When We First Met (2018) | බලා සැනසෙනු නෙලාගනු බැරි ආදරේ…

ඔයාගෙන් මං ඇහුවොත් ඔයාට කාල තරණයක් කරලා ආපහු අවුරුදු තුනකට වගේ ආපස්සට යන්න අවස්තාවක් දෙනවා කියලා? මොකද කියන්නේ? මං දන්නවා කිසිම ප්‍රශ්න කිරිල්ලකින් තොරවම ඒකට කැමති වෙනවා කියලා. මොකද මං උනත් එහෙමයි. ඒත් එහෙම කාල තරඟයක් කරන්නේ මොන එහෙකටද? තමන්ට කරන්න බැරි වුන දෙයක් කරන්නද? එහෙම නැත්තම් වැරදුනු තැනක් හරි ගස්වන්නද? වැරදි හරි ගස්වනවා කියලා කීයක් නම් එහෙම කරන්නද? වැරදි ගස්වනවා කියලා තමන්ට ජීවිතේදී ලගා කරගන්න බැරි වුන කෙනෙක්ව ලගා කරගන්න උත්සහ කලොත්? මොකද මේ ලෝකේ කී දෙනෙක් නම් ඇතිද අදටත් මේ මොහොත වෙද්දීත් තමන් කැමති කෙනාට ආදරේ කියාගන්න බැරිව. සමහර අය කියලා දාන්න බයයි, තවත් සමහර අයට මැදිහත් වෙන්නවත් බැරි විදිහට තුන්වන පාර්ශවයේ කෙනෙක් මේ වෙද්දීත් මැදිහත් වෙලා ඉන්නවා වෙන්න පුලුවන්, එහෙම නැත්තම් තමන්ගේ මොකක් හරි පුද්ගලික හේතුවක් හෝ අත්දැකීමක් නිසා කියාගන්න බැරිව ලත වෙනවා ඇති. ඔය වගේ තරුණ වයසෙදි ලොකු ප්‍රශ්න ගොඩකට මුහුණ දෙන්න වෙන කොල්ලෙක් තමයි නෝහා කියන්නේ. හැලොවීන් කියන්නේ සාමාන්‍යයෙන් විදෙස් රටවල්වල සමරන උත්සවයක්. මේකට ඕනා තරම් සාද පවත්වනවා. 2014 වසරේ හැලොවින් දවසේ සාදයට යන නෝහාට ලස්සනම ලස්සන කෙල්ලක්ව මුණගැහෙනවා. එයා නමින් ඒව්රි. එයා ඇවිත් හිටියේ තනියම නෙවෙයි එයාගේ යාලුවා කේරි එක්ක. ඒත් එයාගේ යාලුවා කේරි නම් ඒ වෙද්දීත් සාදයට ආව කොල්ලෙක් එක්ක ගජ රාමෙට තමන්ගේ වැඩේ කරගෙන යන ගමන් හිටියේ. නෝහාට අහම්බෙන් මුණ ගැහුණු ඒව්රිත් මෙයාටම සෙට් වෙලා මේ දෙන්නා හොද කතාවක් දාගෙන ඉන්නත් පුලුවන් කමක් ලැබුනා. සාදයේ කතා කර කර හිටිය මේ දෙන්නා බාර් එකකට ගිහින් සින්දු කියලා ෆොටෝ බූත් එකකින් ලස්සන පින්තූරත් අරගෙන මේ දෙන්නා කෙලින්ම ගියේ ඒව්රිගෙ ගෙදරට. ගෙදරට වෙලා කතා කර කර ඉදලා නෝහා යන්න හදද්දී එයාට වුවමානවක් එනවා ඒවරිව සිපගන්න. මොකද එයා ඒව්රිව සාදයේ ඉදලා දැක්ක මොහොත වෙලාවේ ඉදන් එයා ගැන හැගීම් පහල වුනු එකේ නම් කිසිම අඩුවක් තිබුනේ නැහැ. ඒව්රිව සිපගන්න ලංවෙන නෝහාට ලැබෙන්නේ හග් එකක්. ඒ කිව්වේ වැලදගැනීමක්. (ඔව් ඔව් හරියට හොදටම ආශ්‍රය කරපු කෙල්ලෙක් ඔයාගේ මුණටම “ඔයා මට ඔයාගේ සහෝදරයෙක් වගේ” කිව්වා වගේ තමයි ?) හිත් අමනාපයෙන් එතනින් පිටවෙලා යන නෝහා හිතුවෙම ඒව්රිට තවත් අවස්තාවක් දෙන්න ඕන කියලා.

