Maayavan (2017) Sinhala Subtitles | වියරු විද්‍යාඥයාගේ අමරණීයත්වයේ උන්මාදය!

ඔයා කවුද?

මොකක්ද මේ විකාර ප්‍රශ්නය? ගොඩක් දෙනෙක් එහෙම හිතනවා ඇති. මේ මිනිහට පිස්සු! ගොඩක් දෙනෙක් එහෙමත් හිතනවා ඇති. නැහැ! මට පිස්සු නැහැ. මං ආපහු සැරයක් අහන්නම්. “ඔයා කවුද?” ඔන්න එතකොට ඔයා ඔයාගේ නම කියලා උත්තර දේවි. ඒක කොහොමද සිද්ධවුණේ. ඔයාගේ අම්මයි තාත්තයි ඔයාට නමක් දීලා තියෙනවා. අනිත් හැමෝම ඔයාට කතා කරන්නේ ඔයාට ඒ දීලා තියෙන නම කියලා. ඒ නම ඔයාගේ මොලයේ ගබඩා වෙලා තියෙන නිසා, කවුරුහරි ඔයාගෙන් නම ඇහුවාම, මතකයෙන් ඔයාට උත්තර දෙන්න හැකියාව තියෙනවා. මතකයන් වලින් තමයි ඔයාව නිර්මාණය වෙලා තියෙන්නේ. ඔයා විතරක් නෙමෙයි. අපි හැමෝම එහෙම තමයි නිර්මාණය වෙලා තියෙන්නේ. ඒත්, අපේ මතකයන් අනුව, අපි එකිනෙකාට වෙනස් වෙනවා. උදාහරණයකට, මගේ සිතුවිලි සහ ක්‍රියාකාරීත්වය නිසා මට හිතුණා මේ චිත්‍රපටියට උපසිරසියක් කරන්න ඕනේ කියලා. ඒ වගේම, ඔයාගේ සිතුවිලි සහ ක්‍රියාකාරීත්වය අනුව, සමහරවිට ඔයා මේ මං නිර්මාණය කරපු සබ් එකත් අරගෙන මේ චිත්‍රපටිය රසවිඳිවි. අපි මේ මතකයන් කියල කියන හැමදෙයක්ම ජීව විද්‍යාත්මක විදියට කියනවා නම්, අපේ මොළයේ තියෙනවා විවිධ හැඩ වලින් යුතු, විවිධ ආකාරයේ රසායනික ද්‍රව්‍ය. මේ විවිධ හැඩ තල වලින් තියෙන රසායනික ද්‍රව්‍ය සම්බන්ධ කරන දේ තමයි නියුරෝන කියන්නේ. හරි, ඒ කතාව පොඩ්ඩක් එහෙම්මම මතකයේ තියාගෙන, අපි වෙනත් පැත්තකට හැරෙමු.

මාස කීපයකට කලින්, චෙන්නායි වල මදිපාක්කම් වලදී ගෑණු කෙනෙක්ගේ බෙල්ල කපලා මරලා දානවා. මිනීමරුවා තමයි ඇයගේම සැමියා. වෘත්තියෙන් ජිම් එකක පුහුණුකරුවෙක්. මිනීමරුවාව හඹා යාමේදී, පොලීස් නිලධාරියෙක් අතින් මොහුව ඝාතනය වෙනවා. ඊට මාස කීපයකට පස්සේ ඉන්දියාවේ අංක එකේ නිළියක් අමානුෂික ලෙස ඇයගේ නිවසේදීම ඝාතනය කරලා දානවා. කලින් ගෑණු කෙනා මරලා දාපු විදියටම තමයි මේ නිළියවත් මරලා දාලා තියෙන්නේ. කොහොමහරි, මේ ඝාතකයාව අත්අඩංගුවට ගන්න හදනකොට මේ පුද්ගලයා සියදිවි නසාගන්නවා. මේ සිදුවීමෙන් පස්සේ සුළු කාලයක් ගත්වෙනකොට තවත් අභිරහස් ඝාතනයක් සිද්ධවෙනවා. ඉන්දියාවේ අංක එකේ විද්‍යාඥයෙක් මහ පාරේදී මරලා දාලා තියෙද්දී හම්බෙනවා. මේ මිනීමැරුම් තුනම එකම ආකාරයට තමයි සිද්ධවෙලා තියෙන්නේ. නමුත්, විද්‍යාඥයා ඝාතනයේදී අපරාධකාරයා අත්වැසුම් පාවිච්චි කරලා තියෙනවා තමන්ගේ අනන්‍යතාවය සඟවන්න. කලින් වතාවල් දෙකේම ඒ සඳහා කිසිම උත්සාහයක් අරගෙන තිබුනේ නැහැ. ඒ වගේම, මේ අපරාධකාරයෝ තුන්දෙනාම එකට සම්බන්ධ වෙන එක කාරණාවක් තියෙනවා. ඝාතනය සිද්ධකරන්න ටික කාලෙකට කලින් මේ හැම කෙනෙක්ගෙම හැසිරීම, එක සැරේටම පුදුමාකාර විදියට වෙනස් වෙලා තියෙනවා. උදාහරණයකට, කවදාවත් ඉංග්‍රීසි දෙයක් කියෙව්වේ නැති අය, හිටපු ගමන් ඉංග්‍රීසි පොත් පත් කියවන්න අරගෙන තියෙනවා. ඒ වගේම, පවුලේ අයත් එක්ක කතාබහ නවත්තලා, එයාලා දිහා සැක කටයුතු විදියට බලන්න අරගෙන තියෙනවා. තවත් සමහරු පිරිසිදුකම ගැන බොහොම සැලකිලිමත් වෙන්න අරගෙන තියෙනවා. ඒ වගේම විශේෂිතම දේ තමයි, මේ හැමෝම එකම බ්‍රෑන්ඩ් එකකට අයිති කළු සිගරට් වර්ගයක් නොනවත්වා බොන්න පටන් අරගෙන තියෙනවා.

