The Other Guys (2010) | වැඩකට නැති හාදයෝ

මෙම චිත්‍රපටය සඳහා දෙදෙනෙක් උපසිරැසි ලබාදී ඇති බැවින්, අසාධාරණයක් නොවන පරිදි දෙදෙනාගේම උපසිරැසි මේ ආකාරයෙන් පළකරන්නෙමු.

අමිල කල්හාර සොයුරාගේ ලිපිය…

ආයුබෝවන් හැමෝටම! ආයෙත් උපසිරසියක් අරගෙන ආවා ඔන්න බයිස්කෝප් එක පැත්තට. මේ ෆිලුම් නම් සුපිරිම මට්ටමේ ෆිලුමක්. ඒක කියන්න පැකිලෙන්න ඕනෙ නැහැ. මේ බයිස්කෝප් එක ගැන මම දැනගෙන හිටියෙත් නැහැ. මට මේකෙ සබ් එක හදන්න ඉල්ලීමක් කලේ උදිත කවිඳු සහෝයි කුමාර සහෝයි. ස්තුතියි දෙන්නටම ඒ සම්බන්ධව. බයිස්කෝප් එකේ අපේ සිසිල ප්‍රසාද් සහෝ තමා මේක කරල එවන්න කියල භාර දුන්නේ. ඔහුවත් ආදරෙන් මතක් කරන්න ඕනෙ. දැන් කතාව පැත්තට යමු. නිව්යෝක් නගරයේ පොලිසිය සම්බන්ධව තමා කතාව දිග ඇරෙන්නේ. ඩන්සන් සහ හයිස්මිත් කියල සුපිරියි කියල හිතන් ඉන්න පොලිස්කාරයෝ දෙන්නෙක් ඉන්නවා. නගරෙම එයාලට ආදරෙයි. අපරාධ ගැන හොය හොය ගිහින් සෑහෙන විනාශයක් කරලා තමා මේ දෙන්න හොරු අල්ලන්නේ. ඇක්ෂන් වැඩ විතරයි හැබැයි. අනිත් වැඩ ටික වෙන අයට. ඒ අතර කවුරුත් ගණන් ගන්නේ නැති, හැමෝගෙම විහිලුවට ලක්වෙන ජෝඩුවකුත් ඉන්නවා. වැඩකට නැති හාදයෝ. එක්කෙනෙක් Terry Hoitz නිලධාරියා. ක්‍රීඩකක්ට වෙඩි තියල රැඳවුම් නියෝග මත ඉන්නේ. අනිත් කෙනා Alan Gamble කියල ටිකක් අමුතු චරිතයක්. කොහොමහරි ඩන්සන් හයිස්මිත් දෙන්නා අපරාධයක් පස්සේ යන ගමන් මැරෙනවා. ඊටපස්සේ ඔක්කොම පොලිස්කාරයෝ ටික ඒ දෙන්නගෙ තැන ගන්න දඟලනවා. ටෙරී ඇලන් දෙන්නත් එහෙමයි. කොහොමහරි ඇලන් ගිණුම් බලන කේස් එකක් ලොඋවට ඇදිලා මේ දෙන්න ඒ පස්සෙන් යනවා. හැබැයි කවුරුත් උදව් කරන්නේ නැහැ. කේස් එක එන්න එන්නම රත් වෙනවා. දෙන්නට චෝදනාත් එල්ල වෙනවා. හැබැයි මේ දෙන්න ඒක අතාරින්නේත් නැහැ. ඉතිරිය ඔයාලම බලන්න.

Imdb 6.7 අගයක් තියෙනවා. ඒ වගේම ඉන්නෙත් සුපිරිම නළු නිලි සෙට් එකක්. ප්‍රධාන චරිත නිරූපණය කරන්නේ Mark Wahlberg සහ Will Ferrel. ඒ වගේම Dwayne Johnson, Samuel L Jackson මේකේ මුල් ටිකේ ඉන්නවා. ඊට අමතරව Ewa Mendes, Michael Keat’on වගේ අයත් මේකේ ඉන්නවා. ඩොලර් මිලියන 170 ට වඩා වැඩි බොක්ස් ඔෆිස් ආදායමක් හොයල තියෙනවා.

එහෙනං තව උපසිරසියක් එක්ක හම්බෙමු. ජයවේවා! තෙරුවන් සරණයි!

කෞෂාන් පියුමන්ත හේරත් සොහොයුරාගේ ලිපිය…

සෑහෙන කාලෙකට පස්සෙ තමයි දෙවැනි උපසිරැසිය අරන් එන්න පුළුවන් උනේ.බාර අරන් සෑහෙන කල් උනත් කම්මැලිකම හින්දා පරක්කු උනා. මේක Crime/Action/Comedy ගණයට වැටෙන බයිස්කෝප් එකක්.

