීරනය වීමටත් තිබුන. හයාත්ව බේරගන්න මුරාත්, ඇයව තමන්ගෙ නිවසට රැගෙන යනව. ඒ හයාත්ට අවශ්‍ය ප්‍රතිකාර ලබා දීමටයි. මේ අතර හයාත්ගෙන් තොරතුරක් නැතිව කලබල වෙන හයාත්ගේ මිතුරියන් මුරාත්ගෙන් දැනගන්නව ඇය සිටින්නෙ මුරාත්ගෙ නිවසේ බව.. වෛද්‍ය ප්‍රතිකාර මත සුවය ලබන හයාත් මුරාත්ගෙන් සමුගෙන යෑමට හැදුවත් මුරාත්ගේ ඇවිටිලි කිරීම් හමුවේ ඇය නතර වෙනව. එහිදි මුරාත් කියනව ඇයට පිහිනීමට උගන්නන්න පුලුවන් කියල.. දෙන්න අතර නැවතත් තරගයක් පටන් ගන්නව.. පිහීනීමෙන් සාර්ථකව ජය ලබන හයාත් මාළු ඇල්ලීමේ තරගයෙනුත් ජය ගන්නව. අවසානයේ මත් පැන් පානාය කිරීමටත් සිදුවෙන හයාත් එහිදී ජයග්‍රහණය කර සම්පූර්ණ තරගෙයේම ජයග්‍රාහකය වෙනව. මත් වී සිටින හයාත් අවසානයේදී අහන ප්‍රශ්නය හයාත් ගෙ හිත තුල මුරාත්ට ඇති ආදරය මැනවින් කියා පානව. පසුදා උදෑසන ප්‍රකෘති සිහියෙන් අවදිවෙන හයාත් තමන්ගෙ ඇගේ තියෙන ඇදුම දැකල චකිතයකට ලක් වෙනව. මේ ගැන මුරාත්ගෙන් අහල දැනගන්න හයාත් හැදුවත් මුරාත්ගෙ ගෙදරට කඩා පාත්වෙන දිදෙම් නිසා ඒ වෑයම අසාර්ථක වෙනව. දිදෙම් මුරාත් ගෙ ගෙදරට කඩා පාත්වෙන්නෙ මුරාත් නිසා තමන්ට දරුවෙක් ලැබෙන්න ඇති යැයි පවසමින්..

අද කොටසින් ඔයාලට බලාගන්න පුළුවන් මුරාත් කොහොමද දිදෙම්ගෙ මේ ප්‍රශ්නෙට මුහුන දෙන්නෙ කියල.. මේ ප්‍රශ්නය නම් හයාත් මුරාත් සම්බන්ධයට බාධකයක් වෙනව නොඅනුමානයි. ඉතින් මේ දිදෙම්ගෙ ඩෙගා නැටිල්ල කොතනින් අවසන් වෙයිද.. මුරාත්ට දිදෙම්ව කසාද බදින්න වෙයිද.. හයාත්ට ඔක්කොම මතක් වෙයිද.. මේ ගැන දැන ගන්න අපිත් එක්ක එකතුවෙන්න කියල මතක් කරන ගමන් මම සමුගන්නව..

එහෙනම් අපි අට වන කොටසෙන් හමුවෙමු. එතකන් ඔබ සියළු දෙනාට සුභ දවසක්..

Direct Download

| WEB-DL | x264 | 360p  | 475MB |

 

| WEB-DL | x264 | 480p | 660MB |

 

| WEB-DL | x264 | 720p | 985MB |

 

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

7 thoughts on “Ask Laftan Anlamaz [S01 : E07] | දිදෙම්ගෙ දරුව කාගෙද..

  • March 30, 2018 at 6:19 am
    Permalink

    Thanks You………………good luck ……… !!!

    Reply
  • March 31, 2018 at 8:53 pm
    Permalink

    985mb file eka download karanna giyama 475.34 MB ekamai download wenne..

    Reply
    • April 1, 2018 at 8:53 am
      Permalink

      ඒක හැදුවා මචං

      Reply
  • April 1, 2018 at 2:13 pm
    Permalink

    මචෝ කලින් කොටසේ 480 කිව්වට 240 කොලිටි එකක් බන් තිබ්බේ…මෙකේ එකනම් කොලිටි කියලා හිතනවා

    Reply
  • April 2, 2018 at 9:48 am
    Permalink

    Thanks >>>>>>>>>> 🙂

    Reply
  • April 17, 2018 at 6:02 pm
    Permalink

    පට්ට කතාවක් මචං…තෑන්ක්ස් සබ් එකට…

    Reply

Leave a Reply

Your email address will not be published. Required fields are marked *

error: Alert: Content is protected !!