චෙන්නායි නගරය පාදක කරගනිමින් සිදුවෙන්නා වූ එකම ආකාරයේ අබිරහස් ඝාතන මාලාවක්… එකිනෙකට වෙනස් අපරාධකරුවන්ගේ එක සමාන අන්දමේ හැසිරීමේ වෙනස්කම්… කොනක් පාටක් හොයාගත නොහැකි, අතිශය සංකීර්ණ ලෙස පැටලුනු නූල් බෝලයක් බඳු වූ අභිරහස් ඝාතන මාලා අතර දෙලොවක් අතර හුදෙකලා වූ පොලිස් දෙපාර්තුමේන්තුව… එතකොට අර උඩින් කියලා තියෙන කාරණා, මේ ඝාතන මාලාවන් එක්ක සම්බන්ධ වෙන්නේ කොහොමද? මාතෘකාවේ කියලා තියෙන වියරු විද්‍යාඥයා කවුද? එතකොට අර අමරණීයත්වයක් ගැන කියලා තියෙන්නේ මොකක්ද? මේ මොන අන්දමේ විපර්යාසයක්ද සිදුවන්නේ?

ඔන්න එහෙනම් මේ අරගෙන ආවේ, කාලෙකට පස්සේ දමිළ සිනමාවෙන් බිහිවෙච්ච, වචනයේ පරිසමාප්ත අර්ථයෙන්ම සුපිරිම චිත්‍රපටියක්. චිත්‍රපටිය අයිති වෙන්නේ Action, Crime, Mystery, Sci-Fi, Thriller කියන කාණ්ඩ වලට. බොහොම කාලෙකට පස්සේ තමයි දමිළ සිනමාවෙන් Sci-Fi චිත්‍රපටියක් නිකුත් වෙන්නේ. හැබැයි, ඒකත් දෙකයි පනහේ චිත්‍රපටියක් නම් නෙමෙයි. පටන්ගන්න විනාඩියේ ඉඳලා, අන්තිම තත්පරය වෙනකම් ඇහිපිය ගහන්නේ නැතුව, කුතුහලය උපරිම මට්ටමක තියාගෙන බලන්න පුළුවන් විදියේ චිත්‍රපටියක්. සමහරු කියාවි විද්‍යා ප්‍රබන්ධයක් නිර්මාණය කළාට දෙමල චිත්‍රපටයක් නිසා තාක්ෂනය නම් කිසිම වැඩකට නැතුව ඇති කියලා. ඒ අයට කියන්න තියෙන්නේ, අරගෙනම බලන්න. හොලිවුඩ් චිත්‍රපටි වල තරම් ඉහළම මට්ටමක් නැති වුනත්, තාක්ෂනය බොහොම ප්‍රශස්ත මට්ටමකින් උපයෝගී කරගෙන තියෙනවා චිත්‍රපටිය පුරාවටම. චිත්‍රපටය තිරගතවීම ආරම්භ කරන්නේ 2017 වර්ෂයේ දෙසැම්බර් මස 14 වෙනිදා. මේ සටහන ලියවෙන මොහොත වෙනකොට IMDB දර්ශකයේ 8.0 ක් වගේ ඉහළම අගයක් ලබාගන්න සමත්වෙලා තියෙනවා. Pizza (2012), Pizza II: Villa (2013), Enakkul Oruvan (2015), Indru Netru Naalai (2015), Saala Khadoos (2016), Kadhalum Kadanthu Pogum (2016), Iraivi (2016), Adhe Kangal (2017) වගේ විශිෂ්ඨ සිනමා නිර්මාණ නිෂ්පාදනය කරපු C.V. Kumar තමයි මේ චිත්‍රපටය අධ්‍යක්ෂණය කරන්නේ. Maanagaram (2017) චිත්‍රපටය තුලින් බොහොම ප්‍රසිද්ධියට පත්වෙච්ච Sundeep Kishan තමයි ප්‍රධාන රංගන භූමිකාව හොබවන්නේ. ඒ වගේම, අනූව දශකයේ බොලිවුඩ් සිනමාව තුල රජකරගෙන හිටපු Jackie Shroff නම් ප්‍රතිභාපූර්ණ රංගන ශිල්පියාව කාලෙකට පස්සේ ඔන්න බලාගන්න පුළුවන්.

