Wonder Woman (2017) | තෙමිස්කිරාවේ කුමරිය… – Bluray Updated . . . . . !

යන්තම් පණ ගහලා නැගිටගෙන එද්දී මිනිස්සු කකුලෙන් අදින එක සාමාන්‍යයයි නෙහ්. මගෙන් ඇහුවොත් එහෙම බොහොම අමාරුවෙන් ඉස්සරහට යන්න හදන දේ මොකක්ද කියලා මං නම් එක හුස්මටම කියන්නේ ඒ DC කොමික් යුනිවර්ස් එක කියලා. ඒ මොකද කියලා කියන්න ඕන නෑනේ. ලස්සන කෙල්ලෙක් දාපු පලියට ලස්සන ෆීමේල් ඔරිජින් ස්ටොරියක් වෙන්නෙත් නෑ සමහරක් ඔය 2019දී වෙයි කියලා හිතාන හිටියට. ඒකට පින තියෙන්නත් ඕන. කොහොමහරි කමක් නෑ ඔන්න එහෙනම් DC කොමික් රසිකයන් මේ සිනමාපටය එනකන් පිස්සෙක් වගේ පිස්සෙක් වගේ බලා ඉන්න ඇතියි කියලා හිතනවා. මොකද මං නම් එහෙමයි. හැබැයි දැනට බලන්න පුලුවන් කොපියක් තමයි ඇවිත් තියෙන්නේ. මේ වගේ රස එව්වා නම් ඉතින් අනිවාර්යෙන්ම බ්ලුරේ 1080p එකක්ම අරන් බලන්න වටින ඒවා.ඒත් ඉතින් ඉවසන්න බැරි උදවියට බයිස්කෝප් සිංහලෙන් හරහා ඒ අවසථාව ලබා දෙන්නයි හදන්නේ.

2013 වසරේ පටන් ගත්ත අපේ අසහාය අධ්‍යක්ෂකවරයා Zack Snyder විසින් අධ්‍යක්ෂණය කරපු Man of Steel චිත්‍රපටයෙන් පසුව, BvS (2016)Suicide Squad (2016) චිත්‍රපට වලට පසුව මේ වසරේ නිකුත්වුන පළමු සිනමාපටය තමයි Wonder Woman කියන්නේ වගේම මේක තමයි යුනිවර්ස් එකේ දෙවැනි ඔරිජින් ස්ටොරිය වෙන්නෙත්. BvS තුලින් දැක්ක වොන්ඩර් වුමන්ව අමතක වෙනවනම් ඔය ඇස්වල ලෙඩක්. දැනට කතා හතරක් උනාට කතා එකිනෙකට පොඩි හරි සම්බන්ධ වීමක් තියෙනවා. මුලදී මෙට්‍රෝ පොලිස් වලට තර්ජනයක් විදිහට සලකපු සුපී, එතකොට සුපීව මරාගන්න දගලපු බැටා වගේම අන්තිමට ඒ චිත්‍රපටයට එකතු වුන වොන්ඩර් වුමන්. මේ වෙන මොකටවත් නෙවෙයි ලෑස්තිය මේ අවුරුද්දේ අන්තිම සෙට් එක ලෑස්ති කරගන්න. නුදුරේදී හුගක් ඔරිජින් ස්ටෝරි නම් බලාගන්නත් පුලුවන් වේවි.