Daddy’s Home බලපු කට්ටිය ඇතිනේ.ඒ ඩබලම තමයි මේකෙත් ඉන්නේ.ආතල් එකේ බලන්න පුළුවන්. IMDb මීටරේ 6.7 කුත් කුණු තක්කාලියේ 78% කුත් කැරකිලා තියෙනවා. ස්ටෝරිය ගැන අපේ පොතේ ගුරා සහෝ ලිපියක් ලියලා තියෙනවා දැක්කා.ඒ ලිපිය කියවලා තමයි මටත් මේක බලන්න හිතුනේ.

ඉතින් වෙලාවක් තිබ්බොත් තවත් උපසිරසියක් කරලා අරන් එන්නම්. ජය!

දිනුෂ්ක උදාර (රොකියා) සොහොයුරාගේ පෙර පළවූ ලිපිය…

ටික කාලෙකින් කොමඩියක් දෙන්න බැරිවුණ හින්දා, ඔන්න අද මැක්ෂා කට්ටියක් ඉන්න මැක්ෂා කොමඩියක් අරගෙන ආවා. මේ චිත්‍රපටිය තිරගතවීම ආරම්භ කරනු ලැබුවේ අගෝස්තු මාසේ. IMDb එකේ 7.0 ක ශ්‍රේණිගත කිරීමක් හිමිකරගෙන තියන මෙම චිත්‍රපටයට, The Italian Job, Shooter, සහ Max Payne යන සුපිරි චිත්‍රපටවල ප්‍රධාන චරිතයට පනපෙවූ Mark Wahlberg සහ හිනානොවී අපිව හිනස්සවන සුපිරි විකට නළු Will Ferrell ප්‍රධාන චරිත තුළින් දායක වෙනවා. ඊට අමතරව සුපිරි නළු Samuel L. Jackson සහ The Rock (Dwayne Johnson) සම්බන්ධ වෙනවා. තව ඉතින් Eva Mendes වගේ සුරූපිනියනුත් සම්බන්ධ වෙනවා.

කතාව ගැන කියනවනම්, Terry Hoitz සහ Allen Gamble කියන්නෙ නිව්යෝර්ක් පොලීසිය නොහොත්, NYPD ට සම්බන්ධව ක්‍රියා කරන පරීක්ෂක වරු දෙදෙනෙක්. Terry කියන්නෙනම් කුකුල් කේන්ති කාරයෙක්. Ferrell නම් හැම විටම කාර්‍යාලය ඇතුළේ ලේඛනවල වැඩක් පලක් කරගෙන ඉන්න ආසකරන කෙනෙක්. මේ අතර NYPD යට අයත් දක්ෂම සහ පිස්සුම ඩබල, මහා මෝඩ වැඩක් කරන්න ගිහිල්ලා මිය යනවා. මේ Terry සහ Ferrell ට පොලිසිය තුළ වැඩකරන අනෙත් අයගෙන් නොයෙකුත් කෙනෙහිළි කම් කරනවා. නමුත් අහම්බෙන් ටිකක් බරපතල පරීක්ෂණයකට අත ගහනවා. නමුත් ටික වෙලාවක් යන්න ඉස්සෙල්ලා මොවුන් දෙදෙනා හොඳටම අනා ගන්නවා. අන්තිමට ඔවුන්ට තමන් දාගෙන ඉන්න සපත්තු දෙකවත් නැතුව තමයි කාර්‍යාලයට එන්න වෙන්නෙ. ඊට දඬුවම විදියට තමයි Ferrell ගේ තුවක්කුව වෙනුවට ලී වලින් තනපු තුවක්කුවක් දෙන්නෙ. නමුත් මොවුන් ඇත්තටම සෑබෑ දක්ෂයෝ.

අපි බලමු අවසානයේ මොවුන් දෙදෙනාට මේ පරීක්ෂණය නිමකර වරදකරුවන් නීතියේ රැහැනට හසු කරගන්න පුළුවන් වෙයිද කියලා. චිත්‍රපටිය තුළ නම් කියන කරන දේවල් වලට හොඳට හිනාවෙන්න පුළුවන්.

 

හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| BluRay | x264 | 720p | 800MB | YIFY |

81C4209EFF46FF609F8CDEDE897C767D916CDB40

 Direct Download

| BluRay | x264 | 480p | 800MB |

| BluRay | x264 | 720p | 800MB | YIFY |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

2 thoughts on “The Other Guys (2010) | වැඩකට නැති හාදයෝ

Leave a Reply

Your email address will not be published. Required fields are marked *

error: Alert: Content is protected !!