Lucid Dream (2017) AKA Loosideu deurim | පිය සෙනෙහසේ සිහිනය

ෆිලුමේ පාදම වෙන්නේ Lucid Dreams කියන මේ වනවිටත් විද්‍යාත්මක පර්යේෂණ ආදිය සිදුවෙමින් පවතින සංසිද්ධියක්.ඒ ගැනත් යම් ප්‍රමාණයක් ඉදිරියට කතා කරමු.තමන්ගේ පුතාව මරණයෙන් බේරාගැනීම වෙනුවෙන් පියෙක් දරන අසහාය වෑයමක් ගැන තමයි මේ ෆිලුමේ කියවෙන්නේ.

Lucid Dream කියන එකෙන් අදහස් වෙන්නේ තමන් සිහින දකින බව දැනුවත්ව දකින සිහිනයක්.ඒ කියන්නේ Lucid Dreams වලදී අදාළ පුද්ගලයාට එම සිහිනයේ චරිත,පරිසරය ආදිය තමන්ට අවශ්‍ය පරිදි වෙනස් කරන්න,යම් පාලනයක් කරන්න පුළුවන්.Lucid Dream කියන වචනය හඳුන්වාදෙන්නේ 20වෙනි ශත වර්ෂයේ මුල් භාගයේදී.නමුත් ඊට කලින් ඉඳලම ඇරිස්ටෝටල් ඇතුළු කිහිප දෙනෙක්ම මේ ආකාරයේ සිහින ගැන යම් යම් අදහස් පල කරලා තියෙනවා.කොහොමවුනත් පසුකාලීනව මේවා ගැන බොහෝමයක් විද්‍යාත්මක පර්යේෂණත් සිද්දවෙනවා.ඒ පර්ශේෂණ වලින් ඔප්පුවෙනවා Lucid Dreams කියන්නේ ගැඹුරු නින්දට අදාල අවධියක් වන REM(Rapid Eye Movement) නින්දට සම්බන්ධ දෙයක් කියලා.Lucid Dreaming වල පලවෙනි අදියර වෙන්නේ තමන් දකින්නේ සිහිනයක් බව අවබෝධ කරගන්න එක.මෙහෙම සිදුවෙනවා නම් ඒක වෙන්න පුළුවන් අපේ මොලයේ ක්‍රියාකාරී මතකය ගබඩා කරලා තියෙන ප්‍රදේශයෙන්.නමුත් සාමාන්‍යයෙන් REM නින්දෙදී මේ ප්‍රදේශය අක්‍රිය වෙලා තමයි තියෙන්නේ.යම් හෙයකින් ඒ අවධියේදී මේක සක්‍රිය වුනොත් අපිට Lucid Dream එකක් බලාගන්න පුළුවන්.ඒ කියන්නේ ඒ ප්‍රදේශය ක්‍රියාත්මක වුනාම අපිට අවබෝධ වෙනවා අපි මේ දකින්නේ සිහිනයක් කියලා,ඒ වගේම අදාල පුද්ගලයාගේ අනුදැනුම ඇතුව සිහිනය ඉදිරියට ගෙනියන්න පුළුවන් වෙනවා.ඒ වගේම නිතර නිතර බියකරු සිහින දකින එක පාලනය කරන්න මේ Lucid Dreaming යොදාගෙන කරලා තියෙන බොහෝමයක් විද්‍යාත්මක පර්යේෂණ සාර්ථක වෙලා තියෙනවා.