ඒ වගේම කියන්න ඕනේ, චිත්‍රපටය තුල සීයකට විතර වීරයා තනියෙන් උඩින් වීසිවෙලා යන්න ගහන ක්‍රියාදාම දර්ශන නැහැ. හැම ක්‍රියාදාම දර්ශනයක්ම බොහොම තාත්වික විදියට අරගෙන තියෙනවා. ඒ වගේම, අතලොස්සක් ඇරෙන්න බොහොමයක් චිත්‍රපටි වල තියෙන්නේ අපි බලාපොරොත්තු වෙන අවසානයක්. අපිට කලින් නිගමනය කරන්න පුළුවන් අන්තිමට වෙන්නේ මෙන්න මේක තමයි කියලා. අභියෝගයක් කරන්නම්, පුළුවන් නම් මේ චිත්‍රපටයේ අවසානය ගැන හරියටම හිතේ මවාගන්න. කවුරුවත් කිසිම විදියකින් හිතන අවසානය නෙමෙයි ඇත්තටම අන්තිමට වෙන්නේ. සාම්ප්‍රදායෙන් ඔබ්බට ගියපු අවසානයත් එක්ක සැබවින්ම ඔබ කම්පනයට පත්වේවි.

 

හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HDRIP | x264 | ESub | 700MB 

d52c86345b99e285c731e6a6998f499cb05b73a3

| HDRIP | x264 | 720p | 1.4GB 

07948BD8670ADEA73CE1A55B2E1B71A99977E93A

 Direct Download

| HDRIP | x264 | SD | 197MB |

| HDRIP | x264 | SD | 400MB |

| HDRIP | x264 | Esub | 700MB |

| HDRIP | x264 | 720p | 1.4GB | 

 

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

10 thoughts on “Maayavan (2017) Sinhala Subtitles | වියරු විද්‍යාඥයාගේ අමරණීයත්වයේ උන්මාදය!

  • January 16, 2018 at 12:29 pm
    Permalink

    Film eka supiri amuthuma kathawak good luck byscope in all.

    Reply
  • January 18, 2018 at 7:16 pm
    Permalink

    සබ් එක ගන්න බෑ සහෝ..

    Reply
    • January 19, 2018 at 7:58 am
      Permalink

      register wela inna

      Reply
  • February 2, 2018 at 1:26 pm
    Permalink

    Ai me film ganna bari…kohomada register wenne…mona mgulkda mekta krla thiyenne

    Reply
    • February 3, 2018 at 6:13 pm
      Permalink

      මොන මගුලක් වත් කරලා නැ..link ඔක්කොම වැඩකරනවා..sub එක ගන්න ඔනෙ නම් http://www.baiscopelk.com එකට ගිහින් register වෙලා ගන්න..

      Reply
    • February 18, 2018 at 9:50 am
      Permalink

      Oke registered wenna ona. Ethakota ganna puluwan

      Reply

Leave a Reply

Your email address will not be published. Required fields are marked *