ඈත අතීතයේ සාගරයට මැදිවුණු සැගවුණු නගරයක් තියෙනවා “තෙමිස්කාරා” කියලා. මේකට පැරඩයිස් කියන නමිනුත් හදුන්වලා තියෙනවා. මේකේ වාසය කලේ ග්‍රීක දෙවිවරු කොට්ටාශයක්. හිපොල්යාටා රැජින හා ඇතිනා දෙවඟන මැටියෙන් දරුවෙක් නිර්මාණය කරලා ඒ දරුවට ජිවය ලබා දීමක් කරනවා. මව්වරු දෙදෙනෙක්ට හිමිකම් කියන ඩයෑනාට දෙවිවරු හය දෙනෙක්ගේ බලයද ලැබෙනවා. හිපොල්යාටා රැජින නිර්මාණය කරපු මැටි රූපයට පණ දීපු ඇතිනා දෙවඟන විසින් බුද්ධිය හා ධෛර්යයද, ආර්ටිම්ස් විසින් සත්වයන් තේරුම් ගැනීමට අවශ්‍ය ශක්තියද, ඩේමෝටර් විසින් ශක්තියද, හර්මස් විසින් සුපිරි වේගයක් (වේගය දකින්න ඇතිනේ BvS එකේ ඩූම්ස්ඩේ සටනෙදි), හෙස්ටියා විසින් ගින්දර පාලනය කිරීමට අවශ්‍ය ශක්තියද වගේම අවසාන වශයෙන් අපරෝඩියෙට් දෙවියන් විසින් සියළු දෙනාගේ සිත් ඇදගන්න කදිම රූප සොබාවක්ද දායාද වෙනවා. මේ සියළු දේවල් වලට හිමිකම් කියලා තමයි පුංචි ඩයෑනා උපදින්නේ. ඉතින් ඊටපස්සේ තමයි හරි කාලයත් එක්කම එයාට කඩු ශිල්පය, දුනු ශිල්පය, විසිකර පහර දීමේ ශිල්පය හුගක් දෑ ඉගෙන ගන්නවා. තෙමිස්කාරාහි සටන් කිරීම්වල නිරත වෙමින් හිටියත් එක්තරා මොහොතක් වෙනකන්ම එයා දන්නෙත් නැහැ එයාට තියෙන බලයන් මොනවාද කියලා. ඒ වගේ දවසකින්ම තමයි එයාගේ ජීවිතේ තවත් වෙනසක් සිද්දවෙන්නේ. ඉතින් මෙතෙක් කාලයක් බලාන හිටපු එකේ ඔන්න එහෙනම් දැන් සිංහල උපසිරැසි එක්කම බලාගන්න පුළුවන් වේවි ඩයෑනා කොහොමද අමානුෂික යුද්ධයක් එක්ක කරට කර සටන් කරලා ලෝකය බේරගන්නේ කියලා.

DC යුනිවර්ස් එකේ තරුණියකගේ ඔරිජින් ස්ටොරියක් තවත් තරුණියක් විසින් අධ්‍යක්ෂණය කරලා තරුණියක්ම උපසිරැසි කරපු ඉතිහාසේ පලවෙනි වතාව මේක වෙන්න ඕන. ඔව් මෙදාපාර චිත්‍රපටයේ අධ්‍යක්ෂණය කෙරුනේ “Patty Jenkins” විසින් තමයි. රංගනයෙන් දායක වෙන චරිත කිහිපයක් ගැන කියනවනම් “තරුණ ඩයෑනා කුමරියගේ” චරිතයට රංගනයෙන් දායක වෙන්නේ සුරූපී නිලි “Gal Gadot.” Star Strek චිත්‍රපට පෙලින්ම ජේම්ස්ගේ චරිතයට රංගයෙන් දායක වූ Chris Pine මේ සලරුවේ “ස්ටීව් ට්‍රෙවර්” හැටියටත්, “Connie Nielsen” හිපොල්යාටා රැජින ලෙසටත්, “Robin WrightDanny HustonDavid Thewlis” ඔය වගේ හුගාක් ලොකු පිරිසක් මේකට දායක වෙලා තියෙනවා. කතාව ලියලා තියෙන්නේ “Allan Heinberg.” ඔයාලගේ සුපුරුදු හිතවතා “Zack Snyder” තමයි තිර රචනය කරලා තියෙන්නේ. ධාවන කතා කාලය පැය 2 කුත් විනාඩි 22 කුත් හැටියට සටහන් වෙනවා. ActionAdventureFantasy ගණයට තමයි මේක අයත් වෙන්නේ.