එහෙම හිතලා හිත හදාගෙන නෝහා ගෙදර ගියාට ඊට හරියටම පහුවදා ඒව්රිට කොල්ලෙක් මුණ ගැහෙනවා ඊතන් කියලා. එදා මුණ ගැහිල්ලෙන් පස්සේ අන්තිමට ඒ ඇයි හොදැයිය නවතින්නේ අවුරුදු තුනකින් පස්සේ මේ දෙන්නගේ විවාහ ගිවිස ගැනීමත් එක්කමයි. ගිවිස ගැනීමේ සාදයට සහභාගී වෙන්නේ නම් සුළුතරයක් විතරයි. ඒ සුළු තරයට නෝහා පවා ඇතුලත් වෙනවා. එයා ඇවිල්ලා ආයේ ගෙදර යන්න බැරි වෙන්නම බීපු එක. ඒ වගේ තත්වයක් උඩ තියලා නෝහාව ගෙදර යවන්න බැරි නිසා ඒව්රිගේ යාලුවා කේරි එයාව ගෙදර එක්කන් යන පොරොන්දුව ඇතුව නෝහාව එක්කන් යනවා. ඒ යන්නෙත් ගෙදර නෙවෙයි බාර් එකකට. එතනදී නෝහා එයාගේ දුක කියවලා කියවලා ආපහු වතාවක් එයා හරියටම අවුරුදු තුනකට කලින් ෆොටෝ ගත්ත ෆොටෝ බූත් එකට ගිහින් තනියෙන්ම පින්තූර අරගන්නවා. පින්තූර අරගන්න ගියාම තමයි නෝහාට හරි පුදුම වැඩක් වෙන්නේ. එයා එක පාරටම එයාගේ ඇදේ ඉදන් ඇහැරෙනවා කාලයෙන් අවුරුදු තුනකුත් ආපස්සට ගිහින්. එයාට ඒක තේරෙන්න ටික වෙලාවක් යනවා. ඉතින් එයාට ඕන තමන් ආදරේ කරන කෙනා ඒව්රිව ආයෙම වතාවක් හලොවීන් සාදයේදී මුණ ගැහිලා  ඒව්රි එයාගේ පෙම්වතිය කරගන්න. ඒත් එහෙම බලෙන් ලබාගන්න ආදරේට ලොකු ගමනක් තියෙයිද? බලලම ඉන්නකෝ මොකද වෙන්නේ කියලා.

