Oru Nalla Naal Paarthu Soldren (2018) | හොඳ දවසක් බලලා කියන්නම්!

යමසිංහපුරම් කියන්නේ හොරකම අවංකව කරලා ජීවත් වෙන මිනිසුන් පිරිසක් ඉන්න කුඩා ගම්මානයක්. මේ ගමේ ප්‍ර‍ධාන චාරිත්‍ර‍ දෙකක් තියෙනවා. පළවෙනි එක තමයි වයස 17 ට වැඩි හැමෝම හැමදාම පොලිසියේ අත්සනක් දාන්න ඕනේ. අනිත් එක තමයි සොරකමට යාමට කලින් බිරිඳගේ තැල්ල අරන් තමුන්ගේ කරේ දාගන්න ඕනේ. ඉතින් සුපුරුදු පරිදි මෙවර හොරකමේ යන්නේ කවුද කියලා තෝරන්න යම දෙවියන් ගාව දේව කන්නලවුවක් කරනවා. ඒ අනුව මෙවර සාධාරණ විදියට හොරකමේ යන්න යම දෙවියන්ගේ ආශිර්වාදයෙන් තේරීපත්වෙන්නේ යෙමන් (විජය් සේදුපති) සමඟ පුරුෂෝත්තමා සහ නරසිම්මා යන දෙපළ. චාරිත්‍රානුකූලව නරසිම්මා සහ පුරුෂෝත්තමා තම බිරින්දෑවරුන්ගේ තැලි අරන් බෙල්ලේ දමා ගන්නවා. නමුත් සේදුපති බෙල්ලේ දාගන්නේ පිළිමයක තිබුණු තැල්ලක්. දැන් අපට ප්‍ර‍ශ්ණ දෙකක් මතු වෙනවා. පිට ගමකට හොරකමේ ගිහාම හැමදාම පොලිසියට ඇවිත් අත්සන් කරන්නේ කොහොමද? අනිත් එක සේදුපති ඇයි පිළිමෙක තිබ්බු තැල්ලක් අරන් බෙල්ලේ දාගත්තේ? මේ ප්‍ර‍ශ්ණ දෙකට පිළිතුර එක්තරා රහසක්. ඒ රහස තමයි….

ඔරු නල්ල නාල් පාත්තු සොල්රේන්. ඒ කිවුවේ හොඳ දවසක් බලලා කියන්නම් කියන එක.

ඉතින් යාළුවනේ ඔන්න සුපුරුදු පරිදි සේදුපතිගේ අළුත්ම කොමඩියට සුපිරි උපසිරසියක් අරන් මම ඔබ හමුවට ආවා. මුලින්ම සමාවෙන්න ඕන සතියක් පරක්කු වුණාට. කාර්ය බහුල වුණු නිසාම නෙවෙයි..මේක රිලීස් වුණ විත්තියක් මම දැන ගත්තේ දවස් හයක් ගියාට පස්සේ. මේක මහ අඤ්ඤකොරොස් කතාවක්. මහම මහ පිස්සු ආතල් එකක් කිවුවොත් නිවැරදියි. වික්‍ර‍ම් වේදා හිතේ තියාගෙන මේ ෆිලුම බලන්න ගිය කට්ටිය සේදුපතිට බලු බැනුම් බැන බැන ආවාලු. කාට කොහොම වුණත් මට නම් මේ ෆිලුම හිතට ඇල්ලුවා. ඉතින් ඒ නිසා බයිස්කෝප් එකට කතා කරලා උපසිරසිය වෙන්කර ගත්තා. කතාව තව පොඩ්ඩක් විස්තර කරන්නම්.

මෙහෙම හොරකමේ යන යෙමන් ඇතුළු තුන්කට්ටුවට මහ අරුම පුදුම ගෑල්ලමයෙක් හමුවෙනවා. වැඩේ කියන්නේ යෙමන් මේ කෙල්ලට ආදරේ කරන්න පටන් ගන්නවා. ඒ මදිවට ඒ කෙල්ල තමුන්ගේ බිරිඳ යැයි පවසමින් යෙමන් පිස්සු නටන්න පටන් ගන්නවා. අවසානේ හොරකම පැත්තක දාලා තුන් දෙනාම මේ කෙල්ල පස්සේ යන්න පටන් ගන්නවා. ඔය අතරේ මේ කෙල්ල වෙනත් කොල්ලෙක්ට (ගෞතම් කාර්තික්) ආදරේ කරන්න පටන් ගන්නවා. ගෞතම් කොල්ලත් මේ කෙල්ලට ලයින් එක දාගෙන කොහොමහරි ආදරේ ප්‍ර‍කාශ කරන්න කියලා ලෑස්තිවෙද්දිම…යෙමන් ඇතුළු කණ්ඩායම මැද්දට පැනලා ඒකිව පැහැරගෙන මහ කැලේ තියෙන යමසිංහපුරේට ඇන්න යනවා. මල ජංජාලයයි ! ඊට පස්සේ වෙච්චි අලකලංචිය මොකද්ද කියලා ඔයාලම බලන්නකෝ. හැබැයි දෙයක් කියන්නම්. ඔයාලා හිතන දේට හාත්පසින්ම වෙනස් දෙයක් තමයි ඊළඟට සිද්ධ වෙන්න යන්නේ.

පී ආරුමුගකුමාර් අධ්‍යක්ෂණය කළ මේ චිත්‍ර‍පටයේ සේදුපති එක්ක ගෞතම් කාර්තික්, ගයාත්‍රී, නිහාරිකා යන නළු නිළියන් ප්‍ර‍ධාන වශයෙන් රංගනයෙන් දායක වෙනවා. සේදුපතිගේ පෙර ෆිලුම් මෙන් අතිශය ජනප්‍රිය නොවුණත් තරමක සාර්ථකත්වයක් ලබා ගැනීමට මේ ෆිලුමට හැකිවී තිබෙනවා. සංගීතමය අතින් හෝ නාට්‍යමය අතින් හෝ පසුබිම් අතින් එතරම් ඉහළ මට්ටමක නොතිබුණත් සමස්ත වශයෙන් ප්‍රේක්ෂකයාට හොඳ රසාස්වාදයක් ලබාදීමට මේ ෆිලුම සමත් වෙනවා. කෙසේ වෙතත් විජය් සේදුපතිගේ තවත් නොදුටු වේෂ නිරූපණයක් අපට මෙහි දැකගැනීමට හැකියි. ඉතින්..මා ඔබට අනිවාර්ය කරන්නේ නැහැ. කැමැති අය ෆිලුම අරගෙන බලන්න !


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HDRIP  |  ESub | x264 | 700MB  |

0DDF60216B7DBA6B5D2C7DFEB4DD8DD5AC08B659

 Direct Download

 | HDRIP  | ESub | x264 | 700MB  |

 | HDRIP  | 720p | x264 | 1.5GB  |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

2 thoughts on “Oru Nalla Naal Paarthu Soldren (2018) | හොඳ දවසක් බලලා කියන්නම්!

    • March 12, 2018 at 7:11 am
      Permalink

      ඇස් ඇරලා බලන්න..

      Reply

Leave a Reply

Your email address will not be published. Required fields are marked *

error: Alert: Content is protected !!