IMDb තුළ 8.0/10 ක අගයක් ලබා ගනිමින් පළමු වතාවට කුණු තක්කාලි දර්ශකය කවුරුවත් හිතුවේ නැති විදිහට වෙනස් කරමින් රෝටන් රෝමටෝ දර්ශකයේ 92% ද, විචාරක පැසසුම 91% ක අගයක්ද ලබාගෙන තියෙනවා. ලෝගන් චිත්‍රපටියට පසුව පැමිණි චිත්‍රපටි අතරින් වැඩි දෙනෙක්ගේ අවධානයට ලක් වෙලා අධික ප්‍රේක්ෂක පිරිසක් ආග්‍රහණය කරගත්තු මං දන්න එකම චිත්‍රපටිය තමයි මේක. ඒ ගැන ඉතින් ලැබුණු ජයග්‍රහණයයෙන් කියන්න පුළුවන්. ඇමරිකානු ඩොලර් 149,000,000 ක් වගේ පොඩි මුදලක් වැය කරලා නිර්මාණය කරපු මේ චිත්‍රපටය මේ වෙද්දී බොක්ස් ඔෆිස් තුල (2017 ජුනි 30 වන දිනට ) ඇමරිකානු මිලියන 708, 444, 475 ක මුදලක් උපයාගෙන අවසනයි. හැමපාරම වගේ සුපිරි තේමාගීතයක් එකතු වෙනවාමනේ. ඉතින් මේ පාර ප්‍රධාන තේමාගීතය වුණේ “Sia” ගායනය කරන “To Be human” කියන ගීතයයි.ඒකත් අහලා බලන්න. ඉතින් මේ ලැබූ ජයග්‍රහණ එක්ක මේ වෙද්දීත් වොන්ඩර් වුමන් චිත්‍රපට පෙලෙහි දෙවැන්නක් එන බව දැනටමත් සදහන් කරලා අහවරයි.

2009 දී නිකුත්වුන ඇනිමෙටඩ් චිත්‍රපටයට එහා ගියපු හොද කොමික් අනුසාරයක් ගොඩනගපු හොද තත්වයේ චිත්‍රපටයක් කියලා දැකගන්න පුළුවන් වේවි කියලා හිතනවා මේක නරඹලා අවසන් වෙද්දී. අනික කොමික් එක්ක පටලවගන්න නම් එපා. ඒකමයි කතාවවත් නොකිව්වේ. වගකීමෙන් කියන්න පුළුවන් කිසිම ස්පොයිල් කිරීමක් වුණේ නැහැ කියලා. මෙච්චර කාලයක් චිත්‍රපට එකිනෙකට සම්බන්ධ වීමක් වුණේ කොහොමද කියලා දැක්කනේ. මේකෙදිත් ඔයාලට දැකගන්න පුළුවන් වොන්ඩර් වුමන් චිත්‍රපටය කොහොමද අනික් චිත්‍රපට හා සම්බන්ධවීමක් වෙන්නේ කියලා. ඒ නිසා කතාවේ මුල ඉදන් අග වෙනකන් හොද සිහියෙන් බලන්න. BvS එකවත් හරියට නොබලා කෑ ගහන උදවිය තාමත් නැතුව නෙවෙයි. අනේ මට නම් සැහෙන්න වටින ඇතැම් අයට අකුරු දෙකේ සමාගම කියන නමට විතරක් සිමා වුන ඩීසි කොමික් විශ්වයේ ඊලග පියවර වන Justice League (2017) චිත්‍රපටය මෙවර නොවැම්බර් මාසයේ 17 දී තිරගත වීමට නියමිතයි. එහෙනම් ඉතින් ඊලග නැවතුමේදී හමුවෙන තෙක්, අදට සමු ගන්නවා. ගිහින් එන්නම්. ජය!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| Bluray | x264 | SD | 1 GB |

54C7E6654AB6D9C8C20B9B9079D1B7FA5B8F6754

| Bluray | x264 | 720p | 1.7 GB |

482BBA917CB27355DEA915B9E9F5EF2D328C8256

| Bluray | x264 | 1080p | 9.8 GB |

851F6ECA7F95D962EA5F2876DDEC4F655BF88087

Direct Download

| Bluray | x264 | 480p | 330 MB |

    

| Bluray | x264 | SD | 1 GB |

  

| Bluray | x264 | 720p | 890 MB |

    

| Bluray | x264 | 720p | 1.7 GB |

  

| Bluray | x264 | 1080p | 1.5 GB |

    

| Bluray | x265 | 720p | 516 MB |

    

| Bluray | x265 | 2Ch | 8bit | 720p | 900 MB |

  

| Bluray | x265 | 6Ch | 8bit | 1080p | 975 MB |

  

| Bluray | x265 | 6Ch | 10bit | 1080p | 1.77 GB |

    

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

3 thoughts on “Wonder Woman (2017) | තෙමිස්කිරාවේ කුමරිය… – Bluray Updated . . . . . !

Leave a Reply

Your email address will not be published. Required fields are marked *