ආදරවන්තයින්ගේ මාසයේ දෙවැනි සතියේ ඒ කිව්වේ 2018 පෙබරවාරි 9’වැනිදා තමයි When We First Met (2018) Netflix නාලිකාව හරහා විකාශය වීමක් වුණේ. මේක විශේෂයෙන්ම Netflix ලා නිකුත් කරන එයාලගෙම ඔරිජිනල් චිත්‍රපටයක්. The DUFF (2015) චිත්‍රපටය අධ්‍යක්ෂණය කරපු Ari Sandel තමයි මේ අද අරගෙන ආව චිත්‍රපටයේ අධ්‍යක්ෂණය සිද්දවුනෙත්. The LEGO Batman Movie (2017)The LEGO Ninjago Movie (2017) චිත්‍රපට ද්විත්වයේම තිරපිටපත් ලිවිම සදහා දායක වුනු John Whittington තමයි මේ ආදරණිය චිත්‍රපටයෙත් තිරපිටපත ලිවිම සදහා දායක වෙලා තියෙන්නේ. මේ චිත්‍රපටයේ රංගනයෙන් දායක වෙන චරිත ගැන කතා කරනවානම්, කොමඩි කිව්වම මතක් වෙන නම් අතරේ Mike and Dave Need Wedding Dates (2016)Pitch Perfect (2012)Pitch Perfect (2015)Why Him? (2016) වගේ කොමඩි චිත්‍රපට ගණනාවකම රංගනයෙන් දායක වුණු Adam Devine තමයි මේ චිත්‍රපටයේ “නෝහා“ගෙ චරිතයෙන් දායක වෙන්නේ. එතකොට ඇස් දෙක දැක්කත් වශී වෙලා පිස්සු හැදෙන Percy Jackson & the Olympians (2010)Percy Jackson: Sea of Monsters (2013)San Andreas (2015)Baywatch (2017)The Layover (2017) වගේ චිත්‍රපට ගණනාවකට දායක වෙලා බොහෝ දෙනෙකුගේ සිත් ඇද බැද තියාගත්ත Alexandra Daddario තමයි මේ චිත්‍රපටයේ “ඒව්රි”ගෙ චරිතයෙන් දායක වෙන්නේ. The Secret Circle (2011-2012) කතාමාලාවෙන්, Ouija (2014) වගේම බොහෝ ලෙසින් ප්‍රසිද්ධියට පත්වුණු Teen Wolf (2011-2017)තුලින් පවා රංගනයෙන් දායක වුනු Shelley Hennig තමයි මේ චිත්‍රපටයේ “කේරි”ගෙ චරිතයෙන් දායක වෙන්නේ. ඒවගේම තමයි Fifty Shades of Black (2016)The Babysitter (2017)වගේම Where’s the Money (2017) චිත්‍රපට පෙළ තුලම රංගනයෙන් දායක වුනු Andrew Bachelor තමයි මේ චිත්‍රපටයේ “මැක්ස්”ගෙ චරිතයට දායක වෙන්නේ. අවසාන වශයෙන් The Tomorrow People (2013-2014)The DUFF (2015)The Babysitter (2017) ඒවගේම දැනට විකාශය වන ඇරෝ වගේම ෆ්ලෑෂ් කතාමාලා දෙකෙහි කලින් හිටිය මුල්ම ෆයර්ස්ට්‍රෝම්ගේ චරිතයට දායක වුනු, ස්ටීවන් ඇමෙල්ගේ ඥාති සොහොයුරා වන Robbie Amell තමයි මේ චිත්‍රපටයේ “ඊතන්”ගෙ චරිතයට දායක වීමක් වෙලා තියෙන්නේ. මිට අමතරව ඉතින් තව ගොඩක් නළු නිලියෝ මේකට දායක වෙලා තියෙනවා. මේ වෙද්දී IMDb දර්ශකය තුල 6./10 ක අගයක් වගේම පැයකුත් විනාඩි තිස් හතකුත් පුරාවටම ධාවනය වන මෙම චිත්‍රපටය Comedy කැටගරිය ආවරනය වන පරිදි නිම කරන ලද්දක්.

ඇත්තම කියනවනම් මේක ආදරවන්තයින්ගේ දවසෙදි දෙන්න ලොකු උත්සහයක් ගත්තා. ඒත් ඒ වෙද්දී ඉවර කරලා තිබුනේ සම්පුර්ණ ලයින් ගානෙන් හරියටම බාගයක් විතරයි. ඒ ගැන නම් ඇත්තටම කණගාටුයි. ඒත් ඉතින් එළබෙන සතිඅන්තයේදී හරි කිසිම කම්මැලිකමක් නැතුව පටන් ගත්ත වෙලාවේ ඉදන් අන්තිම මොහොත දක්වාම බලන්න හැකියාවක් ලැබෙයි කියලා විශ්වාස කරනවා. හැමෝටම මේක බලන්න කියලා ආරාධනා කරන ගමන් මං සමුගන්නවා. එහෙනම් ඉතින් මං ගිහින් එන්නම්. හැමෝටම ජයෙන් ජය!

 

හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEB-DL | x264 | 720p | 645MB |

1255F60F9250BB2DAF1682C3C13DC1A3F928C96F

 | WEB-DL | iExTV | 720p | 700MB |

8B742E9D495F12AAB8F3F49326506B637686EC30

 Direct Download

| WEB-DL | x264 | 480p | 308MB|

| WEB-DL | x265 | 720p | 562MB|

| WEB-DL | x264 | 720p | 645MB|

| WEB-DL | x264 | iExTV | 700MB|

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *

error: Alert: Content is protected !!