අන්තර්ජාලයේදී ඔයාලට බලාගන්න පුළුවන් වෙයි,මේ Lucid Dreams ගැනම කියවෙන ඒවටම වෙන්වුණු වෙබ් අඩවි තියෙනවා,Lucid Dreaming සඳහා මාර්ගෝපදේශන තියෙනවා,Lucid Dreams දකින හැටි උගන්වන්න අන්තර්ජාල පාඨමාලා තියෙනවා.ඒ කියන්නේ මේක ජනප්‍රිය වගේම පුළුල් මාතෘකාවක්.ඉතින් මේ ජනප්‍රියත්වයත් එක්කම මේ මාතෘකාව සිනමා ක්ෂේශ්ත්‍රයටත් මාතෘකාවක් වෙලා තියෙනවා.ඒ අද ඊයෙක ඉඳලා නෙවෙයි.ඒ කියන්නේ Lucid Dreams සම්බන්ධ වුනු පලවෙනි චිත්‍රපටිය මේක නෙවෙයි.මෑත අතීතයේ ජනප්‍රිය වුනු හොලිවුඩ් නිර්මාණ වන Avatar (2009) , Inception (2010)කියන්නේ මේ Lucid Dreaming සම්බන්ධ චිත්‍රපට.ඒ වගේම What Dreams May Come (1998)The Matrix (1999)Vanilla Sky (2001) කියන්නේ ඒ වගේ පැරණි චිත්‍රපට කිහිපයක්.

හරි දැන් ෆිලුමේ කතාවට පොඩ්ඩක් එන්නම්.ඩී-හෝ කියන්නේ ගවේෂණාත්මක පුවත්පත් වාර්තාකරුවෙක්.මෙයා පත්තරේට ලියන ඇතැම් ලිපි හින්දම ඇතිවුණු සතුරෝ බොහොමයක් මෙයාට ඉන්නවා.නමුත් මෙයා හැම වෙලාවකම සත්‍යය සහ සාධාරණය වෙනුවෙන් තමයි පෙනී සිටින්නේ.ඒ වගේම මෙයාට පුංචි පුතෙක් ඉන්නවා.නමුත් පුතාගේ අම්මා නම් මේ අය එක්ක නැති බවක් තමයි පේන්නේ.ඩී-හෝ තමන්ගේ පුතාට කොයි තරම් ආදරේ වුනත් එයාගේ වැඩ රාජකාරිත් එක්ක පුතා එක්ක ගත කරන්න ලැබෙන වෙලාව හරිම අඩුයි.ඉතින් මේ වගේ ඉඩක් ලැබුනු වෙලාවක පුතා එක්ක දවසම ගත කරන්න හිතාගෙන ඩී-හෝ පුතාව ළමා උද්‍යානයකට එක්කගෙන යනවා.ඒකෙදි සිද්දවෙන යම් සිද්දියක් මුල් කරගෙන තමයි ෆිලුම ඉස්සරහට යන්නේ.

උපසිරැසිය කරද්දී මුහුණදීපු ප්‍රශ්නය තමයි මේ Lucid Dream කියන යෙදුමට යොදාගන්න සිංහල වචනය මොකක්ද කියන එක.Lucid කියන එකෙන් අදහස් වෙන්නේ පැහැදිලි,සිහිය ඇති,අවබෝධයකින් යුක්ත වගේ අදහසක්.කොහොමවුනත් අවසානයේ ‘අවිකල සිහින’ කියන යෙදුම Lucid Dream සඳහා මීට කලින් යොදාගෙන තියෙන බවක් දැක්කා.ඒ නිසා මමත් උපසිරැසියේ යොදාගත්තේ ඒ යෙදුමමයි.ඒත් මෙයින් පරිබාහිර යෙදුමක් මේක සඳහා යොදාගන්න බවක් දන්නවනම් ඒ ගැනත් අපිව දැනුවත් කරන්න කියලා අවසාන වශයෙන් මතක් කරනවා!


හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEB-DL | x264 | 720p | 800MB |    

637dc20a8d30c7395cf113d2b31ce2090d24ba5b

| HDRip | x264 | 720p | 1.4GB |    

39b1bab9d5ea1fdf0a046f36e7b9b5ab8d4bbec0

Direct Download

| WEB-DL | x264 | 480p | 350 MB |             

| HDRip | x264 | 480p | 490MB |                    

| WEB-DL | x264 | 720p | 540 MB |             

| WEB-DL | x264 | 720p | 800MB |                  

| HDRip | x263 | SD | 1.4GB |                            

| WEB-DL | x265 | 720p | 530MB |                  

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

Leave a Reply

Your email address will not be published. Required fields are marked *